افغانستان‌نی قیته قوریش اوچون آمریکا نینگ مخصوص تیکشیریش اداره‌سی یا سیگار نینگ ایتیشیچه، افغانستان بویلب عیال‌لر نینگ ایشلری چیکله‌نیشی باعث، مملکت اقتصادی گه ۱میلیارد دالر زیان ییتکیزگن.
سیگار بیرلشگن ملت‌لر تشکیلاتی نینگ ترقیاتی دستوری گزارشی اساسیده اوز توییتری‌ده یازیشیچه، عیال‌لر ایشلری چیکله‌نیشی بیلن، افغانستان نینگ ناخالص ۵ فایز تولیدی کمیه‌دی.
بیزلرنینگ فیسبوک صحیفه‌میزگه باش اورینگ!
افغانستان‌نی قیته قوریش اوچون آمریکا نینگ مخصوص تیکشیریش اداره‌سی گه کوره، خاتین قیزلر اسلامی امارت قدرت گه ایریشیدن آلدین، افغانستان نینگ ۲۰ فایز ایشلاوچیلرینی تشکیل بیرر ایدیلر که اوقیتووچی، ساغلیک متخصص‌لری، ژورنالیست، میدیالر مجریسی، قاضی و مدافع وکیل‌لری اوله‌راق ایشلر ایدیلر.
عین‌حالده، اسلامی امارت افغانستان نی نظارت ایتیش‌لری بیلن، ایریم ساحه‌لرده خاتین قیزلر نینگ فعالیتی و حضوری گه چیکلاو یره‌تیلگن. سونگی آلتی آی‌ده دولت اداره‌لری نینگ عیال خادم‌لری گه ایشگه باریش اوچون رخصت بیریلمه‌گن و شونینگدیک آلتینچی صنف‌دن یوقاری قیز اوقووچیلری گه مکتب باریش منع ایتیلگن.
گرچند خاتین قیزلر حقوقی مدافعه چیلری و خلق‌ارا تشکیلات‌لر، افغانستان خاتین قیزلری نینگ برچه سیاسی و اجتماعی ساحه‌لرده حضورلری بولیشی و قیز اوقووچیلری گه مکتب باریشینی تأکید ایتسه‌لرده، بیراق اسلامی امارت گه کوره، بو توغریده اسلام قدریت لری اساسیده‌گی ریجه اوستیده ایشله ماقده‌لر.
بیزلرنینگ توییترده هم تعقیب قیلینگ!
باشقه تاماندن، خلق‌ارا تشکیلات‌لر، افغانستان نینگ اقتصادی وضعیتی کونسه‌یین آغیرلشیدن آگاه لنتیرماقده. سیگار بوندن آلدین، افغانستان اقتصادیاتی میلادی اوتگن ییل گه نسبتن ضعیف لشگنینی اعلام ایتگن ایدی.
