گرچند اوتمیش‌ده دولتی کسلخانهلر نینگ کسل‌لر گه درست ساغلیک خذمتلر ارایه قیلمه‌یشی خصوصیده تنقید بولیب و شونینگدیک دولتی کسل‌خانه‌لرده یشاوچیلر سانی آز بولگن ایدی، لیکن پروان ولایتی‌ده مسئوللر دولتی کسلخانهلر گه مراجعه قیلووچیلر نینگ ایکی برابر بولگنیدن خبر بیرگن.
محمد‌آجان پروان ولایتی شینواری تومنی نینگ ۶۲ یاشر یشاوچیسی دیر. او نینگ معده و جگر کسل‌لیگی بار و پروان نینگ ۱۰۰ یاتاق‌لی کسل‌خانه‌سیده بستر دیر. او نینگ ایتیشیچه، اوتمیش گه قره‌گنده اوشبو کسل‌خانه‌ده ساغلیک خذمتلر نینگ عرضه قیلینیشی کوپ یخشی بولگن.
بیزلرنینگ فیسبوک صحیفه‌میزگه باش اورینگ!
او نینگ کوپه‌یتیریشیچه: «معده و جگر تکلیفم بار، معده و جگرم شیشگن ایدی، اوشبو کسل‌خانه گه کیلدیم، داکترلر مینی بستر قیلدی. حاضر کوپ یخشی بولگن مین. اوتمیش‌ده بو کسل‌خانه گه کیلگنیم‌ده، نسخه نی بازار‌دن آله‌ر ایدی.»
شونده‌ی بیرحالده، شکر کسل‌لیگی بولگن محمدبهرام نینگ ایتیشیچه، اوتمیش گه قره‌گنده حاضر ایسه ساغلیک خذمتلر نینگ ارایه قیلینیشی کوپ یخشی بولگن.
۲۰ یاشر عبدالله پروان ولایتی مرکزی چاریکار شهری نینگ یشاوچیسی دیر. اونینگ ایتیشیچه، اوشبو ولایت یشاوچیلری نی دولتی کسلخانهلر گه مراجعه قیلیشلری نینگ دلیلی نادارلیک و قشاق‌لیک دیر.
اونینگ کوپه‌یتیریشیچه، اوتمیش‌ده داکترلر کسل‌لر گه کسل‌خانه‌دن تشقی شخصی معاینه‌خانه‌لری نی آدرس بیره‌ر ایدیلر. باشقه بیر تاماندن، عبدالله نینگ ادعا قیلیشیچه، اوتمیش‌ده داکترلردن قطاری دارو ساته‌دیگنلردن قطاری بیلن قوللری بار ایدی و انه شوو سبب یشاوچیلر نینگ دولتی کسلخانهلر گه مراجعه قیلیشلری آز ایدی.
عین حالده، پروان نینگ ۱۰۰ یاتاق‌لی کسل‌خانه باش داکتری عبدالخلیل حیدری نینگ سلام‌وطندار گه ایتیشیچه، سونگی کون‌لرده یشاوچیلر نینگ دولتی کسل‌خانه گه مراجعت قیلیشلری نینگ دلیلی قشاق‌لیک دیر که یشاوچیلر خصوصی کسلخانهلر گه مراجعت قیله آلمه‌یدیلر.
بیزلرنینگ توییترده هم تعقیب قیلینگ!
اونینگ کوپه‌یتیریشیچه: «اوتمیش گه قره‌گنده مراجعه قیلووچیلریمیز نی سانی ایکی برابر بولگن. اوتمیش‌ده OPD کسل‌لریمیز ۷۰۰دن ۸۰۰گچه ایدی، لیکن حاضر ایسه ۱۱۰۰دن ۱۲۰۰گچه مراجعه قیله‌دیر. کسل‌لر نینگ ایشانچ‌لری گه کوره، بو ییرده درست درمان بوله‌دیلر و بو کسل‌خانه‌ده خذمتلر عرضه قیلینیشی درست صورت تاپه‌دی و شونینگدیک دارو هم رایگان دیر. اهالی نینگ اقتصادی ضعیف و دارو نی بازار و شخصی کلینیک‌لردن آلالمه‌دیلر.»
باشقه بیر تاماندن، پروان عامه ساغلیق ریاست رئیسی هدایت‌الله اعزام نینگ ایتیشیچه، حاضر ایسه اوشبو ولایت‌ده ۸۸ ساغلیک مرکز فعال دیر و کسل‌لر نینگ ۸۰ فایز قیین‌چیلیگی اوشبو مرکزلرده حل بوله‌دی. اونینگ کوپه‌یتیریشیچه، مذکور مرکزلر دنیا ساغلیک تشکیلاتی، یونیسف و «جک» موسسه نینگ یاردمی بیلن تمویل بوله‌دی.