افغانستان مرکزی و ولایت‌لریده فعالیت قیله‌دیگن داکترلردن بیرقطاری نینگ ایتیش‌لریچه، مملکت طالبان نظارتی‌گه اوتگنیدن سونگ، دولتی و خصوصی نهادلر و بانک‌لرنینگ فعالیتی توخته‌تیلگن و بو موضوع اولرگه‌قرشی قیین‌چیلیک یره‌تگن و حقوقلری توللنمه‌یدی.
بیزلرنینگ فیسبوک صحیفه‌میزگه باش اورینگ!
بغلان ولایتی بوییچه ساغلیق‌نی سقلش ریاستی اورین باسری عبدالعلیم غفاری نینگ ایتیشیچه، ساغلیک خذمت‌لر سابق کبی دوام قیلماقده و عیال‌لر شامل بوتون داکترلر عادی شکلده وظیفه‌لریگه حاضر بوله‌دیلر، لیکن حقوقلری نینگ توللنمه‌گنی اولرگه قرشی قیین‌چیلیک یره‌تگن.
داکترلردن بیری حبیبه ابراهم‌خیل نینگ وضعیتدن خواطر بیلدیریب ایتیشیچه، مملکت‌ده یوز بیرگنی سونگی واقعه‌دن سونگ، حقوقلری نینگ توللنیشی خصوصیده قیین‌چیلیک یره‌تیلگن و اوندن آلدین هم امتیازلری نورمال شکلده توللنمس ایدی.
اونینگ ایتیشیچه، اولرنینگ حقوقلری ایکی آیی‌دن بویان سابق حکومت تامانیدن هم توللنمه‌گن.
بیزلرنینگ فیسبوک صحیفه‌میزگه باش اورینگ!
مملکت باشکنتی و باشقه ولایت‌لری طالبان قولیگه سقوط قیلگنیدن سونگ، دولتی و خصوصی نهادلر نینگ فعالیت‌لری توخته‌تیلگن. عین‌حالده، ساغلیق‌نی سقلش وزیرلیگی نینگ ینگی سرپرستی بیر اعلامیه آرقه‌لی عیال‌لر شامل بوتون داکترلردن وظیفه‌لریگه حاضر بولیشی‌نی سوره‌ب و سابق کبی ایش‌لریگه دوام بیریش‌لرینی ایسته‌گن.
