غور محلی مسوول‌لری نینگ ایتیش‌لریچه، اوشبو ولایت نینگ تولک تومنیده طالبان هجومی سبب، امنیتی کوچلردن ۱۹ ته‌سی هلاک ایتیلگن. تولک تومنی ولسوالی سلیمان یوسفی نینگ سلام‌وطندارگه ایتیشیچه، بو تومنده طالبان تامانیدن اویوشتیریلگن هجوم عاقبتیده، مردمی کوچلردن ۱۹ ته‌سی هلاک و باشقه ۱۲ ته‌سی یره‌لنگن و شونینگدیک، باشقه بیرقطاری درک‌سیز یوقالگن.
تولک تومنی ولسوالی نینگ کوپه‌یتیریشیچه، اوشبو واقعه‌ده یره‌لنگن‌لرنینگ وضعیت‌لری خواطرلنترووچی دقت بولمه‌گن صورتده، جان‌لرینی قولدن بیریش‌لری ممکن. اونینگ ایتیشیچه، تولک تومنی نیچه مدتدن بویان طالبان قمراویگه قرار تاپگن و آتیشمه‌نی دوامی بار.
جناب یوسفی نینگ ایتیشیچه، بو مسله‌نی محلی و مرکزی مقاملر بیلن شریک قیلگن، لیکن حاضرگچه دقت بولمه‌گن. تولک تومنی ولسوالی‌گه کوره، کمکی کوچلر یوباریلمه‌گن صورتده، اوشبو تومن‌نی طالبان قولیگه سقوط قیلیشی ممکن.
غور محلی و امنیتی مسوول‌لری حاضرگه‌قدر بوتوغریده فکر بیلدیرمه‌گن.
عین‌حالده، طالبان گروهی نینگ اعلان قیلیشیچه، اوشبو گروه جنگریلری تامانیدن تولک تومنیده اویوشتیریلگن هجومده دولتی کوچلردن کوپ قطاری هلاک و یره‌لنگن و شونینگدیک، اولرنینگ حربی تجهیزات‌لری طالبان قولیگه توشگن.
ایتیلیشیچه، اوتگن هفته غور ولایتی نینگ شهرک تومنی طالبان قولیگه سقوط قیلگن ایدی و حاضرده فیروزکوه شهری شامل اوشبو ولایت نینگ ۵ تومنیده آتیمشه‌نی دوامی بار.
