فاریاب ولایتی کسلخانه‌سی ده شفاکارلر، اوشبو ولایت ده روحی کسل‌لیککه چلینگنلر سانی آشکنیدن خواطر بیلدیرماقده‌لر.
اولر گه کوره، هر آی روحی کسل‌لیککه چلینگن بیر مینگ ۶۰۰ کیشی، اوشبو کسلخانه نینگ عصبی-روحی بولیمی گه مراجعت قیله‌دیلر.
فاریاب ولایتی کسلخانه‌سی ده روحی کسل‌لیک متخصص شفاکاری نقیب‌الله خطیبی نینگ سلام‌وطندار گه ایتیشیچه، روحی-عصبی کسل‌لیککه چلینیب و اوشبو کسلخانه گه مراجعت قیله‌دیگنلر نینگ اکثریتی، ۱۳ و ۳۵ یاشر دیر.
بیزلرنینگ فیسبوک صحیفه‌میزگه باش اورینگ!
او مراجعت قیلووچیلر سانی آشیشی خصوصیده ایتیشیچه، مذکور کسلخانه ده روحی کسل‌لیککه چلینگنلر اوچون کوپراق بستر یره‌تیلیشی کیره‌ک.
خطیبی جنابلری نینگ ایتیشیچه، فاریاب ده روحی کسل‌لیککه چلینگنلر نینگ ۱.۵ فایزی، وضعیت‌لری گه دقت قیلینمسلیگی طفیلی اوزلرینی اولدیریش گه اقدام قیله‌دیلر.
اونگه کوره: «مراجعت قیله‌دیگن کسل‌لر نینگ کوپی دوالنمه‌گن یا که خواست‌لری گه دقت قیلینمه‌گن. شونی اوچون اولر زهرلنتیرووچی نرسه‌لرنی یییش، کویدیریش و حتا اوزلرینی قودوققه تشله‌یدیلر.»
عین‌حالده فاریاب یشاوچیلری دن بیرقطاری نینگ ایتیشلریچه، ایش‌سیزلیک و اقتصادی قیینچیلیک باعث اولر روحی کسل‌لیککه چلینگنلر.
بیزلرنینگ «ایکس» ترماغی ده هم تعقیب قیلینگ!
روحی کسل‌لیککه چلینیشی باعث، فاریاب ولایتی کسلخانه‌سی نینگ روحی بولیمی گه مراجعت قیلگن عبدالغفور نینگ ایتیشیچه: «عیال؛ اوی ده هیچ نرسه یوق، باله‌لر آچ دیسه، ایرکک هم ایش‌سیز بولسه، عایله اعضالری تورلی خیل تشویش و روحی کسل‌لیککه چلینیشی طبیعی دیر.»
فاریاب ولایتی کسلخانه‌سی نینگ روحی بولیمی گه مراجعت قیلگنلردن باشقه بیری غلام‌حیدر گه کوره، قیینچیلیک‌لر طفیلی روحی کسل‌لیککه چلینگن.
او نینگ کوپه‌یتیریشیچه: «اوروش و حیات جنجل‌لری روحی کسل‌لیککه سبب بوله‌دی. ییگیت‌لر مصروف بولمسه، فکرلری اوزگریب و هر قنده‌ی کیشی‌لر گه قوشیله‌دی. مهاجرت دن آلیب بنگی‌وار ماده‌لر گه چلینیش گه قدر.»
فاریاب ولایتی کسلخانه‌سی نینگ روحی کسل‌لیک بولیمی شفاکارلری نینگ ایتیشلریچه، ایچکی اوروش‌لر، کمبغل‌لیک، ایش‌سیزلیک و عایله‌وی قیینچیلیک باعث فاریاب یشاوچیلری شامل افغانستان اهالیسی نینگ بیرقطاری، روحی کسل‌لیککه چلینگنلر.
