افغانستان نینگ اینگ بویوک بازاری شهزاده سرایی صرافلری اوتگن کونی، بیر هفته ایچیده اوچ صراف اوغیرلنیشی و مرکزی بانک نینگ سونگی اقداملری گه عکسالعمل کورسهتیب مذکور صرافلیک مرکزنی یاپگن ایدیلر، بیراق بوگون قیتهدن آچیب فعالیت لری گه دوام بیردیلر.
شهزاده سرایی صرافلر رهبری کینگش عضوی امیدالله وجدان نینگ سلام وطندار گه ایتیشیچه، اولر امنیت تامین ایتیلیشی و مرکزی بانک نینگ اقدامی گه دایر قیینچیلیکلر برطرف ایتیلیشی مقصدیده، اوشبو مرکز ایشیگینی بیر کون یاپدیلر.
بیزلرنینگ فیسبوک صحیفهمیزگه باش اورینگ!
او نینگ ایتیشیچه، مرکزی بانک نینگ سونگی اقدامی اساسیده، هر صراف نینگ ۵۰ میلیون افغانیسی بولیب و ۵ میلیونینی کفالت اولهراق مرکزی بانککه توللشی کیرهک؛ بیراق اولر نینگ بو قرارنی عملگه آشیریش امکانیتلری یوق دیر.
امیدالله وجدان نینگ اورغولشیچه: «ایکی کون آلدین عصر چاغی ساعت ۵ ده پاچاگل ناملی صراف ارزان قیمت حدودیدن اوغیرلندی. شونینگدیک اوچ کون آلدین معلم ناملی باشقه بیر صراف کاهفروشی منطقهسی و اوندن مقدم باشقه بیر صراف شمالیدن اوغیرلنگن ایدیلر. بیز اوتگن کونی بو توغریده مسئوللر بیلن سوزلهدیک، اولر بیزگه قطعی وعده بیردیلر و بیز امارت یوقاری مرتبهلی رسمیلریدن راضی میز، همه بیلن همکارلیک قیلیشنی ایستهیدیلر. اولر قورال گه نیاز بولگن تقدیرده همکارلیک قیلیش لریدن ایشانچ بیلدیردیلر. اوغریلرنی حبسگه آلیب قانون گه تاپشیریش لریدن وعده بیردیلر.»
اوغیرلنگن صرافلر تقدیری حاضرگچه نا معلوم، بیراق سرای شهزاده صرافلر رهبری کینگشی گه کوره، مرکزی بانک رخصت نامهنی قندهی آلیش و کفالت قیینچیلیکلرینی حل ایتیش خصوصیده، صرافلر بیلن همکارلیک قیلیش لریدن ایشانچ بیلدیردیلر.
بیزلرنینگ توییترده هم تعقیب قیلینگ!
باشقه تاماندن صرافلر رهبری کینگش اعضالریدن بیری نینگ ایتیشیچه، اوتگن کونی شهزاده سرایی باغلنیشی بیلن نرخ اوستیگه اونچهلیک تاثیر قیلمهگن، لیکن باشقه بیرقطار صرافلر گه کوره، سرای شهزاده یاپیلیشی بیلن دالر نرخی کوتاریلدی و بوگون اوشبو مرکز آچیلیشی بیلن افغانی پول نرخی آشگن.
بو بارهده شهزاده سرایی صرافلردن بیری نینگ ایتیشیچه: «اوتگن کونی دالر ۹۵ افغانی ایدی و بوگون ۹۲.» سرای شهزاده صرافلریدن باشقه بیری نینگ ایتیشیچه: «اوتگن کونی دالر ۹۴ افغانی ایدی و بوگون ۹۱ افغانی دیر.»
بو توغریده مرکزی بانک مسئوللری و کابل امنیه قوماندانلیگی سوزلاوچیسی نینگ فکر-ملاحظهلرینی اورگهنیش نی ایستهدیک، لیکن آلدین-کیین قونغراقلر بیلن موفق بوله آلمهدیک.