کابل صناعت و کان‌لر اتاقی مسئوللری، صنعتی پارک‌لرده برق قیینچیلیکلریدن شکایت قیلیب ایتیشلریچه، کارخانه‌لردن قطاری برق تنقیص‌لیگی باعث توخته‌گن. مطبوعاتی ییغین اوتکزگن کابل صناعت و کان‌لر اتاقی باشلیغی سخی‌احمد پیمان نینگ ایتیشیچه، کارخانه‌لر نینگ اساسی قیینچیلیکلریدن بیری برق تنقیص‌لیگی دیر.
جناب پیمان گه کوره، کارخانه‌لر اوچون ییر یوق‌لیگی و مذکور کارخانه‌لر یولی بوزیق‌لیگی، اولر نینگ باشقه قیینچیلیکلریدن سنله‌دی. سخی‌احمد پیمان نینگ ایتیشیچه: کابل شهری‌ده صنعتی پارک‌لر نینگ قیینچیلگی برق تنقیص‌لیگی دیر، برق سیز کارخانه‌لر فعالیت قیله آلمه‌یدی.»
بیزلرنینگ فیسبوک صحیفه‌میزگه باش اورینگ!
کارخانه‌لر توخته‌لیشی ایش‌سیزلیک اوستیگه سلبی تاثیر قیله‌دی، کابل صناعت و کان‌لر اتاقی نینگ ایتیشیچه، حاضرگی کونده ۵۰ مینگ کیشی صنعتی پارک‌لرده ایش بیلن تامینلنگن.
عین‌حالده، افغانستان صناعت و کان‌لر اتاقی باشلیغی شیرباز کمین‌زاده گه کوره، اسلامی امارت اولر گه قولی‌لیک یره‌تگن تقدیرده، صناعت یوکسه‌لیشی ممکن.
شونده‌ی بیرحالده، برشنا سوداگرلیک شرکتی صنعت‌چیلر نینگ برق قیین‌چیلیگی حل ایتیلیشیدن ایشانچ بیلدیره‌دی. برشنا شرکتی نینگ تجارتی باشلیغی عبدالرحمان رحمانی نینگ ایتیشیچه، برشنا سوداگرلیک شرکت مسئوللری افغانستان اقتصادی و صنعت ترقیاتی اوچون کوچلری ییتگونچه یاردم بیره‌دیلر. شونینگدیک کابل ولایت رسمی‌سی صنعت‌چیلر گه همکارلیک قیلیشیدن سوز بیره‌دی.
بیزلرنینگ توییترده هم تعقیب قیلینگ!
کابل حاکمی ندا محمد نینگ ایتیشیچه، سوداگرلرلیک و صناعت وزیرلیگی بیلن همکارلیک قیلیش‌ده، اینگ یقین فرصت‌ده اولر نینگ قیین‌چیلیگی نی حل قیلیش‌لری ممکن.
ایتیش‌کیره‌ک که، مملکت‌ده اسلامی امارت نینگ قدرت گه ایریشگنی و افغانستان پول‌لری توسیلیشی بیلن، کان و صنعت‌لر نینگ بیر بولیمی جدی زیان کورگن. بوندن آلدین، بانک‌لردن پول آلیش خصوصیده‌گی معما، سوداگرلیک و صناعت اتاقی نینگ جدی قیینچیلیکلریدن سنلر ایدی.