مملکت ایریم ولایتلرده یشاوچیلر، ایشسیزلیک و احتیاجلرینی تأمینلهی آلمسلیک سببلی کسبلرینی اوزگرتیریش گه مجبور بولگنلرینی ایتهدیلر.
پروان ولایتیدن بولگن ۳۱ یاشلی جمشید، آلدین اوقیتووچی بولگن ایتیشیچه، ایشسیزلیک و درآمد تاپیش اوچون مخابرات کمپنیهلریدن بیریده ایش باشلهگن. او شوندهی دییدی: «اوقیتووچی ایدیم، کوپینچه اوقیتووچیلرنی ایشدن بوشهتیشدی بیکار بولدیم. کیین ایسه بیکار قالمسلیک و عایله احتیاجلرینی تأمینلش اوچون کسبیمنی اوزگرتیریش گه مجبور بولدیم. ایندی خدمات مشتریان بولیمیده مخابرات کمپنیهلریدن بیریده ایشلهیمن.»
کابل یشاوچیسی بولگن ۲۶ یاشلی راحله، بوندن ایلگری بیر رادیوده ژورنالیست صفتیده ایشلر ایدی، لوازمینی قولدن بیرگچ تیکووچیلیککه یوز کیلتیرگنینی معلوم قیلهدی. او شوندهی دییدی: «رادیولردن بیریده ایشلردیم، بیراق اوشبو رادیوده ایش فرصتلری آزلیگی سببلی ایشیمگه دوام بیره آلمهدیم. اویده بیکار توره آلمسدیم شونینگ اوچون تیکووچیلیکنی اورگندیم، اول کورس گه باردیم و ایندی اویده تیکووچیلیک قیلهمن.»
ننگرهار ولایتی جلالآباد شهری یشاوچیسی ۳۸ یاشلی ساحلنینگ ایتیشیچه، بوندن ایلگری ییتی ییل قوریلیش کمپنیهلردن بیریده انجنیر صفتیده ایشلر ایدی؛ بیراق تورت ییل بیکارلیکدن سونگ و عایله اقتصادیگه یاردم بیریش اوچون، ایندی قوریلیش اوسکونهلرینی ساتووچی بیر دکانده ساتووچی صفتیده ایشلهیدی. اونگه کوره: «قوریلیش کمپنیهلردن بیریده کوزهتووچی انجنیر صفتیده ایشلردیم، ییتی ییل ایشلهدیم، کیین ایسه تورت ییل بیکار ایدیم، ایندی قوریلیش اوسکونهلرینی ساتووچی دکانده ساتووچی صفتیده ایشلهیمن.»
شو بیلن بیرگه، اقتصاد شناس تاجمحمد تلاشنینگ ایتیشیچه، آدملرنینگ کسبینی اوزگرتیریش گه مجبور بولیشینینگ آلدینی آلیش مقصدیده اولر گه کسب-هنر تعلیمی، قیسقه مدتلی کسبی دستورلر و یاشلرنینگ متخصصلیگیگه ماس ایش امکانیتلرینی یرهتیش ضرور. شونینگدیک او، حکومتنینگ خصوصی سکتور بیلن همکارلیک قیلیشی همده ایشلب چیقریش و صناعت کارخانهلرینی تشکیل ایتیش ضرور. او شوندهی دییدی: «ایشسیز اوچینچی دنیا مملکتلری آرهسیدهگی اینگ خوفلی معمالردن بیری دیر. بو معمانی حل قیلیش اوچون حکومت کسبی دستورلر، هنر-تعلیم کورسلری و قیسقه مدتلی کسبی یا کی هنر گه عاید دستورلرنی یولگه قوییشی کیرهک. شونینگدیک حکومت خصوصی سکتور بیلن همکارلیکده افغانستانده ایشلب چیقریش و صناعت کارخانهلرینی تشکیل ایتیش بوییچه چارهلر کوریشی همده یاشلر گه اوز متخصصلیگیگه ماس ایش تاپیش امکانیتینی یرهتیشی لازم.»
اسلام امیرلیگی ایش و اجتماعی ایشلر وزیرلیگی مسئوللری، ایشسیزلر سانی کمهیشی و یاشلر گه ایش فرصتلری یرهتیلیشی اوچون بعضی ایشلر عملگه آشیریلگن و بوتوغریده اوتگن ییلدن بیری، ۶۲ مینگ ایش جوازی افغانستان و باشقه مملکتلر یشاوچیلری اوچون صادر قیلینگن و شونینگدیک ۴۵ مینگ یاش تخنیکی و مسلکی ایشلر بیلن شغللنگن.
ایش و اجتماعی ایشلر وزیرلیگی سوزلاوچیسی محمدصدیق توحیدی شوندهی دییدی: «اوتگن ییلدن بیری ۶۲ مینگ ایش جوازی ایچکی و تشقی یشاوچیلر گه بیریلگن و ۴۵ مینگدن آرتیق یاش تخنیک و مسلک اوقیشلری بیلن شغللنگن و بو یاشلرنینگ کوپینچهسی اوشبو یونهلیشلردن فارغ بولیشگن و ایش بازاریگه تینگ ایشگه قبول قیلینگن.»
ایش فرصتلری کمهیشی بیلن، ایریم یشاوچیلر عایله اقتصادی گه یاردم بیریش و اساسی احتیاجلرینی تأمینلش اوچون کسبلرینی اوزگرتیریش یا کی تحصیل یونهلیشلریگه ضد لوازملر گه ایشلش گه مجبور بولگن.
