قوشنی پاکستان و ایران کبی اولکه‌لرده یشب کیله‌یاتگن افغان مهاجرلریدن بیرقطاری نینگ ایتیشلریچه، بیر آی دن بویان مهاجرلر قولگه آلینیشی، مناسب ایش یوق‌لیگی و اقتصادی قیین احوال، مذکور اولکه‌لرده اولر نینگ تیریکچیلیک احوالینی قیینلشتیریب و حاضرگچه کیمسه اولر نینگ قیینچیلیگی حلی اوچون دقت قیلمه‌گن.
مملکت ده سونگی سیاسی اوزگریش دن کیین پاکستان گه بارگن رویا گه کوره، او و عایله اعضالری مذکور مملکت گه باریش قانونی برچه یوللرنی اوتکزیشگن بولسه ده؛ بیراق اقتصادی قیینچیلیک و قولگه آلینیش دن قورقیش، اولر نینگ حیاتینی قیینلشتیرگن. او نینگ کوپه‌یتیریشیچه، قانونی مدرک‌لری و پاسپورت‌لری بار؛ لیکن اولر نینگ ویزه‌سی تاریخی یکونلنماقده. رویا نینگ ایتیشیچه، هر کونی پاکستان پولیسی تامانیدن مهاجرلر قولگه آلینماقده؛ بیراق اوشبو وضعیت حلی اوچون حاضرگچه هیچ کیم اقدام قیلمه‌گن. اونگه کوره: «اقتصادی قیینچیلیگیمیز بار ایدی و اونگه علاوه ۱۴ یاشر باله‌نی آلیب و زندانی قیلیش قیسی قانون گه بار. قیین کون‌لرنی اوتکزماقده‌میز.»
بیزلرنینگ فیسبوک صحیفه‌میزگه باش اورینگ!
پاکستان ده افغان مهاجرلریدن باشقه بیری شمله مقصودی نینگ ایتیشیچه، پولیس تامانیدن قولگه آلینمسلیگی اوچون تون_کون اوخله آلمه‌یدیلر. اونگه کوره، اقتصادی احوال‌لری یخشی بولمسه ده لیکن ویزه‌نی ساتیب آله‌دیلر، عادی روشده اوزه‌یتیریش (تمدید) قیین و حتا بعضی وقت‌لر ممکن‌سیز دیر. خانم مقصودی نینگ کوپه‌یتیریشیچه، ویزه‌لری بولمه‌گن و حتا ویزه‌لری بار کیشی‌لرنی توتقینلشه‌دی. «ایریم و باله‌لریم قیین‌لیک بیلن ایشله‌یدیلر، ایکی_اوچ یاشر باله‌سی بولگن آنه‌لر نینگ اوشلب کیتگنلرینی کوردیک. احوالیمیز چتاغ و ییگولیک ماده قیمت دیر. کیمسه بیزنی احوالیمیز گه دقت قیلمه‌یدی.»
باشقه تاماندن، ایران ده‌گی مهاجرلر قیین احوال ده تیریکچیلیک قیلماقده‌لر؛ ایران دولتی تامانیدن ترقه‌لگن بیانیه اساسیده، دولت اوشبو مملکت نینگ قطار شهرلریده ایش بویروچیلر گه افغان مهاجرلرینی ساتووچیلیک یا ده قولی‌راغ بولگن ایشلر گه آلمسلیک بویروغینی بیریب و مذکور بویروغ گه عمل قیلمه‌گن‌لر نینگ دکان‌لری یاپیلیشیدن آگاه‌لنتیرگن.
ایران ده افغان مهاجرلری، اوشبو مملکت ده حقوق‌لری رعایت ایتیلمسلیگیدن شکایت قیلیب ایتیشلریچه، اولر شاق ایشلر گه آلینیب و ساتووچیلیک یا ده رستورانت ده ایشلش ایزینی بیریلمه‌یدی.
بیزلرنینگ توییترده هم تعقیب قیلینگ!
ایرانده مهاجرلردن باشقه بیری حامد نوری نینگ ایتیشیچه، شاق و کوپ ایشلش بیلن یوقاری حقوق اولر گه بیریلمه‌یدی. او نینگ کوپه‌یتیریشیچه: «ایش فرصت‌لری یوق؛ ایکینچیلیک، چاروه‌چیلیک، قوریقچیلیک و چوپان‌لیک قیلیشه‌دی و شهر ایچیده‌گی ایشلر گه کوپراق اجازه بیرمه‌یدیلر. یالغیز ۳۰ فایز حقوقی‌میز بیریله‌دی.»
مهاجرلر نینگ وضعیتی گه دایر قاچقینچیلر یا ده تشقی ایشلر وزیرلیگی نینگ فکر_ملاحظه‌سینی اورگه‌نیش اوچون کوپ تلاش قیلدیک؛ لیکن هیچ بیری سوال‌لریمیز گه جواب قیتیرمه‌دیلر؛ شو بیلن بیرگه، اسلام امیرلیگی سوزلاوچیسی نینگ اورین باسرلریدن بلال کریمی، قوشنی اولکه‌لرده‌گی مهاجرلر نینگ قیینچیلیگی حلی اوچون مذکور مملکت رسمی‌لری بیلن سوزلب و کیلیش‌گنلرینی ایتگن.
