افغانستان اسلامی امارت سوزلاوچیسی و معلومات و مدنیت وزیرلیگی نینگ نشرات ایشلری بوییچه معینی ذبیحالله مجاهد اوتگن کون (یکشنبه، ۸_حوت) کابلده خبری بیر ییغینده ایتیشیچه، اسلامی امارت کوچلری ایکی کون آلدین کابلده شبههلی اویلر نی تیکشیریش و تازهلش عملیات جریانیده، اسلامی دولت گروهی یا_ده داعش گه تیگیشلی ۶ کیشی، ۹ آدم اوغیرلاوچی و ۵۳ مسلکی اوغرینی قولگه آلگنلر و شونینگدیک بیر مقدار قورال هم قولگه کیلگن.
اسلامی امارت ایچکی ایشلر وزیرلیگی، بوگون بیر اطلاعیه ترقهتیب بویروغ بیریشیچه، هیچ بیر خصوصی شرکت یا_ده ورکشاپ مخابروی وسیلهلر نینگ توزهتیش و پروگرام قیلیش اوچون حقی یوق.
هرات محلی مسئوللری نینگ ایتیشلریچه، هرات-تورغندی قتناو یولیده یوزبیرگن ترافیکی حادثه نتیجهسیده، بیر عیال شامل ۶ کیشی جان بیرگن.
پاکستان میدیالری نینگ گزارشی اساسیده، افغانستان و پاکستان آرهسیده تجارت سودا-ساتیغی ۱ میلیارد دالر گه کمهیگن. پاکستان چاپی اکسپرس تریبون کوندهلیگی، بوگون پاکستان و افغانستان سوداگرلیک و صناعت قوشمه اتاقی (PAJCCI) دن نقل قیلیب یازیشیچه، ایکی مملکت آرهسیده تجارت حجمی ۲.۵ میلیارد دالردن ۱ میلیارد دالر گه کمهیگن.
قندهار محلی مسئوللری نینگ ایتیشلریچه، چمن-سپینبولدک قتناو یولی اوچ کوندن کیین قیته اوتیب-قیتیش یوزیگه آچیلگن. مذکور قتناو یول اوچ کون آلدین، اسلامی امارت کوچلری و پاکستانی چیگره کوچلری آرهسیده یوزبیرگن آتیشمهدن کیین، باغلنگن ایدی.
آمریکا بیرشمه ایالتی نینگ سابق جمهوررئیسی دونالد ترامپ، روسیه و اوکراین آرهسیدهگی آتیشمه نینگ دوامیدن هشدار بیریب و ایتیشیچه، اوکراین گه روسیه نینگ نیچه تامانلیک هجومی، دنیا اوروشی گه سبب بولیشی ممکن.
بادغیس یشاوچیلریدن قطاری، اوشبو ولایت حسابات و معلومات ریاستی تامانیدن کیملیکلرنی تصدیقلش برابریده پول آلینیشیدن شکایت قیلیب سلام وطندار گه ایتیشلریچه، بادغیس حسابات و معلومات ریاستی مسئوللری، کیملیک لرنی تصدیقلش اوچون اولردن پول آلهدی.
اوتگن کون ایرتن چاغیدن مملکت پایتختی کابل شهری نینگ بولیملریده اسلامی امارت کوچلری تامانیدن اویمه اوی تیکشیریشلر باشلنگن. شوندهی بیرحالده، پایتخت یشاوچیلریدن قطاری اسلامی امارت کوچلری نینگ اویمه اوی تیکشیریشلریدن شکایت قیلگنلر، اولرنینگ خواطر بیلدیریب ایتیشلریچه، اویمه اوی تیکشیریشلر اهالی، عایلهلر اینیقسه بالهلر و عیاللر آرهسیده قورقیش و خواطرلر نی ایجاد قیلگن.
بیرلشگن ملتلر تشکیلاتی نینگ یاردم بیرووچی نهادلر و نا دولتی تشکیلاتلر نمایندهلریدن تشکیل تاپگن بیر هیأت، ۵ کونلیک بیر مأموریتده افغانستان نینگ بشری وضعیتینی تیکشیرگن. مذکور هیأت نینگ اعلام قیلیشیچه افغانستان بویلب انسان پرورلیک یاردملرگه نیازمندلر سانی مثل سیز دیر.
آمریکا قوشمه ایالتلری نینگ مالیه وزیرلیگی اوتگن کون (جمعه، ۶- حوت) افغانستانده مالیهوی و سوداگرلیک معاملهلر نینگ آسانلشتیریش و کینگهیشی اوچون ینگی رخصتنامه صادر قیلگن.
شمالی اتلانتیک تشکیلاتی یا ناتو گه اعضا دولتلر لیدرلری، بیر بیانه آرقهلی روسیه نینگ اوکراین گه هجومینی قارهله گنلر. اولر روسیهدن اوکراین گه حربی یوریشینی توختهتیب و برچه کوچلرینی اوشبو مملکتدن چیقریشینی طلب قیلگنلر.
افغانستان اسلامی امارت رسمیلری، وزیرلیکلر، ارمیهلر و باشقه بعضی حکومت ادارهلریده حربی و غیر نظامی یوقاری لوازملرده ۲۰ کیشی تعیینلنگنیدن خبر بیرگن. اسلامی امارت سوزلاوچیسی ذبیحالله مجاهد توییتر صحیفهسیده بیر رویخط ترقهتیش بیلن اعلام قیلیشیچه، مذکور تعیینات اسلامی امارت رهبری هبتالله آخوندزاده نینگ بویروغی اساسیده بیر قطار ولایتلرده عملگه آشیریلگن.
افغانستان اسلامی امارت سوزلاوچیسی ذبیحالله مجاهد، بوگون بیر اعلامیه ترقهتیب ایتیشیچه، ملی مدافعه وزیرلیگی، ایچکی ایشلر وزیرلیگی و اسلامی امارت استخبارات ریاستی نینگ امنیتی کوچلری، مدافعه وزیرلیگی اورین باسری ملا محمدفاضل مظلوم نینگ ریاستیده کینگ بیر تازهلش عملیات نی کابل نینگ قطار منطقهلری و قوشنه ولایتلریده باشلگنلر.
افغانستان اسلامی امارت تشقی ایشلر وزیرلیگی، بیر اعلامیه ترقهتیب ایتیشیچه، اوکراین نینگ وضعیتی نی یقییندن نظارت قیلیب و تینچ اهالیلر نینگ احتمالی تلفاتی خصوصیده خواطر بیلدیرگن. مذکور اعلامیه نی اوشبو وزیرلیگی نینگ سوزلاوچیسی عبدالقهار بلخی توییتر صحیفهسیده ترقهتگن.
بیرلشگن ملتلر تشکیلاتی بیر بیانیه آرقلی خبر بیریشیچه، اوتگن کون قندوز و تخار ولایتلریده پولیو گه قرشی ایملش برنامه نینگ ۸ ایشلاوچیسی ۴ فرقلی واقعهده هلاک بولگن.
افغانستان پولی ذخیرهلری نینگ آزاد بولیشی اساسیدهگی آمریکا بیرلشمه ایالت جمهوررئیسی جوبایدن نینگ بویروغی گه قرشی عکسالعمللر دوامیده، بوگون کابلده یولگه قویلگن خبری بیر ییغینده بابکرخیل قومی نینگ کینگشی دنیا جماعهدن افغانستان برابریده ایکی تامانلیک سیاست اوینمهی و مذکور مملکت سرمایهلری نی افغانستان یشاوچیلری گه قیتریلیشی نی سورهگن.
