کابل شهری نینگ ترافیک عمومی ریاست اورین باسری تمیم عصمتی سلام‌وطندار بیلن اوتکزگن صحبتیده، مملکت یشاوچی‌لریدن موترلری نینگ اسنادلرینی طی مراحل قیلیش اوچون، کمیشن‌کارلرگه مراجعت قیلمه‌یش‌لرینی سوره‌گن.
شونینگدیک او یشاوچی‌لردن کمیشن‌کارلرنینگ تانیلیشی و قولگه آلینیشی اوچون کابل عمومی ترافیک ریاستی بیلن همکارلیک قیلیش‌لری نی سوره‌گن.
جناب عصمتی نینگ ایتیشیچه، بیر موتر نینگ جوازی قانونی شکلده ۶۰۰ الی ۷۰۰ افغانی دیر؛ بیراق کمیشن‌کارلر هر بیر موتر نینگ جوازیدن ۶۰۰۰ الی ۷۰۰۰ افغانی آلیشه‌دی.
لیکن مملکت یشاوچی‌لری نینگ ایتیش‌لریچه، کابل ترافیک عمومی ریاستیده اسنادلرنینگ طی مراحل قیلینیشی زمان آله‌دی؛ چونکه اوشبو ریاست مسئوللری ایش‌لری نی یخشی بیر شکلده انجام بیرمه‌یدیلر.
بیزلرنینگ فیسبوک صحیفه‌میزگه باش اورینگ!
شونینگدیک کابل شهریده هیداووچی‌لردن قطاری کابل ترافیک عمومی ریاست مسئوللریدن، ایش‌لرینی یخشی بیر شکلده انجام بیریب و کمیشن کارلر نینگ سوءاستفاده قیلیش‌لریگه توسیق بولیش‌لری نی سوره‌گن.
بیراق، کابل ترافیک عمومی ریاستی نینگ اورین باسری مذکور تنقیدلرگه جواب بیریب و ایتیشیچه، مملکت یشاوچی‌لری قیینچلیک‌لری نینگ حل ایتیلیشی اوچون اوشبو ریاست‌ده‌گی شکایت صندوقی آرقه‌لی شکایت‌لری نی مسئوللر گه یتیشتیره آله‌دیلر.
