باختر دولتی خبرگزارلیگی امر بالمعروف و نهی عن‌المنکر وزیرلیگی سرپرستی محمد‌خالد حنفی‌دن نقل قیلیب توییتر صحیفه‌سیده یازگن که، دنیا مملکت‌لری «سینگیل‌لریمیز نینگ حجابی» حقیده قرار آلیش گه حق‌لری یوق.
باختر بو توغریده کوپینچه معلومات یازمه‌گن.
شونده‌ی بیرحالده، جاری هفته نینگ شنبه کونی امر بالمعروف و نهی عن‌المنکر وزیرلیگی عیاللر حجابی حقیده بیر بویروغ صادر قیلدی. مذکور بویروغ اساسیده، بوندن کیین عیاللر حجاب نی رعایت قیلیش‌لری کیره‌ک، عکسینچه حالده اولر نینگ عایله ایرککلری جزالنتیریلیشی ممکن.
بیزلرنینگ فیسبوک صحیفه‌میزگه باش اورینگ!
مذکور بویروغ‌ده «چادری و قاره حجاب» حجاب نمونه‌لریدن دیلگن و عیاللر نینگ نیازلری بولمه‌گن صورتده اویلریدن چیقمه‌یشلری خصوصیده تاکید بولگن. عین حالده، عیال ایشلاوچیلر دولتی نهادلرده حجاب نی رعایت قیلمه‌گنلری صورتده، ایشدن بوشه‌تیلیش‌لری ممکن.
اسلامی امارت نینگ مذکور بویروغی ایچکی، خلق‌ارا و آمریکا دولتی نماینده‌لری نینگ عکس‌العمل‌لر بیلن روپه‌رو بولگن.
بیزلرنینگ توییترده هم تعقیب قیلینگ!
آمریکا تشقی ایشلر وزیرلیگی سوزلاوچیسی ند پرایس نی ایتیشیچه، اسلامی امارت عیاللر و قیزلر خصوصیده‌گی سونگی بویروغی نی اوزگرتیرمه‌گن صورتده، آمریکا دولتی اولر گه باسیم‌لری نی کوپه‌یتیریشی ممکن.