لوگر طبیعی حادثه‌لر گه قرشی کوره‌ش ریاست مسئوللری نینگ ایتیش‌لریچه، اوتگن کون اوشبو ولایت مرکزی پل‌علم شهری و خوشی تومنی‌ده یاغگن شدتلی یامغیر و یوز بیرگن سوو تاشقین سبب، اهالی گه کوپینچه تلفات و مالی زیان ییتیشگن.
لوگر طبیعی حادثه‌لر گه قرشی کوره‌ش ریاست رئیسی عبدالله مفکر نینگ سلام‌وطندار گه ایتیشیچه، یوز بیرگن سوو تاشقین سبب، خوشی تومنی نینگ «دره» ساحه‌سیده‌گی یشاوچیلر گه کوپینچه زیان ییتیشگن. اونینگ کوپه‌یتیریشیچه، خوشی تومنی‌ده یوز بیرگن سوو تاشقین‌ده حاضرگچه باله‌لر و عیال‌لر شامل ۱۲ کیشی نینگ جسدی تاپیلگن و ۷ کیشی ایسه حاضرگچه یوقالگن دیر.
بیزلرنینگ فیسبوک صحیفه‌میزگه باش اورینگ!
جناب مفکر نینگ اورغولشیچه، اوشبو تومن‌ده یوز بیرگن سوو تاشقین نتیجه‌سیده، شونینگدیک ۶۰۰ یشش اوی ویران بولگن و سوو تاشقینی‌ده قالگن عایله‌لر نینگ قوتقریش اوچون سعی و حرکت نینگ دوامی بار. اونینگ ایتیشیچه، تلفات سانی نینگ کوپه‌یشی ممکن.
باشقه بیر تامان‌دن، خوشی تومنی نینگ قوم بویوک‌لریدن شاه‌الرحمان صدیقی نینگ سلام‌وطندار گه ایتیشیچه، اوتگن کیچه «بالا دِه، میانه‌دِه و پایین‌دِه» قیشلاغ‌لریده یوز بیرگن سوو تاشقین نتیجه‌سیده یوزلرچه یشش اوی تخریب بولگن.
بیزلرنینگ توییترده هم تعقیب قیلینگ!
اونینگ کوپه‌یتیریشیچه، اوشبو واقعه‌ده هلاک بولگنلر سانی ۱۲دن کوپ دیر و سوو تاشقینی‌ده بیر قطار باله‌لر آقگن دیر که حاضرگچه یوقالگنلر.
ایتیش کیره‌ک که، اوتگن کون پل‌علم و محمد‌آغه تومنی نینگ بیر قطار بولیم‌لریده یوز بیرگن سوو تاشقین‌ده اهالی گه کوپینچه زیان ییتیشگن و اونلب عایله هم اوی‌لریدن بیجا بولگنلر.
