فاریاب ولایتی قیصار تومنی‌ده سوو تاشقینلردن زیان کورگنلردن قطاری فاریاب محلی حکومت‌دن تنقید‌لب ایتیش‌لریچه، اوشبو تومن یشاوچیلری سونگی سووتاشقین‌لرده بوتون نرسه‌لری نی قولدن بیرگنلر لیکن، حکومت حاضرگچه اولرنینگ قیینچیلیکلری نی حل قیلمه‌گن.
قیصار تومنی تگاب هرک قیشلاغ یشاوچیلریدن بیری محمد‌رفیق نینگ سلام‌وطندار گه ایتیشیچه، سوو تاشقین‌لر اولر گه کوپینچه مالی زیان ییتیشتیرگن، لیکن حاضرگچه هیچ بیر نهاد اولر گه یاردم بیرمه‌گن.
بیزلرنینگ فیسبوک صحیفه‌میزگه باش اورینگ!
محمد‌رفیق گه کوره، اوشبو قیشلاغ یشاوچیلریدن قطاری نینگ کِسب و کاری دهقان‌لیک دیر، بیراق سوو تاشقین‌لر اولر نینگ بوتون ایکین‌لری نی تخریب قیلگن. اولر گه یاردم بیریلمه‌گن صورت‌ده، جدی قیین‌چیلیک بیلن روپه‌رو بولیش‌لری ممکن.
اونینگ ایتیشیچه: «منطقه‌میز ده کوپ یامغیر یاغدی و اهالی کوپ خساره کوتارگن. بوتون یشاوچی نینگ ایکین‌لری قولدن کیتدی، باغ‌‌لریمیز تخریب بولدی و اهالی کوپینچه قیین‌چیلیک بیلن روپه‌رو بولگن.»
قیصار تومنی یشاوچیلردن باشقه بیری عبدالودود نینگ سلام‌وطندار گه ایتیشیچه، اوشبو سوو تاشقین‌لرده اوی‌لری نی قولدن بیرگنلر و حاضر ایسه اوی‌سیز و جای‌سیز شکلده حیات کیچیره‌دیلر.
مذکور یشاوچی گه کوره، اوشبو قیشلاغ‌ده زیان کورگن عایله‌لر نینگ قیین‌چیلیگی نی حل قیلیش اوچون هیچ بیر نهاد یاردم بیرمه‌گن. اونینگ کوپه‌یتیریشیچه: «دار و نداری‌میز نی قولدن بیردیک، هیچ کیم گه یاردم بیریلمه‌دی و شونینگدیک میمنه شهری گه کیکسه‌لر کیلگنلر، لیکن حاضرگچه هیچ قنده‌ی توجه صورت تاپمه‌گن.»
بیزلرنینگ توییترده هم تعقیب قیلینگ!
فاریاب طبیعی حادثه‌لر گه قرشی کوره‌ش ریاست آمری سید مسعود نینگ سلام‌وطندار گه ایتیشیچه، اوتگن هفته قیصار تومنی‌ده سوو تاشقینلردن زیان کورگن ۴۶ عایله گه نقدی یاردم، ییمک و باشقه بیر قطار نرسه یاردم بیرگنلر و اوشبو تومن‌ده سروی تیم‌لری نینگ حضوری بار و تیزلیککه سوو تاشقینلردن زیان کورگن عایله‌لر نینگ قیینچیلیکلری نی حل قیلیش‌لری ممکن.
قیصار تومنی تگاب هرک قیشلاغ یشاوچیلری گه کوره، مذکور تومن‌ده یوز بیرگن سونگی سوو تاشقین‌لرده ۱۵ اوی تخریب، بوغدای، ارپه، پیاز و کچالو شامل ۲ مینگ سیر زراعتی محصوللری اورته‌دن کیتیب و شونینگدیک ۶ راس چاروا هلاک بولگن.
