ننگرهاردهگی محلی منبعلر نینگ سلاموطندار گه ایتیشلریچه، بوگون بامداد چاغی اوشبو ولایت نینگ سرخرود تومنی گه قرهشلی «ککرک» ساحهسیده بیر اوق پارتلشی عاقبتیده بیر باله جان بیریب و باشقه بیر عیال و ایکی باله یرهلنگنلر.
اسلامی دولت گروهی (داعش)، اوتگن کونی شام چاغی بلخ ولایتی نینگ مرکزی مزارشریف شهری نینگ اوچینچی و اونینچی خوفسیزلیک حوزهلریگه قرهشلی حدودلرده اویوشتیریلگن آلدین_کیین پارتلشلر مسئولیتینی بوینیگه آلگن. اوشبو حادثهلر نتیجهسیده ۹ تینچ اهالی هلاک و باشقه ۱۳ کیشی یرهلنگن.
بوگون (جمعه، ۹ثور) ده ترقهلگن اسلامی امارت رهبری نینگ اوشبو پیامیده کیلیشیچه، اولر قوشنی و منطقه مملکتلری و شونینگدیک دنیا جماعهچیلیگی بیلن یخشی و مثبت مناسبتده بولیشنی ایستهیدی.
بلخ خوفسیزلیک مسئوللری نینگ ایتیشلریچه، اوشبو ولایت مرکزی مزارشریف شهری نینگ ۱۰_ و ۳_حوزهلری گه تیگیشلی منطقهلریده یوزبیرگن ایکی پارتلش نتیجهسیده، ۹ کیشی هلاک و ۱۳ کیشی یرهلندی. اوشبو پارتلشلر بوگون شامچاغی مزارشریف شهری نینگ شیعهلر یشهیدیگن محلهلریده یوزبیرگن.
جوزجان امنیتی مسئوللری نینگ ایتیشلریچه، اوشبو ولایتده ریجهلشتیریلگن بیر عملیات نتیجهسیده بیر جادوگر تعویذ یازووچینی قولگه آلگنلر.
آمریکا مدافعه وزیرلیگی یا پنتاگون، ینگی بیر گزارش ده اوشبو مملکت حربیلری افغانستان نی ترک ایتیشیدن کیین، سابق دولت گه یاردم بیرگن ۷ میلیارد دالرلیک حربی جهازلری افغانستان ده قالگنینی ایتگن.
اسلامی امارت سوزلاوچیسی ذبیحالله مجاهد، ۸ ثور سابق شوروی اتفاقی نینگ ارتشی برابریده مجاهدلر نینگ پیروزلیک ییلی مناسبتی بیلن ایتیشیچه، حاضر هم افغانلر آرهسیده آزادلیک حسی موجود و اولر مملکتلریدن مدافعه قیلیش اوچون کوچلی ارادهلری بار.
قندوز خوفسیزلیک مسئوللری نینگ ایتیشلریچه، اوشبو ولایت نینگ امامصاحب تومنی «اسماعیل قیشلاق» یشاوچیسی گلمحمد اسملی مذکور شخص، ایناغهسینی اولدیریش عیبی بیلن مذکور تومن امنیتی کوچلری تامانیدن قولگه آلینگن.
شهرلرنی قیته قوریش و اراضی وزیرلیگی سوزلاوچیسی محمدکمال افغان نینگ سلاموطندار گه ایتیشیچه، ایرته (پنجشنبه، ۸-ثور) کابل نینگ «دهسبز» منطقهسیده اسلامی امارت رسمیلری نینگ اشتراکی بیلن ۱۵۰ ایشخانه نینگ قوریلیش ایشی تشقی بیر شرکت بیلن امضالنهدی.
بیرلشگن ملتلر تشکیلاتی نینگ باش کاتبی آنتونیو گوترش نینگ ایتیشیچه، افغانستان اقتصادی تیزیمی نینگ نقد پولگه احتیاجی بار. اونینگ کوپهیتیریشیچه، مملکتده نقد پول آزلیگی افغانستان اقتصادی تیزیمی نینگ قوللشیگه سبب بولیشی ممکن.
سمنگانده محلی منبعلر نینگ ایتیشلریچه، اوشبو ولایت نینگ درصوف تومنیده ۵ کیشی ناتانیش قورالی شخصلر تامانیدن اوققه توتیلیب اولدیریلگن. منبعلر نینگ ایتیشلریچه، مذکور واقعه اوتگن کون کیچقورن مزارشریف – شولگره قتناو یولی نینگ «کوتل ریگ» منطقهسیده یوز بیرگن.
اسلامی امارت، بیرلشگن تشکیلاتی ایش بیلرمانلری نینگ اعلامیهسیگه قرشی عکسالعمل بیلدیریب ایتیشیچه، افغانستانده اسلامی امارت حاکم بولگندن بویان هیچ بیرعیال قتل ایتیلمهگن وعیاللرگه قرشی هیچ قندهی زوروانلیک صورت تاپمهگن.
پکتیا دهگی محلی منبعلر نینگ ایتیشلریچه، اوشبو ولایتده ایکی ایناغه اوققه توتیلیب اولدیریلگن. پکتیا محلی مسئوللری گه کوره، مذکور واقعه اوتگن کونی اوشبو ولایت نینگ مرکزی گردیز شهری «سعادت خیل» قشیلاغیده «اوزاق مدتلی» شخصی دشمنلیک باعث یوز بیرگن.
نیچه کون آلدین افغانستان توپراغیدن اوزبیکستان نینگ ترمذ شهری گه قرهته موشکی هجوم بولیشی خصوصیده گزارشلر ترقهلدی.
اسلامقلعه بندرگاهی ده ایران چیگرهچیلری و اسلامی امارت کوچلری آرهسیده تارتیشوولردن کیین، ایرانلیک میدیالر ویدیو ترقهتیب، ایران تامانیدن امنیتی چارهتدبیر کوریلیشی و ایکی مملکت آرهلیغیده کوپراق کوچ ییرلشترگنیدن خبر بیرگنلر.
روسیه تشقی ایشلر وزیری سرگی لاوروف، اوکراین اوروشی هستهیی اوروش و اوچینچی دنیا اوروشی گه سبب بولیشی ممکن دیب آگاهلنتیرگن.
