غور ده بوگون (جمعه، ۱۰ سرطان)، یول بویی کتاب کورگزمه‌سی اوشبو ولایت قطار یاشلری و فرهنگی‌لری تامانیدن یولگه قوییلدی. اوشبو کورگزمه تشکیلاتچیلری نینگ ایتیشلریچه، یاش‌لر نینگ استعدادینی اوستیریش، کتاب اوقیش فرهنگینی رواجلنتیریش مقصدیده مذکور کورگزمه‌نی یولگه قویگنلر.
اوشبو کورگزمه تشکیلاتچیلریدن بیری حسام‌الدین معنوی نینگ سلام‌وطندار گه ایتیشیچه، یول بویی مذکور کورگزمه ده دینی علوم، ساینس، طب، اجتماعیات، سیاست، اقتصاد، فرهنگ، ادبیات، داستان، رُمان و باشقه ساحه‌لرده تخمیناً ۳۵۰۰ جلد کتاب نمایش گه قوییلگن. اولر مذکور کتاب‌لرنی یاش‌لر و کتابخانه‌لردن ییغیب و بوگون کورگزمه گه قویگنلر.
بیزلرنینگ فیسبوک صحیفه‌میزگه باش اورینگ!
اوشبو کورگزمه ده قیز طلبه‌لریدن بیرقطاری هم اشتراک ایتگنلر. اولر کتاب اوقیش و تعلیم و تربیه اهمیتی اوستیگه تاکید ایته‌دیلر. طلبه و مذکور کورگزمه ده اشتراک ایتگنلردن بیری پرستو مشعل گه کوره، او و باشقه صنف‌دا‌شلری، قیزلر نینگ مکتبی یاپیلیشی اوچون تعلیم لری گه دوام بیره آلمه‌گنلر و حاضر ایریم کتاب‌لرنی ییغیب و اوقیشنی ایسته‌یدیلر.
پرستو اسلامی امارت مسئوللریدن، تیزلیک بیلن آلتینچی صنف دن یوقاری قیزلر نینگ مکتب‌لرینی آچیب و قیزلر گه مکتب باریش اجازه‌سینی بیریشلرینی سوره‌یدی.
غور ده قیز طلبه‌لریدن باشقه بیری پروانه حلال نینگ ایتیشیچه، جامعه نینگ عیاللر گه نیازی بار و اسلامی امارت قیزلر گه تعلیم و تربیه شرایطینی یره‌تیشی کیره‌ک.
بیزلرنینگ توییترده هم تعقیب قیلینگ!
غور معلومات و مدنیت مسئوللری، یول بویی اوشبو کورگزمه یولگه قوییلیشینی خوش قرشی‌لب ایتیشلریچه، کتاب اوقیش و مطالعه فرهنگی، یاش‌لر نینگ انترنت و اجتماعی ترماق‌لر گه علاقه‌سی کوپه‌یشی باعث کمه‌یگن و بو گَل کورگزمه‌لر یاشلرنی کتاب اوقیش گه ترغیب قیلیشی ممکن.
اوشبو کورگزمه ده اشتراک ایتگن غور معلومات و مدنیت ریاستی نینگ باستان‌شناسلیک مدیری عبدالرشید رحیمی گه کوره، معلومات و مدنیت اداره‌سی، بو گَل نمایشگاه‌لرنی قوللب قوتلب و غور ولایتی فرهنگی‌لری و یاشلری یانیده، مطالعه فرهنگینی نهادینه قیلیش مقصدیده سعی و حرکت قیله‌دی.
