غور خوفسیزلیک مسئوللری اوشبو ولایتده ایکی کیشی نامعلوم شکلده اولدیریلگنیدن خبر بیرگنلر. مسئوللر نینگ ایتیشلریچه، اوشبو واقعه غور ولایتی پسابند تومنی «شغزک» قیشلاغیده یوز بیرگن. غور امنیه قوماندانلیگی نینگ سوزلاوچیسی عبدالرحمان بدری نینگ سلام وطندار گه ایتیشیچه، مذکور ایکی کیشی اوتگن کیچه یاتگن جایلریده اولدیریلگن.
غزنی بازارلریده ساخته پوللر اینیقسه آمریکالیک ساخته دالر کوپهیشی، اوشبو ولایت صرافلری، سوداگرلری و دکاندارلری نینگ خواطری گه سبب بولگن.
هلمند مملکت نینگ جنوبی حوزهسیده ایکینچیلیک زمینلر نینگ بویوک قسمینی تشکیل بیرگن ولایتلردن دیر و اوتمیش ایکی دههدن کیین، بو بیرینچی مرته دیر که ایکینچیلر خشخاش/کوکنار نینگ کینگ بیر شکلده ایکیشی گه یوزکیتیرگنلر.
اسلامی امارت باش وزیری نینگ بیرینچی اورین باسری ملا عبدالغنی برادر نینگ مخصوص یاردمچیسی عبدالله اعزام نینگ ایتیشیچه، پاکستان یاردم بیرگن بوغداینی استفاده قیلیش ممکن. او توییریده یازیشیچه، اوشبو بوغدایلر ناپاک لیگیگه عاید افغانستان مرکزی سیلو باشلیغی تامانیدن شریک قیلینگن معلوماتلر ناتوغری دیر.
افغانستان اوچون اروپا اتفاقی نینگ مخصوص نمایندهسی توماس نیکلسون، ینگیلیکده خارجی میدیالر بیلن اوتکزگن صحبتیده ایتیشیچه، افغانستانده اسلامی امارت حکومتینی مشروعیت گه تانیش و قیینچیلیکلرنی حل قیلیش یگانه یول، اوشبو مملکت فقرالری گه مراجعت قیلیش و حکومتده اولرنی شامل قیلیش دیر.
اقتصاد و صلح مؤسسهسی، «خلقارا تروریسم شاخصی» خصوصیده ینگی گزارش ترقهتگن. اوشبو گزارشده افغانستان ۲۰۲۱-ییلده عصیانچیلیک دن تاثیرلنگن مملکتلر بیرینچی رویخطیده قرار تاپگن. افغانستان اوچینچی ییل کیتمه-کیت، تروریسمدن تأثیرلنگن مملکتلر بیرینچی رویخطی گه قرار آلگن.
سیاسی مسلهلر بیلرمانی و حاضرگی حکومت نینگ تنقیدچیلریدن سیدباقر محسنی، اسلامی امارت نینگ استخبارات بندیدن قوییب یوباریلدی. او رسانهلر بیلن اوتکزگن صحبتیده ایتیشیچه، بوگون شامچاغی قوییب یوباریلگن و حاضر ایسه کابل شهریده اوییده دیر.
حقوقدانلر، ایش بیلرمانلر و بیلیم یورت اوقیتووچیلریدن قطاری بوگون کابلده خبری بیر ییغین اوتگزیب، اسلامی امارت تامانیدن بیللی پالیسی و حکومتدارلیک سیاستی نینگ تعیینلنیشی نی سورهگنلر.
بیرلشگن ملتلر تشکیلاتی بوگون اوکراین آوارهلری ینگی رقمینی ترقهتیب ایتیشیچه، حاضرگچه اوشبو مملکت نینگ ۱ میلیوندن آرتیق اهالیسی آواره بولگنلر. مذکور تشکیلات نینگ کوپهیتیریشیچه، اوکراینلیک باشقه میلیونلرچه کیشی اوشبو آوارهلر گه قوشیلیشلری ممکن.
اسلامی همکارلیک تشکیلاتی، کابلده افغانستان اوچون مذکور تشکیلات نینگ ایجاد بولگنیدن خبر بیرگن. مذکور تشکیلات بوگون (یکشنبه، ۱۵-حوت) توییتر صحیفهسیده یازیشیچه، اسلامی همکارلیک تشکیلاتی نینگ رئیسی محمدسعید العیاش، اوتگن هفته چهارشنبه کونی کابلده دفتری نی ایجاد قیلگن.
معلومات و مدنیت وزیرلیگی نینگ معینی و اسلامی امارت سوزلاوچیسی ذبیحالله مجاهد نینگ ایتیشیچه، سونگی نیچه آیده اقتصادی قیینچیلیک باعث فعالیتی توختهگن میدیالر نینگ قیته فعالیت گه باشلهشی اوچون، چیت ایل یاردملرنی جلب قیلیش مقصد تلاش قیلماقدهلر.
آمریکا قوشمه ایالتلری نینگ جمهور باشلیغی جوبایدن و اوکراین جمهوررئیسی ولودیمیر زلنسکی تیلیفونی صحبت قیلگن. آق سرای گه کوره، اوشبو صحبت ۳۰ دقیقه دوام ایتگن.
اسلامی امارت ایچکی ایشلر وزیرلیگی سرپرستی سراجالدین حقانی، سابق دولت سقوط قیلگنیدن کیین، افغانستان نی ترک قیلگن یشاوچیلردن اولرنینگ قیته مملکت کیلیش لرینی سورهگن.
اوکراین جمهور باشلیغی ولودیمیر زلنسکی، اوشبو مملکت بویلب بشری حقوقینی تیکشیریش مقصدیده بیرلشگن ملتلر تشکیلاتی بشر حقوقی کینگشی مخصوص کمیسیونی ایجاد ایتیلیشینی خوش قرشی لهگن.
پکتیا محلی مسئوللری نینگ ایتیشلریچه، بوگون جمعه نمازیدن کیین اوشبو ولایت نینگ پتان تومنی «خرتو» مسجد یقینیده صادر بولگن پارتلشده ۲ کیشی اولیب و باشقه ۲۰ کیشی یرهلنگن.
روسیه نینگ واشنگتن دهگی ایلچیخانهسی، آمریکا قوشمه ایالتلریدن، آمریکا جمهوریخواه سناتوری لیندسی گراهام نینگ روسیه جمهور باشلیغی ولادیمیر پوتین باره سیدهگی بیاناتی خصوصیده آچیق معلومات کیریتیب و قارهلهشینی سورهدی.
