۲۲ یاشر علی‌سجاد محمدی، ۴ کون آلدین (یکشنبه، ۲۶_جدی) کابل شهری نینگ ۶_خوفسیزلیک حوزه‌گه قره‌شلی چهارقلعه ساحه‌سیده، قوراللی اوغیرلاوچیلر تامانیدن نشانگه آلینیب یره‌لندی و اوتگن کیچه پایتخت کسل‌خانه‌لریدن بیریده جان بیردی. مذکور ییگیت عایله اعضالری نینگ ایتیشلریچه، قوراللی کیشیلر علی‌سجاد نینگ موبایلی و پولی نی آلگنیدن کیین، اونی اوققه توتگنلر.
علی‌سجاد نیچه کون کسل‌خانه بستر ایکن و اوتگن کون جان بیریب و بوگون ایسه آته‌سی نینگ یانیده توپراققه کومیلگن. علی‌سجاد عایله اعضالری نینگ ایتیشلریچه، اونینگ اولیمی، ایکینچی مرته اولر نینگ اویی گه غم کیلتیرگن، بیر آی آلدین اوشبو عایله آته‌سی ایش‌سیزلیک باعث، سکته قیلیب و دنیا‌دن اوتگن ایدی.
آته‌سی نینگ وفاتی‌دن کیین، علی سجاد بیش کیشی‌لیک عایله سرپرست لیگینی تن آلیب و ایشلش گه مجبور بولدی.
قرینداش لری نینگ ایتیشلریچه، ایش قیدیریش اوچون اونینگ سعی-حرکت لری نتیجه بیرمه‌دی، لیکن علی سجاد تلاشی گه دوام بیرر ایدی.
بیزلرنینگ فیسبوک صحیفه‌میزگه باش اورینگ!
گرچند سونگی کوریش آغیر، لیکن علی سجاد آنه‌سی گه کوره، بیرینچی مراتبه؛ اولگن آخشمی شام چاغیده قیسی جای‌گه باریش‌نی قرار قیلگن ایکن کورگن. اونینگ ایتیشیچه، تشقری‌‌ده فرزندینی بلا کوتیب توریشنی بیلگن ده ایدی، اوی‌دن چیقیشکه رخصت بیرمس ایدی.
علی‌سجاد آنه‌سی نینگ ایتیشیچه: «۱بجه ایدی اوی‌دن چیقتی، اوغیرلاوچیلر پول و موبایلی نی آلدیلر و اونی اوققه توتتیلر. اسلامی امارت‌دن اوغیرلاوچیلر نی قول‌گه آلیب و اولر بیلن قانونی یول باریلیشی نی ایسته‌یمن.»
علی سجاد نینگ وفاتی، اونگه سوینگن سینگلیسی اوچون آغیر توشکن. مهدیه آته‌سی نینگ وفاتی‌دن کیین، ایناغه‌سی گه سوینگن ایدی، ایناغه‌سی نینگ وفاتینی ایشیتیشی بیلن شوککه بولگن، گرچند هر بیر دقیقه ده عصبی خسته لیک‌نی باش دن کیچیره‌دی. او نه یاش توکه‌دی، نه هم ایناغه‌سی اوچون عزا توتیش‌که قادر.
بیزلرنینگ توییترده هم تعقیب قیلینگ!
بو رقم واقعهده شوک کورگن کیشی یالغیز مهدیه ایمس، بلکیم باشقه بیر واقعهده سه شنبه کیچه، قراقچیلر و اسلامی امارت کوچلری نینگ ارا توقنشووده مرتضی ابراهیمی قربان بولگندی. علی سجاد و مرتضی ایکیله‌سی سپورتچی و ملی موی‌تای تیرمه جماعه‌سیگه اعضا ایدیلر.
سونگی نیچه آی‌ده کابل پایتختده جنایی جرم‌لر و قورالی اوغری‌لیک مثل سیز درجه ده آشیب و کابل یشاوچیلری تشویشینی آرتیرگن.
کابل یشاوچیسی ساجده نیکزاد نینگ ایتیشیچه، اولکه یشاوچیلری اسلامی امارت دن امنیت تامین ایتیلیشینی طلب قیله دیلر، لیکن نیچه آی اوتسه ده وضعیت یخشی لنمه‌گن.
کابل‌ده‌گی جنایی جرم‌لرگه عاید اسلامی امارت ایچکی ایشلر وزیرلیگی و کابل امنیه قوماندان لیگی نینگ فکر-ملاحظه‌لرینی اورگه‌نیش اوچون سعی-حرکت قیلدیک لیکن اولر قونغراق لریمیزگه جواب قیتیرمه‌دیلر.
