بدخشان بیلیم یورتی طلبهلریدن قطاری، اوشبو ولایت مرکزی فیضآباد شهریده اویلر بیلن اتاقلر کرایهسی کوپهیگنی همده اوی کملیگیدن شکایت قیلیب و ایتیشلریچه، کوپینچه کرایه توللشگه کوچلری ییتیشمهیدی.
«افغانستان پولیودن بوش» نهادینینگ اعلام قیلیشیچه، مملکت بویلب پولیو گه قرشی ایملش کمپاینی، کیلهسی هفته دوشنبه کونی باشلنیشی ممکن.
ننگرهار محلی مسئوللرینینگ سلاموطندار گه بیرگن معلوماتلریگه کوره، سونگی اوچ کون ایچیده بو ولایت مرکزی و بیرقطار تومنلریده اویلرنینگ تامی قولشی نتیجهسیده، چمهسی ۲۳ کیشی «شهید» بولگن. بو واقعهلر، جلالآباد شهری، خوگیانی، پچیراگام، اسپینغر، شیرزاد و هسکه مینه تومنلریده یوز بیرگن. اوشبو واقعهلر نتیجهسیده، کمیده ۱۳ کیشی یرهلنگن.
بهار ییتیب کیلیشی بیلن، گل و اوسیملیک بازاری ینگی بیر سیمانی اوزیگه آلیب و بو ساحهده فعالیت قیلهدیگن یاشلر، سونگی کونلر ساتیشلری کوپهیگنیدن خبر بیرهدیلر. مذکور یاشلر کوپراق قیزیقیش و ایش فرصتلری یوقلیگی سبب بو ایشگه یوز کیلتیریب و حاضر تورلیخیل گللرنی ییتیشتیریش بیلن، هم یشش محیط گوزهللیگینی آشیرماقده همده اوزلریگه درآمد منبعسینی یرهتگنلر.
بیرلشگن ملتلر تشکیلاتینینگ بالهلرنی قوللب-قوتلش صندیغی افغانستان بولیمی (یونیسف)، اوشبو مملکتده ۲۰ میلیوندن آرتیق کیشیگه طبی خذمتلردن فایدهلنیش امکانیتینینگ یرهتگنینی معلوم قیلگن که مذکور کیشیلردن ۶۰ فایزینی عیاللر تشکیل بیرهدی.
کنر ولایتی یشاوچیسی و تورت بالهنینگ آنهسی بولگن ۳۳ یاشر سادیهگه کوره، قریب تورت ییل آلدین اوز اوییده گل ایکیشگه باشلهگن. اونینگ ایتیشیچه، باشده بیر قطار قیینچیلیکلر بیلن روپهره بولگن؛ لیکن سعیوحرکت بیلن بو ایشده موفق بوله آلهگن. اونینگ کوپهیتیریشیچه، عیاللر اویده ایشلب و بیران نرسه تولید قیلیشلری ممکن که، هم قیشلاقلر همده شهرلرده کوپینچه مشتریسی بار.
فواید عامه وزیرلیگی رسمیلری، مملکتنینگ تورلی حدودلریده کوچلی یامغیر یاغگنی و سوو تاشقینی یوز بیرگنی سببلی، بلخ-سمنگان، سالنگ و کابل-جلالآباد قتناو یوللری یاپیلگنینی معلوم قیلگنلر.
ننگرهار ساغلیقنی سقلش ریاستینینگ ییتکرمهلر مسئولی نقیبالله رحیمی، اوتگن کیچهدهگی یاغینگرچیلیکلر عاقبتیده اوشبو ولایتده بیر اوینینگ تامی قولهگنینی بیلدیردی. اونگه کوره، اوشبو اوی ننگرهار مرکزی جلالآباد شهرینینگ «انگورباغ» حدودی ده قولهگن و اونینگ نتیجهسیده، بیر اوینینگ بیش اعضاسی اولگن و ایکی اعضاسی ایسه یرهلنگن. ننگرهار ساغلیقنی سقلش ریاستینینگ ییتکرمهلر مسئولی، واقعه طفیلی یرهلنگنلر کسلخانه گه آلیب باریلگنینی قوشیمچه قیلگن.
شفاکارلرنینگ ایشانچیگه کوره، اولیملی کسللیکلر آلدی آلینیشی مقصد آنهلر و چقهلاقلر اوچون تیتانوس واکسینی تطبیق بولیشی مهم بولگنی بیرحالده؛ لیکن جوزجان ده عیاللردن قطارینینگ ایتیشلریچه، آگاهیسیزلیک، اقتصادی قیینچیلیکلر و ساغلیقنی سقلش خذمتلریدن آزراق فایدهلنیش سبب، حاضرگچه بو واکسیننی آلیشدن محروم قالگنلر. اولرنینگ کوپهیتیریشلریچه، مذکور قیینچیلیکلرگه علاوه، ناتوغری ایشانچلر هم، اوشبو واکسیندن عیاللرنینگ فایدهلنمسلیگیگه سبب بولگن مهم عامللردن دیر.
یقین شرقده توقنشوولر کوچهیشی و هرمز بوغوزینینگ یاپیلیشی، انرژی بازاریگه باسیم آرتیب و نفت نرخلری دنیا بویلب آشدی؛ بو حالتدن افغانستان هم تأثیرلندی و یقینده هر لیتر تیل نرخی ۱۰ دن ۱۵ افغانیگچه آشگن.
بدخشاننینگ بلند تاغلری بغریده بیر قیز ینگی تشبث بیلن زرگرلیک ایشخانهسینی یولگه قوییب، توشکونلیک و یریم قالگن آرزولر آرهسیده یخشی کیلهجک قوریشگه اینتیلهیاتگن قیزلر قلبیده امیدنی جانلنتیرگن.
ننگرهار محلی مسئوللری، اوشبو ولایتنینگ خوگیانی، پچیراگام و اسپینغر تومنلریده اوچ اوینینگ تامی قولشی نتیجهسیده، ۶ کیشی اولیب و ۷ کیشی یرهلنگنیدن خبر بیردیلر. ننگرهار حاکمی سوزلاوچیسی احسانالله عثمانی سلاموطندار بیلن صحبتده ایتیشیچه، خوگیانی تومنی «احمدخیل» حدودیده بیر اوینینگ تامی قولهگن و اونینگ نتیجهسیده اوچ باله قربان بولگن و بیر قیز باله یرهلنگن.
سمنگان ولایتی ایکینچیلیک، سووغاریش و چارواچیلیک ریاستی، اوشبو ولایتده زراعت گه مضر بولگن چیگیرتکه (ملخ)لر گه قرشی کمپاین باشلنگنیدن خبر بیردی.
کابل یشاوچیلریدن بیرقطاری، عصردن کیین و کیچه تاماندن شهر موترلرنینگ هیداوچیلری اوز باشیمچهلیک بیلن یول حقینی آشیرهدی و انده-سنده کون دوامیگه نسبتن ایکی برابر آلهدیلر.
سلاموطندارنینگ «شیخ زاید» کسلخانهسی و میه همده روانشناس متخصصلردن بیرقطاری بیلن صحبتی شونی کورستهدی کی، افغانستانده ۳۸ یاشنی تولدیرمهگن یاشلر اینیقسه خاتین-قیزلر آرهسیده «میه سکتهلیگی» سیزیلرلی درجهده آشگن. پایتخت کابل شهریده شیخ زاید تخصصی کسلخانهسینینگ سلامتلیک بوییچه اخبارات ادارهسی…
ترانسپورت و هوا یوللری وزیرلیگینینگ هواشناسلیک ریاستی ایرته (۱۷ حمل، دوشنبه)، نورستان ولایتیدن باشقه مملکت ۳۳ ولایتیده احتمالی کوچلی یامغیر یاغیب و چقماق همده بوران یوز بیریشینی بیلدیردی.
