لوگر محلی رسمیلری نینگ ایتیشلریچه، قوراللی طالبان مذکور ولایت مرکزی پلعلم شهری و شونینگدیک بو ولایت نینگ قطار تومنلریده قشاق عایلهلرگه ملی دسترخوان برنامهسی آرقهلی یاردم ایتیش پروسهسینی توختتگن.
گلدسته، عدلی و قضایی نهادلردن عدالت ایستهش مقصد ده بغلان ولایتی نینگ گذرگاه نور تومنیدن اوشبو ولایت مرکزیگه کیلگن. گلدسته نینگ ایتیشیچه، نیچه ییلدن بویان تورموش اورتاغی (ایری) تامانیدن کلتکلنهدی، لیکن تورموش اورتاغی نینگ گذرگاه نور تومنیده ملی خوفسیزلیک ریاستی ایشلاوچیسی بولگنی سبب، امنیتی نهادلر تامانیدن قولگه آلینمهیدی.
اوچ کوندن بویان جوزجان-بلخ قتناو یولی نی باغلهگن جوزجان یشاوچیلریدن یوزلرچهسی بوگون (شنبه ۲۵- دلو) بلخ محلی مسئوللری نینگ استعفا بیریشی نی سورهشگن.
غور ده بیر عایله نینگ ۴۰ اعضاسی اعتراض بیلدیریشگن. اولرنینگ ایتیشلریچه، کمیده ۲۰ آی آلدین طالبان گروهی عایلهلری نینگ ایرککلرینی دولتدن حمایت قیلیش عیبلاوی بیلن اولدیرگن.
بوگون (پنجشنبه ۲۳- دلو) مملکت شمالیدهگی ترکمنلردن یوزلرچهسی ۹ یاشر عبدالرووف نینگ قوییب یوباریلمهگنی اوچون ناراضلیک نمایش یولگه قوییب و شونینگدیک بلخ ولایتدهگی حیرتان ایکی یولی، جوزجان-بلخ قتناو یولی و قندز ولایتیده شیرخان بندر نی ترافیک یوزیگه باغلهگنلر.
بوگون “سهشنبه” کابلده شاهتوت سوو توغانی نینگ قوریلیش شرطنامهسی افغانستان و هند آرهسیده امضا ایتیلدی. اوشبو شرطنامه افغانستان جمهور رییسی محمداشرف غنی و هند باش وزیری نریندرا مودی حضوری بیلن افغانستان تشقی ایشلر وزیری محمدحنیف اتمر و هند تشقی ایشلر وزیری سابرامانیام آرهسیده آنلاین شکلده امضالنگن.
هرات ولایتی بوییچه قصابلر بیرلشمهسی مسووللری و یشاوچیلری نینگ ایتیشلریچه، چاروالرنینگ قاچاق آرقهلی قوشنی مملکتلرگه انتقال بیریلیشی سبب، اوشبو ولایت بازارلریده گوشت نینگ بهاسی یوقاری کیتگن. هرات ولایتی بوییچه قصابلر بیرلشمهسی مسووللری نینگ آگاهلنتیریشلریچه، چاروالرنینگ قاچاقیگه توسیق بولینمهگن صورتده، گوشت بهاسی نینگ یوقاری کیتیشی ممکن.
پروان ولایتی نینگ بگرام تومن یشاوچیلریدن یوزلرچهسی مذکور تومن پولیس قومندانی ایشدن آلینگنی گه عکسالعمل کورسهتیب ناراضلیک نمایش یولگه قوییشگن. اولرنینگ ایتیشلریچه، جمهوررئیس غنی نمایندهلر کینگشی باشلیغی میررحمان رحمانی دن انتقام آلیش دوامیده بو تومن نینگ ناتینچ قیلیش اوچون سعی و حرکت قیلماقده.
ننگرهار محلی رسمیلری نینگ ایتیشلریچه، بوگون توشدن کیین ساعت ۱ اطرافیده مذکور ولایت نینگ کامی تومنیده ترافیکی بیر حادثه عاقبتیده اوچ کیشی جان بیرگن.
مذکور کسلخانه باشلیغی دکتر غلامنبی یگانه نینگ ایتیشیچه، یانغین بیرینچیدن آشخانهدن باشلنگن و اوندن سونگ، اداری بولیملرگه ییتیشگن. اوشبو کسلخانه نینگ اداری بولیمی کامل صورتده اوت آلگن.
مملکت عدلیه وزیری فضل احمد معنوی نینگ ایتیشیچه، قویاش ۱۳۹۹- ییل باشلنگنیدن بویان افغانستان یشاوچیلریدن ۳۲۷ تهسی تابعیت نی ترک قیلیشنی ایستهگن. اونگه کوره، مذکور کیشیلر ایران، اتریش، هالند، روسیه، اوزبیکستان، اوکراین، بلغاریا، جاپان و اندونزیا مملکتلری نینگ تابعیتی نی قولگه کیلتیرگنی باعث، افغانستان تابعیتی نی ترک قیلیش نی ایستهگن.
افغانستان خبرچیلری نینگ سقلهش کمیته نی گزارشی اساسیده، میلادی ۲۰۲۰- ییل ده ۲۰۱۹- ییل گه نسبتن خبرچیلرگه قرشی زوروانلیکلر میزانی ۲۶ فایز کوپهیگن. مذکور کمیته بوگون (پنجشنبه ۱۶- دلو) بیر گزارش ترقهتیب ایتیشیچه، میلادی ۲۰۲۰- ییل ده مملکتده خبرچیلرگه قرشی ۱۳۲ زوروانلیک قضیه قید ایتیلگن.
انسان حقوقی ایرکین کمیسیونی اورین باسری نعیم نظری نینگ ایتیشیچه، انتحاری، پارتلش و قوراللی هجوم لر یوز بیرگنیدن سونگ، بوندهی واقعهلرنی تیکشیریش اوچون کمیسیونلر قوریلهدی، لیکن اوشبو کمیسیونلر تیکشیریشلری نینگ نتیجهسینی اهالی بیلن شریک قیلمهیدی.
بوگون (سهشنبه ۱۴- دلو) زهره رادیوسی نینگ مسؤللری و ایشلاوچیلری، قندوز ولایتی خبرچیلری و خبرچیلرنی سقلهش کمیته مسؤللری بیر ییغین اوتکزیب، بو رادیو قیتهدن فعالیت گه باشلهشی اوچون محلی اداره و رسانهلردن حمایت قیلوچی نهادلرنینگ مالی یاردم بیرمهگنیدن خواطر بیلدیریشگن.
ملی مصالحه عالی کینگش باشلیغی عبدالله عبدالله، بوگون عیاللرنینگ بیر سیمناری گه قتنهشیب، تیچلیک پروسهسی خصوصیدهگی خواطرلر و سوراقلرگه جواب بیردی.
هرات محلی مسئوللری نینگ ایتیشلریچه، قندهار-هرات قتناویولیده یوزبیرگن ترافیکی بیر حادثهده، ۹ کیشی هلاک و باشقه ۲ کیشی ایسه یرهلنگن.
