بوگون (چهارشنبه، ۲۹ سرطان) فاریاب مرکزی میمنه شهری ده صراف‌لردن بیرقطاری، صراف‌لر گه چیکلاو یره‌تیلیشی باعث اعتراض قیلگنلر.
اولر نینگ ایتیشلریچه، کفالت اوچون بیر میلیون ۵۰۰ مینگ افغانی توللش و دولت گه ۲۰۰ مینگ افغانی سالیق توللش گه قادر ایمس‌لر، حکومت بو توغریده‌گی نظرینی قیته کوریشی کیره‌ک.
فاریاب ده‌گی صراف‌لردن خان‌محمد و محمد عیسی نینگ ایتیشلریچه، اوشبو کون‌لرده دکان‌لری نینگ مصرفینی تاپه آلمه‌یدیلر، بیراق بو گَل چیکلاو اولر اوچون آغیر دیر.
بیزلرنینگ فیسبوک صحیفه‌میزگه باش اورینگ!
مذکور صراف‌لر گه کوره، اسلامی امارت هر بیر صراف گه لیسانس درجه‌سی بولگن ۶ ایشلاوچی استخدام قیلیش بویروغینی بیرگن که بو ایش توان‌لریدن یوقاری دیر و اوشبو ایشلاوچیلر نینگ معاش‌لرینی توللـه‌ی آلمه‌یدیلر.
عین‌حالده، فاریاب صراف‌لر اتفاقی باشلیغی محمد نسیم لفرایی گه کوره، صراف‌لر نینگ اعتراض قیلیش گه حقی بار، چونکه کوپ سانده‌گی صراف‌لر مصرف‌لرینی تاپه آلمه‌یدیلر و اولر گه یره‌تیلگن چیکلاولر توان‌لریدن یوقاری دیر.
جناب لفرایی نینگ ایتیشیچه، میمنه شهری ده حاضرگچه ۳۰ صراف‌لیک دکان کفالت پولینی توللمسلیگی باعث اسلامی امارت تامانیدن یاپیلگن.
بیزلرنینگ توییترده هم تعقیب قیلینگ!
فاریاب صراف‌لری نینگ ایتیشلریچه، اوتمیش ده کفالت اوچون ۱۵۰ مینگ افغانی و ۱۰ مینگ دن ۲۰ مینگ افغانی سالیق توللر ایدیلر بیراق حاضر بو رقم کوپه‌یگن.
صراف‌لر اسلامی امارت سرپرست حکومتی دن، اولر اوز ایشلری گه دوام بیریش اوچون کفالت پول و سالیق نی کمه‌یتیریشنی طلب قیله‌دیلر.