صرافلر رهبرلیک کینگش اعضالری نینگ ایتیش‌لریچه، شرکتی جوازلر جبری بولگنی خصوصیده‌گی صرافلرنینگ اعتصابی ۱۱- کون گه ییتیشگن؛ بیراق مرکزی بانک حاضرگچه بو توغریده اقدام قیلمه‌گن. اولرنینگ ایتیش‌لریچه، قیینچلیک‌لری حل بولمه‌گن صورتده اعتصاب‌لریگه دوام بیریش‌لری ممکن.

صرافلر رهبرلیک کینگش اعضاسی زیرک نینگ ایتیشیچه، صرافلرنینگ ایش اعتصابی دن ۱۱ کون اوتماقده، بیراق اولرنینگ قیینچلیک‌لری حاضرگچه حل بولمه‌گن و مرکزی بانک مسئوللری اولرنینگ قیینچلیک‌لرینی حل قیلیش اوچون حاضرگچه هیچ بیر ایش قیلمه‌گن.

اونگه کوره، شونینگدیک بو قیینچلیک حل ایتیلیشی اوچون باشقه بیر قطار مسئوللر بیلن هم اوچره‌شگنلر؛ بیراق بو اوچره‌شوولر هیچ نتیجه بیرمه‌گن.

شونده‌ی بیرحالده، «شهزاده سرایی» و مملکت باشقه صرافلیک‌لری باغلنگنی باعث، پایختت ده ییگولیک و شونینگدیک باشقه ماده‌لرنینگ قیمتی یوقاری کیتگن.

بازار دن تشقری صرافلیک بیلن شغللنگن صراف‌لردن قطاری نینگ ایتیش‌لریچه، قیمت و ساتیش-آلیش گه قیینچلیکلر چیققن و بو موضوع اهالی نی کوپ قیینچلیکلر بیلن روپه‌رو قیلگن.

بو توغریده مرکزی بانک نینگ فکرینی آلیش اوچون سعی و حرکت قیلدیک؛ بیراق موفق بولمه‌دیک.

مملکت صرافلر کینگش اعضالری، مرکزی بانک تامانیدن شرکتی جوازلر جبری بولگنی گه قرشی ۱۱ کون آلدین ایش اعتصابی قیلگن ایدیلر. اولرنینگ سلام‌وطندارگه ایتیش‌لریچه، اوتمیش کبی و سنتی شکلده اهالی گه پولی خدمتلر ارایه قیلیش نی ایسته‌یدیلر. بیراق مرکزی بانک نینگ ایتیشیچه، بو بانک صرافلر  اوچون شرکتی جواز ایجاد قیلگن کیم زمانوی و ینگی سیستم‌لر بیلن جهازلنگن.

مرتبط با این خبر:

شریک قیلینگ:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

فیسبوک

توییتر

تلگرام