اروپا قهرمانلر لیگهسی یریم فینالیده هیجانلی بیللشووده، فرانسه نمایندهسی پاریسن ژرمن جرمنی وکیلی بایرن مونیخ گه غلبه قازاندی.
بو بیللشوو، ۸ ثور/۲۸ اپریل، سهشنبهدن چهارشنبه گه اوتر کیچه پاریسن ژرمن میزبانلیگی بیلن «دوپرنس پارکی» کلوبیده اوتکزیلدی.
اوشبو مسابقهده پاریسن ژرمن ۵-۴ حسابی بیلن بایرن مونیخ گه غلبه قازانیب و فینال گه یول تاپیش گه امیدوار بولدی.
بو مسابقه، اوشبو فصلنینگ اینگ قیزیق و هیجانلی اویینلریدن بیری بولیب و جمعی ۹ گل اوریلدی.
بو ایکی جماعه اورتهسیده کیینگی مسابقه، کیلهسی هفته چهارشنبه کونی بایرن مونیخ میزبانلیگی بیلن اوتکزیلهدی.
شو بیلن بیرگه، اروپا قهرمانلر لیگهسی یریم فینالیده یول تاپگن اسپانیا نمایندهسی اتلتیکو مادرید بریتانیا (انگلیس) نمایندهسی آرسنال بیلن بیللشهدی.
