افغانستان خبرچیلر مرکزی نینگ اعلام قیلیشیچه، شنبه کونی ۱۹-سنبله پکتیا ده‌گی قیز اوقووچیلر اعتراضی نی پوشش بیریش سبب، ۴ خبرچی اوشبو ولایت استخبارات کوچلری تامانیدن قولگه آلینگن.
افغانستان خبرچیلر مرکزی بیر اعلامیه‌ده یازگنلر که، شنبه کونی توش‌دن کیین اسلامی امارت استخبارات کوچلری پکتیا ولایتی مرکزی گردیز شهریده مذکور ولایت نینگ خبرچیلر کلوبی گه هجوم قیلیب، طلوع‌نیوز، آریانانیوز و یک بیلن پژواک خبرگزارلیگی نینگ خبرچیلری نی قولگه آلیب و نیچه ساعت بندی قیلگن ایدیلر.
بیزلرنینگ توییترده هم تعقیب قیلینگ!
افغانستان خبرچیلر مرکزی منبع‌سیدن نقل قیلیب یازگن که، پکتیا استخباراتی اوشبو خبرچیلر نینگ موبایل‌لری نی آلیب و شونینگدیک اولر نینگ کمپیوترلری نی تیکشیرگن.
مذکور مرکز نینگ یازیشیچه، خبرچیلر توش‌دن کیین ساعت ۱:۲۰ده قولگه آلینیب و آخشم ساعت۵:۳۰گچه استخبارات قیدی گه ایکنلر و شونینگدیک اولردن هر بیری اَیری اَیری تیرگاو آستیده قرار تاپگن.
جاری هفته نینگ شنبه کونی، پکتیا ده قیز اوقووچیلردن اونلرچه‌سی مکتب‌لری نینگ قیته یاپیلگنی خصوصیده اعتراض قیلیشگن.
افغانستان خبرچیلر مرکزی نینگ ایتیشیچه، همگانی رسانه‌لر قانونی اساسیده، خبرچیلر حرفه‌یی ایشلری نینگ انجام بیریش‌ده آزادلر و مسئوللر اولر نینگ ایشلریده چیکلاو یره‌تمه‌ی و اولر نی تهدید قیلمه‌یشی کیره‌ک؛ عکسینچه‌سی اولردن حمایت قیلیشی کیره‌ک.
بیزلرنینگ فیسبوک صحیفه‌میزگه باش اورینگ!
خبرچیلر مرکزی، رسانه‌لر قانونی نی تصدیق و اجرا بولیش دیگن اسلامی امارت‌دن، اوشبو قانون نی عمل گه آشیریشلری نی و خبرچیلردن بولگن هرقنده‌ی شکایت گه، رسانه‌لر تخطی‌سی نی تیکشیریش کمیسیونی تامانیدن حل قیلیش‌لری نی ایسته‌گن.
گرچند اسلامی امارت بویروغی اساسیده، بیر ییل‌دن بیری ۶-صنف‌دن یوقاری قیز مکتب‌لر یاپیق دیر؛ بیراق پکتیا ده قیز مکتب‌لردن قطاری محلی بویوک‌لر و اوشبو ولایت معارف ریاستی هماهنگ‌لیگی بیلن ۶-صنف‌دن یوقاری قیز اوقووچیلر یوزیگه آچیلگن ایدی که قیته اسلامی امارت تامانیدن یاپیلگن دیر.