تاجیکستان پایتختی دوشنبه شهری ده «هرات خوفسیزلیک مذاکرهلر» ییغیلیشی، بوگون (دوشنبه، ۶-قوس)، سونگی ایکی ییل ده سرپرست حکومت نینگ ایشلری و یاندهشوولری دن تنقید ایتیش بیلن باشلندی.
بو ییغیلیش کیلهسی ایکی کونگچه دوام تاپیشی کوتیلهدی، حاضر «افغانستان نی قیته اوقیش، تورلی خیل یول قیدیریش» عنوانیده باشلنگن، مذکور ییغیلیش ده سابق حکومت نینگ سیاسی سیمالری و قطار مملکتلر نینگ نمایندهلری اشتراک ایتگن.
اوشبو ییغیلیش باشلهنیشی ده سوز یوریتگنلر، افغانستان ده اسلام امیرلیگی نینگ حرکتلری و شونینگدیک افغانستان گه نسبتن دنیا نینگ یاندهشوولری دن تنقید قیلیب و حاضرگی بحرانلی شرایط دن چیقیش اوچون افغانستان ده همهشمول حکومت شکللنیشینی یگانه یول عنوان قیلگنلر.
بیزلرنینگ فیسبوک صحیفهمیزگه باش اورینگ!
بو ییغیلیش ده، سابق حکومت خوفسیزلیک کینگشی نینگ مصلحتچیسی رنگین دادفر اسپنتا، افغانستانلیک سیاسی تامانلر و سیمالر نینگ بیر فکر ده ایمسلیگی اوستیگه تاکید ایتگن: «افغانستان ده ینگی روایت، حقوق و اهالی ایرکینلیگی، اساسی قانون بولیشی، ایرکک و عیاللر تینگلیگی، حاکمیت نینگ مرکزیلشووینی کمهیتیریش و افغانستان نینگ بولینمسلیگیگه اساسلنیشی کیرهک.»
شونینگدیک، افغانستان سابق حکومت نینگ ملی خوفسیزلیک مصلحتچیسی، افغانستان گه نسبتن دنیا نینگ یاندهشوولری دن تنقید قیلیب ایتیشیچه، امریکا و ناتو افغانستان ده جمهوریت توزومی قولشی گه قولی بولیشلرینی قبول قیلیشلری کیرهک.
بونگه قوشیمچه، سابق حکومت ده ملی خوفسیزلیک باشلیغی و اوشبو حکومت نینگ سیاسی سیمالری دن بولمیش رحمتالله نبیل، دنیا نینگ افغانستان گه نسبتن فرقلی قرهشی و فکر-ملاحظهسینی، افغانستان دهگی حاضرگی وضعیت دوام ایتیش عاملی عنوان قیلگن.
نبیل جنابلری گه کوره: «فکر-ملاحظهلر فرقلی دیر، قطار کیشیلر افغانستان نی قاره توینوک دیسهلرده بیراق باشقه بیر قطار کیشیلر افغانستان گه بیر فرصت دیب قرهیدیلر.»
هرات خوفسیزلیک مذاکرهلر ییغیلیشی، ایکینچی مرته تبعید حالت ده تاجیکستان پایتختی دوشنبه شهری ده یولگه قوییلماقده.
بیزلرنینگ «ایکس» ترماغی ده هم تعقیب قیلینگ!
سیاسی ایش بیلرمان محمود اضطرابی نینگ ایشانچی گه کوره، حاضرگی شرایط ده اوشبو سیمالر نینگ حضوری بیلن بو کبی ییغیلیشلر اوتکزیلیشی، افغانستان ده مثبت اوزگریش کیلتیریش اوچون نتیجه بیرمهیدی.
او نینگ ایتیشیچه: «دوشنبه شهری ده، هرات خوفسیزلیک کنفرانسی یولگه قوییلیشی، هیچ زمان نتیجه بیرمهگن ییغیلیشلر کبی دیر، یالغیز بیر پروژه دیر و بیر قطار تشکیلاتچیلری اوچون یوتوقلی بولیشی ممکن، بیراق حاضرگی شرایط ده افغانستان اوچون هیچ تاثیری یوق دیر.»
ایتیش کیرهک، اسلام امیرلیگی سونگی ایکی ییل ده هردایم همهشمول حکومت شکللنمسلیگی و بشر حقلری رعایت ایتیلمسلیک ادعالرنی رد قیلیب و حاکمیتی ده سابق سیاسی سیمالر گه حصه بیریلمسلیگی اوستیگه تاکید ایتیب کیلگن.