۳۸ یاشر فضل‌احمد؛ غورده ۸ کیشی‌لیک بیر عایله نینگ نان کیلتیرووچیسی دیر، اونینگ ایتیشیچه، کمیده ایکی هفته آلدین اوشبو ولایت حاکمی تامانیدن غیر‌دولتی یاردم بیرووچی مؤسسه‌لر فعالیتی توخته‌تیلیشیدن کیین، مذکور ولایت بازارلریده دستلبکی مادهلر اینیقسه اون و یاغ بهاسی قیمت بولگن و او ییگولیک ماده‌لرنی ساتیب آلیش‌گه کوچی ییتمه‌یدی.
فضل‌احمد نینگ ایتیشیچه، اوشبو ولایتده نیچه مرته یاردم بیرووچی مؤسسه‌لر تامانیدن یاردم آلیب و حیاتینی کیچیرگن. او غور ولایتیده یاردم بیرووچی مؤسسه‌لر قیته فعالیت گه باشلش‌لرینی سوره‌یدی.
اونینگ کوپه‌یتیریشیچه: «اون آلسم یاغ آلالمه‌یمن، یاغ آلسم اون آلالمه‌یمن. حاضر بیزلر بیر بوجی قزاقی درجه اول اون نی ۲۵۰۰ افغانی گه آله‌میز، ۵ کیلوگرام‌لیک یاغ نی ۸۵۰ الی ۹۰۰ افغانی گه آله‌میز. حکومت بولگن صورت‌ده، ملت گه خذمت قیلیشی کیره‌ک و اهالی گه ییگولیک مادهلر نی ترقه‌تیشی اوچون موسسه‌لر گه اجازه بیریشی کیره‌ک. ایکی اوچ هفته‌گچه موسسه‌لر فعالیتی شو رقم توخته‌ب قالسه، آچلیک و ایش‌سیزلیک اوچون اهالی نینگ سیسی چیقیشی ممکن.»
بیزلرنینگ توییترده هم تعقیب قیلینگ!
باشقه بیر تامان‌دن، غور مدنی فعال‌لریدن قطاری اوشبو ولایتده نیازمند‌لر گه یاردم بیرووچی موسسه‌لر یاردمی نینگ ترقه‌تیلیشی نی فایده‌لی دیب و غور محلی مسئوللریدن مذکور ولایتده دستلبکی مادهلر بهاسی نینگ کنترول و قیمت ساتگنلر بیلن قانونی یول باریشلری نی سوره‌گنلر.
غور لعل‌و‌سرجنگل تومنی نینگ مدنی فعال‌لریدن بیری حکمت لعلی نینگ سلام‌وطندار گه ایتیشیچه: «غور ولایتیده موسسه‌لر اینیقسه یاردم بیرووچی موسسه‌لر فعالیتی نینگ توخته‌گنی بیلن، شونینگدیک دستلبکی مادهلر بهاسی یوقاری کیتگن. اهالی محلی و مرکزی حکومت رسمی‌لریدن غور ولایتیده فعالیتی بولگن موسسه‌لر گه، فعالیت قیلیشلری اوچون اجازه بیریلشی کیره‌ک که اوشبو اهالی بو یول آرقلی ایش صاحبی بولیب و شونینگدیک دستلبکی مادهلر بهاسی کمه‌یشی کیره‌ک. عکسینچه حالده، غور ولایتیده فاجعه یوز بیریشی ممکن.»
بیراق غور حاکمی سوزلاوچیسی عبدالواحد حماس، مذکور ولایتده یاردم بیرووچی موسسه‌لر فعالیتی نینگ توخته‌گنی باعث، دستلبکی مادهلر بهاسی نینگ کوپه‌یگنی خصوصیده‌گی ادعا نی رد قیلیب و ایتیشیچه، اولر اهالی قیین‌چیلیگی نی درک قیله‌دیلر و اونینگ حل قیلماقده‌لر.
بیزلرنینگ فیسبوک صحیفه‌میزگه باش اورینگ!
کمیده ۱۰ کون آلدین غور حاکمی سوزلاوچیسی عبدالواحد حماس سلام‌وطندار گه اوشبو ولایتده یاردم بیرووچی غیر دولتی ۲۰ موسسه نینگ فعالیتی توخته‌گنی و ولایت رسمی‌لری نینگ هدایتی‌گچه فعالیت قیله‌آلمه‌یشلری نی ایتگن بیرحالده، غور یشاوچیلری مذکور ولایتده دستلبکی مادهلر بهاسی نینگ کوپه‌یگنیدن شکالت قیلماقده‌لر.
غورده ایچکی و تشقی یاردم بیرووچی موسسه‌لر نینگ قچان قیته فعالیت قیلیشلری حاضرگچه بیللی ایمس.
