پروان ولایتی دره‌ی غوربند، سالنگ، کوه‌صافی و بگرام تورتله تومن‌لری قیشلاق یشاوچیلریدن بیرقطاری نینگ ایتیشلریچه، ییلاولری ده اوتگن اوروش‌لردن پارتلمه‌ی قالگن ماین و پارتلاوچی ماده‌لر بارلیگی، اولر نینگ تیریکچیلیگی اوچون جدی تهدید دیر.
پروان ولایتی‌ده پارتلمه‌ی قالگن ماین‌لر نینگ پارتلشی سبب، بیر اوغلی کوزی نی و باشقه بیر اوغلی ایسه قولی نی قولدن بیرگن اوشبو ولایت یشاوچیسی بولمیش ۶۵ ندیم‌خان، حکومت‌دن ماین‌لر موجود بولگن ساحه‌لر نینگ تازه‌لنیشی نی ایسته‌گن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «ایکی اوغلیم تشقری گه چاروه‌‌لر نی آلیب چیقگن ایدیلر. بیرته‌سی نینگ کوزی کور بولدی و باشقه بیرته‌سی نینگ قولی کیسیلدی. شونینگدیک اولر نینگ دوست‌لریدن بیری نینگ ایاغی یره‌لندی. چاروه‌لریمیز تلف بولدی. شونینگدیک اوغیل‌لریمی نینگ کیله‌جگی بوزیلدی، اوغلیم نینگ بیر قولی کیسیلگنی پیتده، یریم بیر انسان کبی بولدی. باشقه‌سی نینگ کوزی زیان کورگنی اوچون مکتب‌ده کوپینچه قیین‌چیلیک بیلن روپه‌ره بولگن.»
شونینگدیک اوروش‌لر جریانیدن پارتمه‌ی قالگن ماین‌لر نینگ پارتله‌یشی عاقبتیده، بدنی‌دن بیر قسمی نی قولدن بیرگن پروان نینگ سالنگ یشاوچیسی بولمیش عبدالقدوس نینگ ایتیشیچه، اوتلاق‌لرده پارتمه‌ی قالگن ماین‌لر خوفی، اهالی نی کوپراق تهدید بیلن روپه‌ره قیلیشی ممکن.
اونینگ کوپه‌یتیریشیچه: «بیردن بیر سیس نی ایشیتدیم و بی‌هوش بولدیم، کیین ایسه کسل‌خانه گه آلیب بارگن ایکن‌لر و بیر ایاغیم کیسیلگن ایکن. او ییرده‌گی کیشی‌لر باشقه او ییر گه بارمه‌دیلر.»
شونده‌‌ی بیرحالده، پروان امنیه قوماندانی عزیز‌الله عمر سلام‌وطندار گه، حاضرگچه پروان نینگ تاغ‌لریده پارتمه‌ی قالگن ماین‌لر نینگ موجود‌لیگی نی تصدیق‌لگن.
بیزلرنینگ توییترده هم تعقیب قیلینگ!
جناب عمر نینگ کوپه‌یتیریشیچه: «کوه صافی، بگرام، سالنگ و غوربند تومن‌لریده پارتمه‌ی قالگن ماین‌لر موجود دیر. سالنگ‌ه نیچه واقعه یوز بیرگن. غوربند‌ده هم شو رقم نیچه واقعه یوز بیرگن. بو بولیم مسولیتی بولگن کیشی‌لر پروان ده ماین تازه‌لش موسسه‌لر بیلن شو موضوع نی جریان گه قوییب و بو قیین‌چیلیک نی حل قیلیش‌لری کیره‌ک.»
افغانستان ده تورت‌دن آرتیق ایچکی اوروش‌لر، مملکت نینگ تورلی منطقه‌لریده اوروش‌لر جریانیدن پارتلمه‌ی قالگن ماین‌لر نینگ موجود‌لیگی و یشاوچیلردن قربان‌لیک آلیشی گه سبب بولگن. خلق‌ارا قیزیل خاج کمیته آماری اساسیده، اوتگن میلادی ییل‌ده ۹۹۵ کیشی افغانستان اوروش‌لریدن پارتلمه‌ی قالگن ماین‌لر نینگ پارتلشی عاقبتیده اولیب و یره‌لنگن.
