دایکندی ده محلی منبع‌لر، اوشبو ولایت سنگ‌تخت‌وبندر تومنی‌ده ناتانیش قوراللی کیشیلر آرقه‌لی، قوراللی هجوم اویوشتیریلگنی‌دن خبر بیرگنلر.
منبع‌لر گه کوره، اوشبو هجوم اوتگن کونی سنگ‌تخت‌وبندر تومنی و غور ولایتی آره‌سیده‌گی چیگره حدودلریده یوز بیریب و نتیجه‌ده، کمیده ۱۲ کیشی اولیب و تورت کیشی ایسه یره‌لنگن.
بیزلرنینگ «ایکس» ترماغی ده هم تعقیب قیلینگ!
منبع‌لر نینگ سلام‌وطندار گه ایتیشلریچه، واقعه قربانی‌لری سنگ‌تخت‌وبندر تومنی نینگ «قرودال» و «جوی‌سردار» قیشلاقلری یشاوچیلری بولیب، «کربلا زیارتچیلری» نینگ کوتیب آلیش مقصد، دایکندی-غور یولیده‌گی «کوتل خمی» اسمی آستیده بولگن منطقه گه بارگن ایکنلر.
شونده‌ی بیرحالده، باشقه بیر منبع مذکور واقعه‌ده اولگن کیشیلر سانی نی ۱۴ کیشی و یره‌لنگنلر سانی نی ایسه آلتی کیشی دیگن.
دایکندی محلی و خوفسیزلیک مسئوللری، حاضرگچه بو توغریده هیچ بیر نرسه دیمه‌گنلر.
بیزلرنینگ فیسبوک صحیفه‌میزگه باش اورینگ!
سرپرست حکومت ایچکی ایشلر وزیرلیگی سوزلاوچیسی عبدالمتین قانع، بو واقعه نی تصدیق‌لب ایتیشیچه، مذکور واقعه نتیجه‌سیده نیچه کیشی اولگن.
اونینگ کوپه‌یتیریشیچه، بو توغریده دقیق‌راق و کوپراق معلومات نی کیین ییتکرمه‌لر بیلن شریک قیلیشی ممکن.
