ینگی‌لیکده پاکستان یېتکرمه‌لری افغانستان باره‌سیده «منطقه‌وی تماس گروهی» تشکیل اېتیلیش ریجه، اوشبو گروه ده هندوستان نینگ حضوری گه پاکستان قرشی‌لیک قیلیشی طفیلی قیینچیلیک بیلن دوچ بولگنینی معلوم قیلگنلر.
سرپرست حکومت ایچکی ایشلر وزیرلیگی امن عامه ریاستی نینگ مطبوعات دفتری سلام‌وطندار گه یوللـه‌گن خبرنامه‌سیده، اوشبو وزیرلیک امن عامه خوفسیزلیک کوچلری هرات ده بیش یاشر بیر قیزنی آدم اوغری‌لر قولیدن قوتقرگنیدن خبر بیرگن.
اسلام امیرلیگی تشقی ایشلر وزیرلیگی سرپرستی امیرخان متقی، حماس نینگ سیاسی دفتر باشلیغی اسماعیل هنیه گه، اسرائیل حربی کوچلری نینگ هوا هجومی طفیلی عایله اعضالرینی قولدن بیرگنی اوچون همدردلیک بیلدیرگن.
اسلام امیرلیگی سۉزلاوچیسی ذبیح‌الله مجاهد، خوفسیزلیک کوچلر و مملکت فقرالریدن هییت کونلریده هوا گه اوق آت‌مسلیک‌لرینی اېسته‌گن.
خلق‌ارا ساغلیق‌نی سقلش تشکیلاتی پاکستان دن یوزلب مینگ افغانستان‌لیک قاچقین نینگ مملکت گه قیتگنی‌دن کیین، باله‌لر آره‌سیده پولیو ویروسی ترقه‌لیش خوفی خصوصیده خواطر بیلدیرگنی بیلن بیرگه، ساغلیق‌نی سقلش وزیرلیگی پولیو نی یوق قیلیش فوق‌العاده ملی مرکزی مسئوللری نینگ ایتیشلریچه، مذکور وزیرلیک خلق‌ارا همکارلری نینگ یاردمی بیلن پولیو ویروسی ترقه‌تیلیشی نینگ آلدینی آلیش اوچون برچه عملی اقدام‌لر نی نظر گه آلیب و مملکت گه قیتگن برچه باله‌لرنی پولیو گه قرشی واکسین قیلگن.
سوریه پایتختی دمشق شهری ده ایران قنسولگرلیگی اسرائیل تامانیدن هوا آرقه‌لی نشانگه آلینگنیدن بیر هفته اۉتگچ، ایران تشقی ایشلر وزیری حسین امیر عبداللهیان، ۲۰-حمل، دوشنبه کونی سوریه ده مملکتی نینگ ینگی قنسولگرلیگینی آچگن. اۉتگن هفته دوشنبه کونی اسرائیل نینگ دمشق شهری ده ایران قنسولگرلیگیده اۉیوشتیرگن هجومی عاقبتیده ایران سپاه پاسداران ایکّی ییریک قوماندانی شامل ییتّی کیشی هلاک بولیب و بیر قطار کیشی‌لر یره‌لنگن اېدیلر.
متیو میلر نینگ بیاناتیدن نیچه ساعت آلدین بنیامین نتنیاهو، حماس نینگ اېنگ سۉنگی قرارگاهی اته‌لمیش رفح شهری گه بویوک حربی عملیات یولگه قوییش اوچون تاریخ بیلگی‌لنگنینی اېتگن اېدی. او اوشبو عملیات نینگ انیق تاریخی حقیده ایضاح کېریتمه‌گن بولسه ده، لېکن حماس گه غلبه قازانیشی اوچون بو حربی عملیات یولگه قوییلیشی لازمی دیگن.
سرپرست حکومت عدلیه وزیرلیگی مسئوللری نینگ ایتیشلریچه، قویاش ۱۴۰۲-ییل‌ده اوشبو وزیرلیک خیریه نهادلر، اجتماعی اۉیوشمه‌لر و سیاسی حزب‌لرنی تېکیشریشیدن کیېن؛ ناقانونی فعالیت سبب ایکّی حزب و ۷۵ اجتماعی اۉیوشمه و خیریه نهادلر نینگ مسئوللری خوفسیزلیک اداره‌لر گه تانیشتیریلگنلر.
کابل یشاوچیلریدن قطاری ایچکی ایشلر وزیرلیگی‌دن، هییت بیرمی کونلریده خوفسیزلیک تأمینلنیشی اوچون کوپراق سعی‌‌وحرکت قیلیشلری نی ایسته‌گنلر.
اسرائیل اردوسی غزه جنوبی ده نیچه آی‌لیک حربی عملیات یکونیدن سۉنگ حربی کوچلری نینگ سانینی کمه‌یتیرگن. خلق‌ارا یېتکرمه‌لر اسرائیل اردوسیدن نقل قیلیب ایتیشلریچه، اوشبو کوچلر نینگ یالغیز بیر بولیمی غزه نینگ خان یونس شهری ده قاله‌دی.
ایران ده جنوبی خراسان باجخانه باش مدیری نینگ اوشبو یونه‌لیش آرقه‌لی افغانستان اوچون سوداگرلیک توارلر ترانزیتی اوچ برابر بولیشی گه دایر بیاناتیدن سۉنگ، افغانستان سوداگرلیک و سرمایه یاتقیزیش اتاق مسئوللری اوشبو خبرنی تصدیقلب ایتیشلریچه، قویاش ۱۴۰۲ ییل‌دن حاضرگه قدر افغانستان نینگ سوداگرلیک توارلریدن یریمی ایران چهابهار و بندر عباس ترانزیتی یوللری آرقه‌لی انتقال بیریلگن.
دنیا بویلب داعش گروهی تهدیدلریدن جدی خواطر بیلدیریلماقده اېکن؛ اسلام امیرلیگی باش وزیری نینگ سیاسی اۉرین باسری محمدعبدالکبیر، ۱۸-حمل، شنبه کونی کابل شهری ده بیر قطار مملکتلر نینگ ایلچی‌لری و دیپلمات‌لری بیلن افطارلیک ضیافتیده، افغانستان‌ده داعش سرکوب اېتیلیشی گه تاکیدلب هېچ کیم داعش اوچون لابی‌گرلیک قیلمسلیگینی اېتگن.
خلق‌ارا یېتکرمه‌لر نینگ معلوماتی اساسیده، امریکا نینگ فلوریدا ایالتیده قوراللی هجوم عاقبتیده ایکّی کیشی هلاک بولیب و باشقه ییتّی کیشی یره‌لنگنلر.
نیمروز ولایتی پاسپورت ریاستی مسئوللری، سۉنگی بیر ییل‌ده ۱۱۰ میلیون دن آرتیق افغانی درآمد قیلگنلرینی معلوم قیله‌دیلر. نیمروز ولایتی پاسپورت ریاستی مدیری نیازمحمد حنظله نینگ سلام‌وطندار گه ایتیشیچه، اوشبو ریاست اۉتگن بیر ییل‌ده ۱۱۰ میلیون ۵۱۶ مینگ ۵۰۰ افغانی درآمد قیلگن.
افغانستان سرپرست حکومت عالی محکمه‌سی مسئوللری، بوگون (شنبه، ۱۸-حمل) کابل شهری پل‌چرخی تورمه‌خانه‌سیده مطبوعاتی بیر ییغیلیش‌ده ایتیشلریچه، اسلام امیرلیگی ییتکچیسی هبت‌الله آخوندزاده نینگ بویروغی و عالی محکمه نینگ قراری و هییت بیرمی مناسبتی بیلن ۲۰۰۰ دن آرتیق محبوس قوییب یوباریله‌دی.
انسان حقلری و دنیا همجمیت نینگ برچه تنقیدلری بیلن، اسلام امیرلیگی قریب سۉنگی اوچ ییل‌ده عام حضوری ده حدود و قصاص نی عملگه آشیریش گه دوام بیریب کېلگن. ینگی‌لیکده اسلام امیرلیگی عالی محکمه‌سی لوگر ولایتیده بیر عیال شامل آلتی کیشی گه، عام حضوری ده ۲۵ دُره دن ۳۹ دُره اۉریلگنینی معلوم قیلگن.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
