معلومات‌لرگه کوره، بدخشان و پروان ولایت‌لری نینگ بیرقطار تومن‌لری ساعت‌لرچه بوش قالگن طالبان گروهی و امنیتی کوچلر مذکور تومن‌لرده حضور تاپمه‌گنلر.
بدخشان ولایتی کینگش عضوی طلب‌الدین قادری نینگ سلام‌وطندارگه ایتیشیچه، اوشبو ولایت نینگ واخان، زیباک، اشکاشم و شغنان تومن‌لریده آتیشمه یوز بیرمه‌گن و طالبان جنگریلری تومن‌گه کیلمسدن آلدین امنیتی کوچلر مذکور تومن‌لرنی ترک قیلگنلر.
سلام‌وطندار اوزبیک بولیمی‌نی فیسبوک‌ده تعقیب قیلینگ
جناب قادری نینگ ایتیشیچه، اوشبو تومن‌لر ساعت‌لرچه بوش قالگن، امنیتی کوچلر و طالبان جنگریلری حضور تاپمه‌‌گن.
اونینگ کوپه‌یتیریشیچه، یوقاری سطح‌گه سیاسی کیلیشوو بولگنی ممکن‌لیگی سبب، تومن‌لر آتیشمه یوز بیرمسدن طالبان‌گه تاپشیریله‌دی.
- طالبان جنگریلری تومن‌لرنی تصرف قیلگنیدن سونگ، حربی و عامه تاسیسات‌لرنی تخریب قیله‌دی
- تومن‌لر بیر معامله اساسی‌گه سقوط قیلماقده
- تخار نینگ ینگی‌قلعه، چال و هزارسموچ تومن‌لری طالبان گه تاپشیریلدی
پروان ولایتی نینگ شینواری تومنی قیته‌دن طالبان قولی‌گه سقوط قیلگن.
پروان ولایتی نینگ هماهنگ‌لیک مرکزی قومندانی محمدحامد نیازی نینگ سلام‌وطندارگه ایتیشیچه، تومن یقین‌لریده طالبان‌گه قرشی هوایی هجوم اویوشتیریلیشی باعث، امنیتی کوچلر مذکور تومنی ترک قیلگنلر.
جناب نیازی نینگ کوپه‌یتیریشیچه، شینواری تومنی نینگ بناسی طالبان نظارتی‌گه اوتگن ایمس و امنیتی کوچلر هم تومن بناسی‌نی ترک قیلگن، لیکن پروان ولایتیدن محلی منبع‌لرنینگ ایتیش‌لریچه، اوروش جبهه‌سیدن حمایت صورت تاپمه‌یشی سبب، تومن بناسی قیته‌دن طالبان قولی‌گه سقوط قیلگن.
بیزلرنی توییتر ده تعقیب قیلینگ
عین‌حالده، بدخشان یشاوچی‌لریدن بیرقطاری نینگ ایتیش‌لریچه، طالبان گروهی نیچه ساعتدن سونگ، تومن‌لرنی اوشبو گروه قولی‌گه سقوط قیلگنیدن آگاه بولهدی. اولرنینگ ایتیش‌لریچه، امنیتی کوچلر طالبان جنگریلری کیلمسدن تومن‌نی ترک قیله‌دیلر.
