غور مرکزی فیروز کوه شهری ده مهاجرلر شهرکی یشاوچیلریدن بیرقطاری، ایچیمیلیک سوو دن فایده‌لنه آلمسلیک‌لریدن نالیب ایتیشلریچه، قورغاقچیلیک و ییر آستی سوولری پس توشیشی سبب، برچه قودوق‌لری قوریب قالگن و اولر ایچیملیک سوولرینی کوپ اوزاق منطقه‌لردن آلیب کیلیب تأمینله‌یدیلر.
اولر، اسلام امیرلیگی مسئوللریدن، مذکور منطقه یشاوچیلری نینگ قیینچیلیگی حلی اوچون دقت قیلیش‌لرینی طلب قیله‌دیلر.
غور مرکزی فیروز کوه شهری ده مهاجرلر شهرکی یشاوچیلریدن محمدشریف نینگ ایتیشیچه : «کوپ قیینچیلیک اینیقسه ایچیملیک سوو تنقیص‌لیگی بیلن روپه‌ره‌میز، بو ییرده تیریکچیلیک قیلیشیمیزدن اون ییل اوتماقده، کوپ قیینچیلیک بیلن باریب دریا دن سوو آلیب کیله‌میز.»
بیزلرنینگ فیسبوک صحیفه‌میزگه باش اورینگ!
غور مرکزی فیروز کوه شهری ده مهاجرلر شهرکی یشاوچیلریدن باشقه بیری محمدابراهیم کوره: «بیر کیلومتر یا که ایکی کیلومتر یول نی کیزیب سوو آلیب کیله‌میز، دولت و یاردم بیرووچی نهادلردن سوو قیینچیلیگی حلی اوچون دقت قیلیش‌لرینی ایسته‌یمیز، ۱۰۰ فایز ایچیملیک سوو گه نیازمندمیز یالغیز بیز ایمس بلکه برچه یشاوچیلر نینگ سوو گه نیازی بار.»
باشقه تاماندن، غور مهاجرلر شهرکی یشاوچیلریدن بیرقطاری، ایچیملیک سوو تنقیص‌لیگیدن نالیب ایتیشلریچه، اوشبو منطقه گه خصوصی بیر شرکت تامانیدن نل آرقه‌لی سوو انتقال بیریلگن و بو سوو ییترلی ایمس دیر.
غور مهاجرلر شهرکی یشاوچیلریدن عبدالکریم نینگ سلام‌وطندار گه ایتیشیچه: «سوو تنقیص‌لیگی قیینچیلیگی بیلن روپه‌ره‌میز، سوو نوبت بیلن توزیع بوله‌دی، هر ۱۰ یا که ۱۵ کون ده بیر مرته سوو کیله‌دی، اوشبو منطقه یشاوچیلری کوپ قیینچیلیک بیلن دوچ دیر.»
شونینگدیک، غور مهاجرلر شهرکی یشاوچیلری گه کوره، اولر مذکور منطقه اهالیسی نینگ سوو قیینچیلیگینی سابق حکومت و اسلام امیرلیگی مسئوللری بیلن نیچه مرته شریک قیلگنلر، بیراق بوتوغریده حاضرگچه دقت قیلینمه‌گن.
بیزلرنینگ توییترده هم تعقیب قیلینگ!
غور قیشلاق‌لرنی رواجلنتیریش و قیته قوریش ریاستی مسئوللری، سوو تنقیص‌لیگینی یشاوچیلر نینگ اساسی قیینچیلیگی عنوان قیلیب ایتیشلریچه، اولر یاردم بیرووچی موسسه‌لر یاردمی بیلن اوشبو قیینچیلیککه چیک قوییش مقصدیده سعی‌وحرکت قیلماقده‌لر.
غور قیشلاق‌لرنی رواجلنتیریش و قیته قوریش ریاستی نینگ مطبوعات مسئولی ذبیح‌الله غوثی‌زاده گه کوره: «مهاجرلر شهرکی ده سوو ناقانونی روشده استعمال قیلینیشی، سوو تنقیص‌لیگیگه علاوه یشاوچیلر نینگ اجتماعی قیینچیلیککه دوچ قیلگن. غور ولایتی اینیقسه افغانستان بویلب ییر آستی سوولری پس توشماقده، غور قیشلاق‌لرنی رواجلنتیریش و قیته قوریش ریاستی، یاردم بیرووچی مؤسسه‌لر یاردمی بیلن بو قیینچیلیک حلی اوچون سعی‌وحرکت قیلماقده دیر.»
غور مهاجرلر شهرکی ده، بیر مینگ دن آرتیق عایله حیات کیچیریب کیلماقده و اولر نینگ برچه‌سی ایچیملیک سوو تنقیص‌لیگی بیلن روپه‌ره بولیب و سوولرینی اوزاق منطقه‌لردن آلیب کیلیب تأمینله‌یدیلر.
