فاریاب مرکزی میمنه شهری ده‌گی محلی منبع‌لر، اوشبو شهر ده بیر کسبه‌کار ناتانیش کیشی‌لر تامانیدن اوز اویی ده اولدیریلگنیدن خبر بیره‌دیلر.
منبع‌لر گه کوره، اوشبو واقعه چهارشنبه کیچه، ۶ ثور، میمنه شهری نینگ اوچینچی ناحیه‌سی «تاتارخانه» منطقه‌سیده یوز بیرگن.
بیزلرنینگ فیسبوک صحیفه‌میزگه باش اورینگ!
امنیتی بیر منبع اسمی سر قالیش شرطی بیلن سلام‌وطندار گه ایتیشیچه، ۳۲ یاشر «احمدشاه» اسملی مذکور ییگیت اوز مهمانخانه‌سیده اولدیریلگن.
منبع نینگ کوپه‌یتیریشیچه، ناتانیش کیشی‌لر اوشبو ییگیت نی پیچاقلب اولدیرگن و کیین ایسه پول و موتر سایکلینی آلیب کیتگنلر.
مذکور واقعه سببی حاضرگچه بیللی بولمه‌ی و واقعه گه دایر حاضرگچه هیچ کیم قولگه آلینمه‌گن.
بیزلرنینگ توییترده هم تعقیب قیلینگ!
عین‌حالده، ایکی کون آلدین فاریاب مرکزی میمنه شهری نینگ ییتینچی ناحیه‌سیده بیر کیشی ناتانیش کیشی‌لر تامانیدن اولدیریلگن ایدی.
