معترض عیاللر نینگ قولگه آلینگنی خصوصیده عکس‌العمللر نینگ کوپه‌یگنی و اولرنینگ قوییب یوباریلیشی توغریسیده تاکیدلردن کیین، بومرته انسانی حقوق کوزه‌تووچیسی، خلق‌ارا کیچیریم تشکیلاتی و باشقه انسانی حقوق و عیال حقوقی نهادلری، بیر اعلامیه ترقه‌تیب معترض عیاللر نینگ تیزلیککه قوییب یوباریلیشی نی سوره‌گن.
انسانی حقوق نهادلری عیاللر بیلن یمان رفتار قیلیش، زوروانلیک و آزارلنتیریش نی جدی شکلده قاره‌لب و ایتیشیچه، اسلامی امارت عیاللر نینگ فعالیتی برابریده چیکلاو یره‌تیش بیلن اولر گه فضا نی قیین قیلگن. ۲۰دن آرتیق نهاد تامانیدن نشر بولگن قوشمه اعلامیه‌ده کیلگن که، اسلامی امارت قدرت نی آلگنیدن کیین، مخالفلرنینگ فعالیتلری نی شکنجه و قولگه آلیش بیلن سرکوب قیلگن.
بیزلرنینگ توییترده هم تعقیب قیلینگ!
شونینگدیک اعلامیه‌ده عیاللر وضعیتیدن خواطر بیلن کیلگن که: «سونگی آیلرده عیال فعاللری اوچون محیط قیین بولگن و اولر انسانی حقوق نقضی بیلن روپه‌رو بولگنلر. اولر برابریده‌گی اقدام‌لر یالغیز خواطرلنتیروچی ایمس؛ بلکیم شونینگدیک افغانستان خلق‌ارا انسانی حقوقی نینگ تعهدلری بیلن قرشی دیر.»
بیرشلگن ملتلر تشکیلاتی باش کاتبی آنتونیو گوترش، بوگون توییتر صحیفه‌سیده اسلامی امارت‌دن یوقالگن عیاللر نینگ مصئونیتی تضمین قیلیشلری نی سوره‌گن. تمنا زریاب و پروانه ابراهیم ۲۹-جدی و شونینگدیک زهرا محمدی و مرسل عیار ایسه اوتگن هفته قولگه آلینگن.
شونده‌ی بیرحالده، معترض عیاللر نینگ سلام‌وطندار بیلن اوتکزگن اوچره‌شووده ایتیش‌لریچه، اسلامی امارت معترض عیاللر نی قولگه آلمه‌گن صورت‌ده، اولر نینگ تیزلیککده قوییب یوباریشی کیره‌ک.
معترض عیاللردن بیری راحیل تلاش نینگ ایتیشیچه: «طالب‌لر/اسلامی امارت بیرینچی هفته‌ده معترض قیزلرنینگ تاپیشلری کیره‌ک ایدی؛ یعنی حکومت اولرنینگ تاپیش و اهالی نی قیین‌چیلیگی نی حل قیلیش اوچون کوچی و قدرتی بولیشی کیره‌ک.»
شونینکدیک معترض عیاللردن باشقه بیری شیبا عارفی نینگ ایتیشیچه: «بیزلر اولرنینگ نیرده بولگنلری نی بیلمه‌یمیز و یالغیز گروپ‌لر آرقلی بیر بیراویمیزدن اولرنینگ حقیده سوراق سوره‌یمیز.»
بیزلرنینگ فیسبوک صحیفه‌میزگه باش اورینگ!
گرچند اسلامی امارت حاضرگچه ۴ معترض عیال نینگ قولگه آلینگنی نی تصدیق قیلمه‌گن؛ بیراق بو مسله‌نی حل قیلیش اوچون سعی و حرکت قیله‌دیلر. اسلامی امارت سوزلاوچی اورین‌باسرلریدن بلال کریمی نینگ ایتیشیچه: «قضیه نینگ بیللی بولیشی اوچون سعی و حرکت نینگ دوامی بار، معلومات قولگه کیلگنیدن کیین، بیللی بولیشی ممکن.»
بو بیرنچی مرته ایمس که معترض عیاللر نینگ یوقالیشی خصوصیده عکس‌العمللر کورستیله‌دی. بلکیم، شونینگدیک بوندن آلدین سیاسی ایشلاوچیلر و معترض عیاللردن قطاری نینگ یوقالیشی ایچکی و خلق‌ارا عکس‌العمللر بیلن روپه‌رو بولگن ایدی.
