مزارشریف شهری‌دن ۲۵ کیلیومتر اوزاق‌ده بولگن ۴۶۰ عایله اوروش و ناتینچ‌لیک‌لر باعث اوی – جای‌لرینی ترک ایتیشده مجبور بولگنلر.
مزارشریف نینگ قارلی و ساووق کونیده نظر فاریابی پروژه‌سی گه باش اوردیم، اوشبو پروژه اوروش قربان‌لری پناه کیلتیرگن بیر مکان‌گه اوزگرگن.
هوا جوده ساووق بولگن بیلن هم اوشبو پروژه گه کیله‌دیگن اوی – جای‌سیزلر رقمی هر هفته آرته‌دی.
خیمه ایچیده اوروش دن هارگن ۴۰ یاشیده‌گی بیر عیال ۸ باله‌سی بیلن بیرلیکده حیات کیچیره‌دی.
خانم کیمیا نینگ حکایه‌لری، اوروش دن آواره بولگن یوزلرچه عیال نینگ حکایه‌سی دیک الم‌لی دیر. خانم کیمیا نینگ حکایه‌سی کوز یاشی بیلن باشلنه‌دی.
خانم کیمیا خیمه‌ده ۱ اوغلی و ۳ قیزی بیلن حیات کیچیره‌دی، اوشبو خیمه نینگ برچه لوازمی بیر توشک و ایکی یستیق‌دن عبارت بولیب، بیراق کورپه و باشقه امکانیت‌لر اصلا بولمه‌گن.
هر بیر خیمه‌ده ۵ الی ۱۰ کیشی حیات کیچیره‌دیلر، بو ییرده حیات کیچیره‌دیگن عایله‌لر نینگ باله‌لری کسل بولگن حالده بیر-بیراولریدن قرض آلیب باله‌لرینی درمان قیله‌دیلر.
۳۵ یاشیده بولگن محمد فاریاب ولایتی قیصار تومنی نینگ اوروشی دن آواره بولگن، محمد نینگ ایتیشیچه، اوروش اونینگ ۱۰ یاشر باله‌سی قولیدن آلگن.
محمد، تورموش اورتاغی و باله‌لری نینگ حیاتی‌نی اوروشدن قوتقزیش اوچون بلخ ولایتی گه آوار بولگنیدن خبر بیره‌دی.
شمال ولایت‌لری نینگ اوروش آواره‌لری، مزارشریف شهری نینگ ۱۰ دن آرتیق چیککه‌لریده ییرلشگنلر. قیش فصلی ده هر کون آواره‌لر رقمی آرتیب بارماقده دیر، قیش فصلی قطار کیشی‌لرگه قوانچ کیلتیره‌دی لیکن اوروش‌لردن آواره بولگنلر اوچون قیین‌چیلیک‌لرینی ایکی برابر کوپه‌یتیره‌دی.
اوشبو اوروش آواره‌لری کوندوز نی قویاش آرزوسیده و کیچه‌نی ایسه آذیق اوقات آرزوسیده اوتکزه‌دیلر.
آواره‌لر نماینده‌سی زین الله نینگ ایتیشیچه، مزارشریف شهری نینگ جنوب تامانیده‌گی نظر فاریابی پروژه‌سیده ۴۶۰ عایله حیات کیچیره‌دیلر. فاریاب، سمنگان، جوزجان وسرپل ولایت‌لری نینگ ناتینچ تومن‌لریدن آواره بولیب کیلگنلر.
بلخ ولایتی نینگ مهاجرلر ریاستی، بلخ ولایتی ده اوروش‌لردن آواره بولگن ۲۵ مینگ عایله حیات کیچیریش دن خبر بیره دی.
بلخ ولایتی مهاجرلر ریاستی نینگ باشلیغی سید مسعود قادری ایتیشیچه، جدی احتیاجی بولگن ۱ مینگ عایله گه یاردم توزیع ایتیلیشی ممکن.
بوندن آلدین بیرلشگن ملت‌لر تشکیلاتی اورین باسرلیگی بیر اعلامیه ترقه‌تیب، افغانستان یشاوچی‌لری نینگ وضعیتی دن خواطر بیلدیریب و اوروش‌لر دوام تاپگن حالده تینچلیک مذاکره‌سی اوستی گه سلبی تأثیر قویشی دن قورقیتگن ایدی.
