پکتیا، پکتیکا و خوست ولایت‌لریده ژورنالیست‌لر و میدیالر مسووللری نینگ ایتیش‌لریچه، اوتگن ۳ آی جریانیده ایریم میدیالرگه فعالیت قیله‌دیگن ۱۰۰ آرتیق خبرچی ایش‌لرینی قولدن بیرگنلر.
ایش‌لرینی قولدن بیرگن خبرچیلردن بولمیش نورزی و خیرالله ذکی نینگ ایتیشیچه، یالغیز خوست و پکتیکا ده ۸ چاپی میدیا و ایکی رادیو اقتصادی قیین‌چیلیکلر باعث، فعالیتی نی توخته‌تگن و کمیده ۶ ژورنالیست ایش‌سیز بولگن.
پکتیا ده پریس کلپ باشلیغی فریدالله احمدزی نینگ ایتیشیچه، اقتصادی قیین‌چیلیکلر باعث، بیرقطار میدیالر ایشلاوچی‌لری نینگ حقوقلرینی توللش‌گه موفق بولمه‌گن.
اونینگ آگاه‌لنتیریشیچه، وضعیت شونده‌ی دوام قیلگن صورتده، میدیالردن کوپ‌قطاری تعطیل ایتیلیشی ممکن.
عین‌حالده، پکتیا ولایتی بوییچه معلومات و مدنیت ریاستی باشلیغی خالقیار احمدزی نینگ ایتیشیچه، اولر میدیالر خوفسیزلیگی نی کامل صورتده، تامین قیلگنلر، لیکن میدیالرنینگ ایشلاوچی‌لری اقتصادی قیین‌چیلیکلر سبب، ایش‌لرینی قولدن بیرگن.
حاضرده پکتیا، خوست و پکتیکا ولایت‌لریده ۲۰ چاپی میدیا نینگ فعالیتی توخته‌تیلگن. شونینگدیک، پکتیکا ولایتیده اقتصادی قیین‌چیلیکلر باعث، ۳ محلی رادیو نینگ نشراتی توخته‌تیلگن.
