مملکت‌ده قیز اوقووچیلر یوزیگه لیسه و اورته مکتب‌لری نینگ یاپیق قالیشی گه عاید اسلامی امارت معارف وزیرلیگی نینگ قراری، غزنی‌ده ابتدائیه قیز اوقووچیلری (۶-صنفدن قویی اوقووچیلر) نینگ روحیه‌لری‌نی ضعیف‌لشتیرگن.
غزنی‌ده حاضر ایسه ۶-صنفدن قویی صنف‌لرده درس اوقیدیگن قیز اوقووچیلردن قطاری نینگ سلام‌وطندار گه ایتیش‌لریچه، قیزلر مکتب‌لری نینگ باغلیق قالیشی، تحصیل‌لری گه دوام بیریش اوچون اولرنی علاقه‌سیز قیلگن.
بیزلرنینگ فیسبوک صحیفه‌میزگه باش اورینگ!
غزنی نینگ مکتب‌لریدن بیری‌ده ۵-صنف اوقووچیسی حلیمه نینگ ایتیشیچه، اوشبو کون‌لر علاقه بیلن مکتب بارمه‌یدی و کیله‌جگیدن خواطرده دیر. اونینگ کوپه‌یتیریشیچه: «مکتب‌لرده ۷- صنفدن ۱۲-صنف‌گچه صنف‌لر نینگ یاپیلیشیدن کیین، درس اوقیش گه یوره‌گیم بولمه‌یدی، ۶-صنف‌گچه اوقیدیک اوندن کیین، بیزلر قنده‌ی داکتر بوله‌یلیک.»
۶-صنفدن یوقاری قیز اوقووچیلر یوزیگه مکتب‌لر نینگ یاپیق قالیشی، حلیمه و اونینگ صنف‌داش‌لریدن قطاری نی ناامید قیلگن. اونینگ ایتیشیچه: «کوپ ناامید بولگن‌من. مکتب‌لر آچیلگن صورت‌ده، کوپ خرسند بولهمن و آچیلمه‌گن صورت‌ده، شونده‌ی ناامید قاله‌من.»
اوقووچیلردن باشقه بیری فرزانه، کیله‌جک‌ده داکتر بولیش نی ایسته‌یدی، لیکن مکتب‌لر نینگ آچیلیشی و آچیلمه‌یشی خصوصیده خواطره‌ده دیر. اونینگ ایتیشیچه: «کوپ ناامید من، کیله‌جک‌ده داکتر بولماق نی ایسته‌یمن. ۱۲-صنف گه قدر مکتب‌لر آچیله‌می یا خیر؟ مکتب‌لر آچیلمه‌گن صورت‌دن کوپ ناامید بولهمن.»
مذکور اوقووچیلر اسلامی امارت رسمی‌لریدن بوتون قیز اوقووچیلر یوزیگه مکتب‌لر نینگ آچیشلری نی ایسته‌یدیلر. فرزانه نینگ ایتیشیچه: «دولت‌دن قیزلر مکتب‌لری نینگ آچیشلری نی ایسته‌یمیز.»
شونده‌ی بیرحالده، غزنی‌ده مکتب‌لرده عیال اوقیتووچیلردن قطاری نینگ ایتیش‌لریچه، اسلامی امارت نینگ سونگی قراری، قیز اوقووچیلرنی روحی نظردن خواطرلنتیرگن و اوقووچیلر تحصیل و درس نینگ دوام بیریش‌لری اوچون همیشه‌گی علاقه‌لری نی قولدن بیرگنلر.
غزنی‌ده عیال اوقیتووچیلردن بیری شکیبا محمدی نینگ ایتیشیچه: «بو اوقووچی نینگ علاقه‌سی یوق، انگیزه‌سی یوق و درس‌لرده حاضر بوله‌دی، لیکن سابق‌ده کیله‌جگی اوچون بولگن شوق و علاقه‌سی اوندن آلینگن و او ناامید بولگن.»
ایش بیلرمان‌لر نینگ ایشانچ‌لری گه کوره، قیز اوقووچیلر جماعه‌ده اوغیل اوقووچیلردن اونملی دیر. اولر گه کوره، جماعه‌ده نسل‌لر نینگ ایجابی اوزگریش اوچون، قیزلر و آنه‌لرنی تحصیل و تعلیم گه تشویق قیلیش لازم دیر.
بیزلرنینگ توییترده هم تعقیب قیلینگ!
بوتوغریده غزنی‌ده مدنی فعال‌لردن زهرا موسی‌زاده نینگ ایتیشیچه: «بیزلر جماعه‌ده بیر نسل‌نی اوزگرتیرماقچین بولسک، عیال‌لر/ قیزلر گه تعلیم و تحصیل اوچون رخصت بیریب و تعلیم و تحصیل یولی نی اولر گه آچیق قوییشی‌میز کیرهک، اولر نینگ بیر نسل نی اوزگرتیریش‌لری اوچون تحصیل زمینه‌سی نی یره‌تیشیمیز کیرهک.
۶-صنفدن یوقاری قیز اوقووچیلر نینگ مکتب‌لری نی یاپیق قالیشی خلق‌ارا و ملی عکس‌العمل‌لر بیلن روپه‌رو بولگن. حاضر ایسه افغانستان اهالی‌سی و خلق‌ارا و فرقلی ملی نهاد‌لر، اسلامی امارت معارف وزیرلیگی‌‌دن، افغانستان بوتون قیزلری یوزیگه مکتب‌لر نینگ آچیلیشی اوچون آلگن قراری نی قیته کوریب چیقیشینی کوتیب تورگنلر.
