بغلان ولایتیدن قولگه کیلگن گزارشلرگه اساسیده، اندراب نینگ اوچگانه تومنلریده طالبان و مردمی کوچلر آرهسیده شدتلی آتیشمهلرنی دوامی بار.
مردمی خیزش کوچلر قومندانلریدن بیر قطاری نینگ ایتیشلریچه، طالبان جنگریلری بوگون ایرتهلب ساعت ۴ ده مذکور اوچ تومنده مخابراتی ترماقلر فعالیتی نی کیسگن.
بیرلشگن ملتلر تشکیلاتی نینگ انسان حقلری کینگشی، بوگون افغانستان ده انسان حقلری وضعیتی توغریسیده شاشلینچ جلسه یولگه قویدی. بیرلشگن ملتلر تشکیلاتی نینگ شاشلینچ ییغینی یولگه قوییلگن بیرحالده، یاردم بیرووچی نهادلر افغانستان ده انسان حقلری وضعیتی یمانلنگنیدن خبر بیریشگن.
مذکور ییگیتلردن بیر قطاری نینگ ایتیشلریچه، اولر فقر، قوروقچیلیک و طالبان نینگ حاکمیتی سبب مملکت نینگ ترک قیلیشیگه زورلنگن. مذکور ییگیتلردن بیری عبدالحمید (مستعار آت) غور ولایتی مرکزی فیروزکوه شهری طالبان نظارتی گه اوتیشی بیلن، مذکور ولایت نی ایران مقصدیگه ترک قیلگن.
پنجشیر دن تشقری بوتون افغانستان طالبان نظارتی گه اوتگنیدن کمیده ۱۰ کون اوتماقده. طالبان و اولرگه قرشی پنجشیر ده تشکیل ایتیلگن مقاومت جبههسی تینچ بیر ییچیم یول تاپیش اوستیگه اورغولب ایتیشلریچه، ایکی تامان هیأتلری آرهسیده سوزلشوولرنینگ حاضرهم دوامی بار.
اوشبو بیانیه اساسیده، اردوغان افغانستان ده قدرت تینچ بیر شکلده انتقال تاپیشی و طالبان ینه بیر مرته سابق خطالرینی تکرار قیلمهی و برچه قوم و گروهلرنینگ قبول قیلیشلری توغریسیده امید بیلدیرگن. ترکیه و روسیه نینگ ایتیشیچه، طالبان حکومتی نینگ تانیش اوچون هیچ قندهی عجلهلری یوق.
ایشانچلی امنیتی بیر منبع نینگ ایتیشیچه، بوگون توشدن آلدین ناتانیش قوراللی کیشیلر کابل قونلغهسی نینگ اطرافیدن، ۱۵۰ کیشی نی اوغیرلهگن که اولردن کوپینچهسی هند یشاوچیلری ایکن.
اردوغان ترکیه افغانستانلیک مهاجرلر اوچون تینچ اویی ایمس دیدی. ترکیه نینگ صباح کوندهلیگی نی گزارشی اساسیده، مذکور مملکت جمهوررئیسی رجب طیب اردوغان نینگ ایتیشیچه، ترکیه قاچقینلرنینگ تینچ ییری ایمس. ترکیه جمهوررئیسی گه کوره، افغانستان قاچقینلری گه تینچ یشش اوچون هیچ قندهی وعده یوق.
آق سرای نینگ اعلام قیلیشیچه، آمریکا و فرانسه جمهوررئیسلری تلفنی علاقه قوریش بیلن افغانستان سونگی اوزگریشلیکلری خصوصیده سوزلهشیب و افغانستان گه انساندوستلیک یاردملر دوام تاپیشی و شونینگدیک افغانستان باشپناه ایزلاوچیلریدن حمایت قیلیش اوستیگه تأکید قیلگن.
اوتگن “چهارشنبه” کونی ترکیه مدافعه وزیری خلوصی آکار نینگ آناتولی کوندهلیگیده ایتیشیچه، اوتگن ۴۸ ساعت جریانیده کابل هوا قونالغهسیدن کمیده ۶۲ پرواز صورت تاپگن.
ترکیه مدافعه وزیریگه کوره، مذکور اوچیشلرده دیپلماتلر وبیرقطار افغانستانلیکلر ترکیه گه انتقال بیریلگن.
کابل طالبان نظارتی گه اوتگنیدن ایکی کوندن کیین، مذکور گروه سوزلاوچیسی ذبیحالله مجاهد اوتگن کون دولت رسانه و معلومات مرکزی ده بیرینچی خبری ییغینی نی یولگه قویدی. بوندن آلدین ذبیحالله مجاهد دن هیچ قندهی رسم چیقمهگن ایدی. مجاهد اوشبو ییغینده ایتیشیچه، اجتماع ده عیاللرنینگ حضوری و فعالیتی گه جدی نیاز بار.
اوتگن کونی کابل هوا قونالغهسیده یوز بیرگن قانلی واقعهدن سونگ، حاضرده کابل بوییچه آمریکا ایلچیلیگی اوشبو مملکت یشاوچیلریدن سونگی معلوماتلرگهقدر هوا قونالغهگه کیلمهیشلرینی سورهگن.
کابل بوییچه آمریکا ایلچیلیگی سرپرستی راس ویلسون نینگ توییتر صحیفهسیده یازیشیچه، او و یاردمچیلری آمریکا یشاوچیلری و افغانستان نینگ خطر بیلن دوچ کیلگن اهالیسیگه یاردم بیریش اوچون کابلده قالهدی.
آمریکا جمهور رئیسی جو بایدن نینگ افغانستانده یوز بیرگن واقعه خصوصیده ایتیشیچه، افغانستان سیاسی رهبرلری اوروشنی قوییب مملکت دن قاچیب کیتگنلر.
اونینگ ایتیشیچه، افغانستان اردوسی نابود ایتیلدی و اردو عضالری اوروش مسدن تسلیم بولدیلر و بو واقعه کوتیلمهیدیگن پیتده یوز بیردی.
جمهوررئیسلیک سرایی بیر خبرنامه ترقهتیب ایتیشیچه، مملکت جمهوررئیسی محمداشرف غنی ایچکی آوارهلرگه ۴۰ میلیون افغانی یاردم بیرهدی. خبرنامهده کیلیشیچه، جناب غنی بوگون ارگ ده ایچکی آوارهلرنینگ قیینچلیکلرینی حل قیلیش اوچون یولگه قوییلگن ییغینده، بوندهی بیر وعده بیرگن.
مملکت وضعیتی یمان بولیب و ایشلر وضعیتی برهم اوریلگنی بیرحالده اون، برنج، شکر و باشقه ییگولیک مادهلرنینگ قیمتی یوقاری کیتگن که بو موضوع پایتخت یشاوچیلری نینگ خواطرلنتیرگن.
مملکتده زوروانلیکلر و ناتینچلیکلر کوپهیب و شونینگدیک کمیده ۲۰ ولایت مرکزی طالبان نظارتیگه اوتگن بیرحالده، جمهوررئیس محمداشرف غنی، بوگون ویدیوی بیر پیام ترقهتیش بیلن، اوروش و ناتینچلیک نی آلدینی آلیش اوچون مملکت جاری وضعیتی توغریسیده مصلحت باشلهگنیدن خبر بیرگن.
آمریکالیک دیپلماتلر تینچ بیر شکلده چیقیشی اوچون، اوچ مینگ آمریکالیک حربیلرنینگ بیرینچی گروهی کابل کیلیب و بو شهرنینگ قونالغهسیده جایلشگن. کیلگوسی بیر یا ایکی کون گچه افغانستان گه کیلهدیگن حربیلرنینگ کیلیشیدن مقصد، آمریکالیک و دیپلماتلر و اولرنینگ افغان همکارلری نینگ چیقاریش پروسهسینی تیزلشتیریش دییلگن.
