حکومت مذاکره‌چی هیأت اعضالریدن قطاری سوزلشوولرنی قیته باشلش اوچون، بوگون دوحه کیتیش‌لریگه قرار قیلینگن بیرحالده، بیراق طالبان رهبری نینگ یوقلیگی توغریسیده‌گی بیاناتی تینچلیک پروسیه‌سیگه نیمه تأثیر قویه‌دی؟
جمهورلیک ریاست سابق اورین‌باسری مارشال عبدالرشید دوستم، رمضان هییت نمازی نی ادا قیلگنیدن کیین، یوزلرچه جوزجان یشاوچی‌لری و عسکرلری نینگ حضوری گه بیانات بیریب و ایتیشیچه، طالبان اوروش نی دوام بیریش بیلن اوز ایسته‌کلری گه بولگن حکومت نی قوریش نیتده بولگنده، اولر خطا قیلگن بوله‌دی. مارشال دوستم گه کوره، طالبان آتیش کیسین نی دوام بیریش و اوروش نی یکونلنتیریش بیلن مذاکره میزی گه قیتیش‌لری کیره‌ک.
جمهوررئیس غنی طالبان گروهیدن، حاضرگی اورته گه کیلگن فرصتدن تینچلیک اوچون فایده‌لنیب و تینچلیک نی تن آلیش‌لرینی سوره‌گن. جناب غنی بوگون (پنج‌شنبه ۲۳- ثور) هییت نمازی نینگ ادا قیلگندن کیین ایتیشیچه، چیت‌ایللیک کوچلرنینگ چیقیشی بیلن مملکتده تینچلیک تأمین‌لنیشی اوچون کتته فرصت یره‌تیلگن.
طالبان تامانیدن اوچ کون هییت آتیش کیسین اعلام ایتیلگنیدن کیین، جوزجان یشاوچی‌لری و مدنی فعاللردن اونلرچه‌سی توپله‌نیب و طالبان نینگ بو اقدام دن قدردانلیک قیلیش بیلن دایمی آتیش کیسین تأمین ایتیلیشی نی سوره‌شگن. اولرگه کوره، جاری اوروش نینگ هیچ قنده‌ی مفهومی یوق و مملکت نینگ ویران‌لیگی گه سبب بوله‌دی.
طالبان استانبول ییغینیده اشتراک قیلیش اوچون حاضرگچه یشیل چراغ کورستمه‌گن بیرحالده، آمریکا، ترکیه و باشقه همکارلر مذکور ییغین یولگه قوییلیشی اوچون حرکت‌لرنی تیزلشتیرگن.
افغانستان تینچلیگی بوییچه آمریکا خاص نماینده‌سی زلمی خلیل‌زاد نینگ ایتیشیچه، طالبان تینچلیک و اجماع و کیلیشوو اساسیده بولگن کیله‌جک نی تنلمه‌گن صورتده، آمریکا جمهوریت سقله‌نیشی اوچون افغانستان یشاوچی‌لری نینگ یانیده توره‌دی. شونینگدیک خلیل‌زاد جمهوریت سیاسی بیرلیگی نینگ کیره‌ک‌لیگی اوستیگه اورغوله‌گن.
بوگون (جمعه ۱۰- ثور) طالبان سیاسی دفتری سوزلاوچیسی محمدنعیم بیر توییت آرقه‌لی یازیشیچه، جناب خلیل‌زاد اوتگن کون پنج‌شنبه توشدن کیین ملابرادر بیلن اوچره‌شگن.
اونگه کوره، ایکی تامان افغانستان حاضرگی وضعیتی، جاری تینچلیک پروسه‌سی و مذکور پروسه گه تیگیشلی موضوعلر حقیده صحبت اوتکزگن.
افغانستان تینچلیگی بوییچه روسیه خاص نماینده‌سی ضمیر کابلوف نینگ ایتیشیچه، کیلگوسی کون‌لرده آمریکا، روسیه، چین و پاکستان نماینده‌لری افغانستان تینچلیگی حقیده سوزلشه‌دی.
بوگون (چهارشنبه ۱- ثور) مملکت غرب زونیده‌گی اوروش قربانی‌لریدن قطاری هرات ده خبری بیر ییغین اوتکزیب، اوروش تامان‌لریدن عایله‌لر و داغ کورگن آنه‌لر اوچون اوروش و قان توکیش دن قول تارتیب و تینچلیک قیلیش‌لرینی سوره‌شگن.
افغانستان تینچلیگی توغریسیده استانبول ییغینی منطقه و دنیا نماینده‌لری نینگ حضوری بیلن ۲۴- اپریل آیی ده یولگه قوییلیشی گه قرار قیلنیگن ایدی، بیراق ایتیلیشیچه بو ییغین یولگه قوییلیشی رمضان بیره‌می دن کیین گه قالگن.
بیرلشگن ملتلر تشکیلاتی و ترکیه و قطر مملکت‌لری بو توغریده قوشمه بیر اعلامیه نشر قیلگن…
مهاجرلر وزیرلیگی نینگ رسمی آماری اساسیده، اوروش، ناتینچلیک، ایش‌سیزلیک و قشاقلیک باعث افغانستان یشاوچی‌لریدن کمیده ۸ میلیونی مملکت ایچی و تشقری‌سیده آواره بولگن.
نامنظم مهاجرلیک آرقه‌لی چیت‌ایللیک مملکت‌لرگه بارگن‌لردن بیری ذبیح‌الله کارگر دیر. او، ۳۱ یاشیده بولیب قندوز ولایتی نینگ قلعه‌زال تومنی یشاوچیسی دیر. جناب کارگر، قندوز بیلیم یورتی‌ده تحصیل قیلگن و بیر مدت قندوز ولایتیده سیلاو ایرکین کمیسیونی نینگ سیلاو آمری صفتیده فعالیت قیلگن.
نماینده‌لر کینگش اعضالری چیت‌ایللیک کوچلرنینگ افغانستان دن چیقشی نی خوش قرشی‌لب و ایتیش‌لریچه، طالبان نینگ افغانستان حکومتی بیلن تینچلیک قیلیشی اوچون ایسته‌کلریدن بیری چیت‌ایللیک کوچلرنینگ افغانستان دن چیقیشی ایدی که بو تیزلیککه صورت تاپیشی ممکن.
افغانستان رسانه مسئوللری و خبرچی‌لردن بیر گروهی، افغانستان سوز ایرکین‌لیگی اویی نینگ ایجاد قیلگن. سوزایرکین‌لیگی اویی نینگ مقصدی، کینگ بیر جمع ایجاد قیلیش و رسانه ایشلاوچی‌لری و خبرچیلر اوچون مسلکی صنف ایجاد قیلیش دییلگن.
اوتگن کون (جمعه ۲۷- حمل) آمریکا مدافعه وزیرلیگی سوزلاوچیسی جان کربی خبری بیر ییغینده ایتیشیچه، جوبایدن نینگ بویروغی اساسیده سپتامبر آیی گچه چیقیش پروسه‌سی تینچ و ترتیبلی بیر شکلده صورت تاپیشی اوچون، بیر قیسقه پیت افغانستان ده آمریکالیک حربیلر سانی کوپه‌یشی ممکن.
آمریکالیک رسمیلر حربی کوچلری نینگ افغانستان دن چیقیشی نیچه آی کیچیکتیریلیشی توغریسیده بیانات بیرگن بیرحالده، طالبان آمریکالیک کوچلر بوتونلی افغانستان نی ترک قیلگونگه قدر تینچلیک خصوصیده بولگن هیچ بیر ییغین شرکت قیلمه‌سلیک‌لری حقیده آگاه‌لنتیرگن.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
