غزنی ده ساغلیک تعلیمی انستیتیوت‌لر طلبه‌لریدن قطاری نینگ ایتیشلریچه، اوشبو انستیتیوت‌لر نینگ خیالی طلبه‌لری بار و صنف‌لر ده حضور تاپمسدن اولر گه فراغت حجت بیریله‌دی.
طلبه‌لر بو ایش‌نی مملکت عالی تحصیلات قانون_قاعده‌لری گه قرشی دیب و مسئوللردن، تحصیلی ساخته حجت تیارلش آلدی آلینیشینی طلب قیله‌دیلر.
غزنی ده‌گی طلبه‌لردن مریم (مستعار اسم)، ایکی ییل آلدین غزنی ساغلیک تعلیمی انستیتیوت‌لریدن بیری ده بیر سمستر درس اوقیگن سلام‌وطندار گه ایتیشیچه، اوشبو ییل دم آلمسدن درس‌لری گه دوام بیریشنی ایستر ایدی، بیراق ایکینچی سمستردن تورتینچی سمستر فیسینی توللب و درس‌لرینی تورتینچی سمستردن باشلشی اونگه تکلیف قیلینگن.
بیزلرنینگ فیسبوک صحیفه‌میزگه باش اورینگ!
مریم صنف ده حضور تاپسمدن حجت بیریلیشی تکلیف قیلینگن یالغیز طلبه ایمس بلکه، باشقه بیر قطار طلبه‌لر، ساغلیک تعلیمی انستیتیوت‌لر حتی خصوصی عالی تحصیلات مؤسسه‌لر ده خیالی طلبه‌لر بارلیگیدن شکایت قیلیب ایتیشلریچه، یالغیز طلبه اسمی حاضری ده یازیلگن و صنف ده حضور تاپمه‌یدی.
غزنی ده‌گی طلبه‌لردن محمدعارف آریا نینگ ایتیشیچه: «اکثر جای‌لرده مردم یالغیز پول توللـه‌یدی، بیراق صنف‌لرده حضور تاپمه‌یدیلر، بیرینچی سمستر و سونگی سمسترده کیلیب و یالغیز حجت‌لرینی آله‌دیلر.»
عین‌حالده، غزنی یشاوچیلریدن قطاری، اسلامی امارت دن بوتوغریده دقت قیلیب ایتیشلریچه، تحصیلی نهادلردن خیالی طلبه‌لر فارغ بولیشی فاجعه دیر.
بیراق تحصیلی نهادلر مسئوللری، درسی صنف‌لرده حضوری بولمه‌گن طلبه‌لر گه حجت بیریلیشینی رد قیلیب ایتیشلریچه، مذکور نهادلرده بو گل ایشلر آلدی آلینیشی اوچون چاره_تدبیر کوریلیشی کیره‌ک.
اولر نینگ کوپه‌یتیریشیچه، اوتمیش‌لرده بو کبی ایشلر بولیشی ممکن، لیکن حاضر غزنی ساغلیق‌نی سقلش ریاستی تامانیدن ساغلیک تعلیمی انستیتیوت‌لر جدی نظارت بوله‌دی.
بیزلرنینگ توییترده هم تعقیب قیلینگ!
غزنی ساغلیق‌نی سقلش ریاستی گه کوره، ساغلیک تحصیلی نهادلر طلبه‌لری نینگ حجت‌لری تیکشیریله‌دی و بو گل ایش بولگن تقدیرده، قلابکارلر بیلن قانونی یانده شیله‌دی.
ایتیش کیره‌ک که، غزنی ولایتیده حاضر ۸ ساغلیک تعلیمی انستیتیوت و ۳ خصوصی بیلیم یورت فعالیت قیله‌دی. اوشبو ولایتده اکثر ساغلیک انستیتیوت‌لر سونگی ییل‌لرده ایجاد بولگن و یاشلرنی نیمه عالی ساغلیک بولیم‌لریده تعلیم بیره‌دیلر.
