فاریاب ولایتیده ملی اسلامی جنبش حزبی طرفدارلری نینگ اعتراض‌لری ۵ کوندن بویان دوام قیلماقده.
اعتراضچی‌لرنینگ ایتیش‌لریچه، حاضرگه‌قدر حکومت تامانیدن ایستکلریگه دقت بولمه‌گن. اولر، فاریاب ینگی حاکمی محمدداوود لغمانی گه قرشی شعار بیریب و دولت نینگ بو حرکتی‌گه قرشی ناراض‌لیک بیلدیرگنلر.
اعتراضچی‌لرنینگ آگاه‌لنتیریش‌لریچه، اوشبو ولایت هوا قونالغه‌سیده هیچ‌بیر اوچاغگه قانیش و اوچیش اوچون رخصت بیرمه‌یدیلر. اولرنینگ ایتیش‌لریچه، اهالی نماینده‌لری بلخ ولایتیدن فاریاب ولایتی‌گه کیلیب اعتراضچی‌لرگه قوشیلیش‌نی ایسته‌گن، لیکن حکومت رخصت بیرمه‌گن.
سلام‌وطندار اوزبیک بولیمی‌نی فیسبوک‌ده تعقیب قیلینگ
فاریاب ولایتی بوییچه یاشلر جنبشی باشلیغی احسان‌الله قوانچ نینگ ایتیشیچه، اهالی نماینده‌‌لریدن بیرقطاری اعتراضچی‌لرگه قاشیلیش اوچون مزارشریف دن میمنه تامان کیلیش‌نی ایسته‌گنلر، لیکن دولت اولرگه رخصت بیرمه‌گن و انه‌شوو سبب، اولر، هیچ‌بیر اوچاغگه میمنه شهریگه کیلیش اوچون رخصت بیرمه‌یدیلر.
جناب قوانچ نینگ آگاه‌لنتیریشیچه، کانکور سیناوی یولگه قویش اوچون بیر هیات میمنه شهریگه کیلیش‌نی ایسته‌گن، لیکن اولرنینگ اوچاغی‌گه هم میمنه هوا قونالغه‌سیگه توشیش اوچون رخصت بیرمه‌یدیلر.
- فاریاب ینگی حاکمی ملی اردو لواسیده تانیتیلدی؛ مارشال اوق آتیش بویروغی‌نی بیرگن
- محمدداوود لغمانی ملی اردو بیرینچی لواسیده فاریاب حاکمی صفتیده تانیتیلدی
- ملی اسلامی جنبش حزبی طرفدارلری فاریاب ولایت مقامی نینگ کیریش ایشیگی‌نی باغله‌گنلر
ایتیلیشیچه، اوتگن “سه‌شنبه” کونی ملی اسلامی جنبش حزبی نینگ طرفدارلری تورلی قوراللر آرقه‌لی میمنه جاده‌لریگه چیقیب ترکستان بیراقی‌نی کوتاریش بیلن قدرت‌لرینی نمایش‌گه قوییگنلر.
محمدداوود لغمانی فاریاب ینگی حاکمی صفتیده تعیین‌لنگنی‌نی سبب، اوشبو اعتراض‌لر باشلنگن و نیچه کوندن بویان دوام قیلماقده.
شونینگدیک، فاریاب قوم بویوکلری و مدنی فعال‌لری، حاضرگی وضعیت‌دن خواطر بیلدیریب و بو وضعیت‌نی دولت و اهالی منفعتی‌گه بیلمه‌یدیلر.
فاریاب مدنی فعال‌لریدن بیری سیدزین‌الدین عابدی نینگ ایتیشیچه، دولت نینگ اهالی حق ایستکلریگه قناعت‌لی جواب قیتیریشی کیره‌ک. او، اعتراضچی‌لردن هم اعتراض‌لرینی تینچ شکلده دوام بیریب و دولتی اداره‌لر ایشیگی‌نی آچیش‌لرینی سوره‌گن.
شونینگدیک، فاریاب مردمی کینگش باشلیغی رحمت‌الله ترکستانی، بیر ییغین اوتکزیب، دولت و اعتراضچی‌لردن اهالی خواطرلرنی کوپه‌یتیرمه‌ی و قیین‌چیلیکلرنی مذاکره آرقه‌لی حل قیلیش‌لرینی سوره‌گن.
عین‌حالده، فاریاب ینگی حاکمی داوود لغمانی، بیر ویدیو نشر قیلیب فاریاب یشاوچی‌لریگه خذمت قیلیش اوچون کیلگنی‌نی بیلدیرگن.
