غورده‌گی محلی منبع‌لر نینگ ایتیشلریچه، اوشبو ولایت نینگ مرکزی فیروزکوه شهری و تیوره تومنی حدودلری ده ایکی قیز، اوزلرینی دار گه آسیب حیات‌لری گه نقطه قویگنلر.
منبع اسمی سِر قالیش شرطی بیلن سلام‌وطندار گه ایتیشیچه، فیروزکوه شهری مکتب‌لریدن بیری نینگ اوقووچیسی بولگن ۱۳ یاشر قیز، بوگون عصر چاغی (شنبه، ۲۶ قوس) نامعلوم دلیل‌لر سبب چادری دن فایده‌لنیب اوزینی دار گه آسیب و حیاتی گه چیک قویگن.
بیزلرنینگ فیسبوک صحیفه‌میزگه باش اورینگ!
مذکور منبع گه کوره، اوشبو قیز نینگ عایله‌سی بیلن هیچ قیینچیلیگی بولمه‌گن.
شونینگدیک باشقه بیر منبع مذکور ولایت نینگ تیوره تومنی ده ۱۸ یاشر بیر قیز اوز جانی گه قصد قیلگنیدن خبر بیره‌دی. اونینگ ایتیشیچه، اوشبو قیز نشانلی بولیب و عایله‌سی اونی اویلنتیریش پیتیده اوشبو نکاح دن ناراضی‌لیگی سبب اوزینی اولدیرگن.
منبع نینگ کوپه‌یتیریشیچه، اوشبو قیز ارقان دن فایده‌لنیب و حیاتی گه نقطه قویگن.
بیزلرنینگ توییترده هم تعقیب قیلینگ!
ایتیش کیره‌ک که، سونگی کونلرده مملکت نینگ قطار ولایت‌لریده اوزینی اولدیریش واقعه‌لری کوپه‌یگن.
