چیگره‌سیز خبرچی‌لر تشکیلاتی نینگ افغانستانده امنیتی وضعیت یمان بولگنیدن خواطر بیلدیریب ایتیش‌لریچه، افغانستان دولتی و طالبان گروهی آره‌سیده آتیشمه نینگ کوپه‌یگنی ایرکین‌سوز و اوشبو مملکت نینگ سونگی ۲۰ ییل‌لیک یوتوق‌لریگه زیان ییتیشتیرگن.
بوگون “پنجشنبه” مملکت جمهور رئیسی محمداشرف غنی نینگ جمهورلیک ریاستیده ملی بیرق کونی مناسبتیده یولگه قوییلگن مراسمده ایتیشیچه، چیت‌ایللیکلر افغانستانی اوروش میدانی‌گه اوزگرتیریش‌نی ایسته‌یدی، لیکن تسلیم بولمه‌یمیز.
افغانستان تشقی ایشلر وزیرلیگی نینگ بیر خبرنامه نشر قیلیب ایتیشیچه، آسترالیا تشقی ایشلر وزیری اوشبو مطلب‌نی بوگون “پنجشنبه” مملکت تشقی ایشلر وزیری محمدحنیف اتمر بیلن اوتکزگن تلفنی صحبت‌ده بیان قیلگن.
خانم لاینز نینگ ایتیشیچه ،دنیا طالبان نینگ تینچ اهالی برابریده‌گی ایش‌لریدن نظارت قیله‌دی و اوشبو گروه سونگی ییل‌لرده لازم مشروعیت‌گه قول تاپگن و بو مشروعیت اولرنینگ سیاسی بیر مذاکره‌گه خصوصیده‌گی تعهدلری اوچون دیر.
بوگون “چهارشنبه” قندهار یشاوچی‌لریدن بیرقطار اوشبو ولایت مرکزیده ناراض‌لیک نمایش یولگه قوییب اوروش تامان‌لریدن زوروانلیکلرنی یکونلنتیریش‌لرینی سوره‌گنلر.
اعراضچی‌لرنینگ ایتیش‌لریچه، بوندن باشقه اوروش‌نی تحمل قیله آلمه‌یدیلر و تیزلیککه اوروش‌نی یکونلنتیریلیشی کیره‌ک.
بوندن آلدین طالبان نظارتیده بولگن منطقه‌لرده اولرنینگ عسکر آلیش‌لری خصوصیده گزارش‌لر ترقه‌تیلگن ایدی. لیکن حاضرده مملکت بیرقطار یشاوچی‌لری نینگ بو مسله‌نی تصدیق‌لب سلام‌وطندارگه ایتیش‌لریچه، طالبان نینگ آتیشمه‌لرده هلاک ایتیله‌دیگن جنگریلریدن کوپراغی اولر تامانیدن زوردن اوروش‌گه کیلتیریلگن یاش‌لر دیر.
بغلان ولایتی کینگش عضوی سمیع‌الدین ناظر نینگ سلام‌وطندارگه ایتیشیچه، نماینده‌لر کینگشی سابق عضوی و مملکت اسماعیلیه‌لر کینگشی نینگ عمومی باشلیغی سیدداوود نادری اوشبو ولایت نینگ دوشی تومنی‌نی «مکتب کیله‌گی» منطقه‌سیده طالبان کمین‌نی بیلن روپه‌ره بولگن.
بوگون “دوشنبه” احمدشاه مسعود بنیادی باشلیغی احمدولی مسعود نینگ کابلده خبر بیر ییغین اوتکزیب ایتیشیچه، دولت نینگ مدیریت‌سیزلیگی و برنامه‌سیزلیگی باعث، مملکت وضعیتی یمان بولگن.
نیچه هفته قرنطینه‌دن سونگ، مکتب و بیلیم یورت‌لر قیته باشلنگن، لیکن مملکت بیرقطار ولایت‌لریده امنیتی کوچلر و طالبان آره‌سیده آتیشمه بولگنی سبب، تعلیمی مرکزلر یاپیق قالگن و اوقووچی‌لر درس‌لرینی دوام بیره آلمه‌یدیلر.
بوگون “دوشنبه” افغانستان بوییچه بیرلشگن ملت‌لر تشکیلاتی نینگ اورین باسرلیک هیاتی یا-ده یوناما، بیر گزارش ترقه‌تیش بیلن اوتگن ییل نینگ بیرینچی ۶ آیی‌گه قره‌گنده جاری میلادی ییل نینگ بیرینچی ۶ آیی‌ده تینچ اهالی تلفاتی ۴۷% کوپه‌یگن دیگن.
آمریکا مرکزی قومندانلیگی قومندانی کنت مکنزی نینگ کابل‌گه قیلگن سفریده خبرچی‌لر بیلن اوچره‌شیب ایتیشیچه، آمریکا افغانستان امنیتی کوچلریدن حمایت قیلیش مقصد ده طالبان‌گه قرشی هوایی هجوم‌لرنی کوپه‌یتیرگن و طالبان نینگ هجومی دوام قیلگن صورتده، آمریکا هم اولرگه قرشی هجوم‌لریگه دوام بیره‌دی.
بوگون “یکشنبه” غزنی ولایتی نینگ مالستان تومنی یشاوچی‌لریدن بیرقطاری نینگ کابلده خبری بیر ییغین‌ده ایتیش‌لریچه، طالبان گروهی اوشبو تومن‌نی تصرف قیلگنیدن سونگ، بیرنچی‌دن اهالی نینگ اوی‌لری و سوداگرلیک دکانلرینی چور قیلیب و اوندن سونگ، اوت بیرگن. اولرنینگ ایتیش‌لریچه، طالبان جنگریلری تینچ اهالینی اوققه توتگن و نتیجه‌ده تینچ اهالی شامل ۴۰ کیشی هلاک ایتیلگن و ۳ مینگ عایله آواره بولگن.
افغانستانده کرونا ویروسیگه چلینگنلرنینگ سانی کوپهیب و تلفات رقمی یوقاری کیتگنیدن سونگ، دولت ایشلاوچیلری نینگ ایش ریجه‌سی حکومت تامانیدن ارایه ایتیلدی.
آمریکا مدافعه وزیری لوید آستین نینگ ایتیشیچه، افغانستان اردوسی طالبان نظارتیگه اوتگن منطقهلرنی قیتهدن تصرف قیلیش اورنیده طالبان نینگ پیشرولیگی‌گه توسیق بولیشی کیره‌ک.
ایچکی ایشلر وزیرلیگی سوزلاوچیسی نینگ اورین باسری، اهالیدن کیچه ساعت ۱۰ دن سونگ، شهرلرده یوریش و محفل‌لرگه باریشدن قول تارتیش‌لرینی سوره‌گن. اونینگ تاکید قیلیشیچه، بو برنامه‌نی عملگه آشیریلیشی اوچون پولیس جدی شکلده اقدام قیله‌دی.
طالبان جنگریلری و امنیتی کوچلر آره‌سیده آتیشمه‌لر شدتلنگن بیر حالده، طالبان گروهی، تینچلیک‌که قول تاپیش اوچون بیرینچی یول اشرف غنی نینگ چیکله‌نیشی و ینگی حکومت ایجاد ایتیلیشی دیگن.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
