بوگون “دوشنبه” افغانستان بوییچه بیرلشگن ملت‌لر تشکیلاتی نینگ اورین باسرلیک هیاتی یا-ده یوناما، بیر گزارش ترقه‌تیش بیلن اوتگن ییل نینگ بیرینچی ۶ آیی‌گه قره‌گنده جاری میلادی ییل نینگ بیرینچی ۶ آیی‌ده تینچ اهالی تلفاتی ۴۷% کوپه‌یگن دیگن.
گزارش‌گه کوره، چیت‌ایللیک حربی لرنینگ افغانستان دن چیقیش جریانی باشلنگنیدن سونگ، تینچ اهالی تلفاتی کوپه‌یگن.
سلام‌وطندار اوزبیک بولیمی‌نی فیسبوک‌ده تعقیب قیلینگ
یوناما تامانیدن نشر ایتیلگن گزارش‌ده ایتیلیشیچه، ۲۰۲۱- ییل نینگ بیرینچی ۶ آیی‌ده زوروانلیک‌لر کوپه‌یگنی سبب، ۱ مینگ ۶۵۹ تینچ اهالی هلاک ایتیلگن و باشقه ۳ مینگ و ۵۲۴ کیشی یره‌لنگن. گزارش‌گه کوره، تینچ اهالی نینگ کوپراغی می و جون آی‌لریده تلفات کورگن.
یوناما تامانیدن نشر ایتیلگن گزارش‌ده ایتیلیشیچه: «۲۰۲۱- ییل نینگ بیرینچی ۶ آیی‌ده تینچ اهالی تلفاتی یوقاری کیتگن، اولدیریش شدتلنگنی و تینچ اهالی نینگ یره‌لنیشی خلق ارا حربی‌لری نینگ افغانستاندن چیقیش جریانی باشله‌‌گنیدن سونگ کوپه‌یگن و طالبان نینگ هجومی شدت‌لنگن. بوگون نشر ایتیلگن ینگی گزارش‌گه بیرلشگن ملت‌لر تشکیلاتی نینگ آگاه‌لنتیریشیچه، زوروانلیک‌لر کمه‌یتیریلمه‌گن صورتده، ۲۰۲۱- ییلده تینچ اهالی تلفاتی نینگ باشقه ییل‌لرگه قره‌گنده تلفاتی یوقاری کیتیشی ممکن.»
افغانستان بوییچه بیرلشگن ملت‌لر تشکیلاتی نینگ خاص نماینده‌سی، طالبان و افغانستان دولتی رهبرلریدن تینچلیک سوزلشوولرنی سرعت بیریش‌لرینی ایسته‌ب و دوامی بولگن اوروش‌گه توسیق بولیش‌لرینی سوره‌گن.
دیبرا لاینز نینگ تاکید قیلیشیچه، افغانستان قیین‌چیلیگی حربی یول بیلن حل ایتیلمه‌یدی: «حربی حل یول آخته‌ریش یالغیز افغانستان اهالی‌سی نینگ رنج‌لرینی کوپه‌یتیره‌دی.»
یوناما اوروش تامان‌لریدن تینچ اهالی دن محافظت قیلیش اوچون خلق ارا قانون لریگه حرمت قیلیش لرینی سوره گن. یوناما تامانیدن نشر ایتیلگن گزارش گه کوره، جاری ییل نینگ بیرینچی ۶ آیی ده تینچ اهالی تلفاتی نینگ یریمی نی عیاللر، یاش ییگیت لر و قیزلر تشکیل بیره دی و بو وضعیت خواطرلنترووچی دیر.
یوناما تامانیدن نشر ایتیلگن گزارش‌ده ایتیلیشیچه، تینچ اهالی تلفاتی‌دن ۶۴% گه دولت‌گه قرشی عناصرلر بو جمله‌دن ۳۹% گه طالبان، ۹% گه داعش و ۱۶% گه دولت‌گه قرشی نامعلوم عناصرلر مسوول دیر. شونینگدیک، تینچ اهالی تلفاتی‌دن ۲۳% امنیتی کوچلر، ۲ % امنیتی کوچلرگه تیگیشلی عناصرلر و باشقه ۱۱% ایسه آتیشمه جریانیده تلفات کورگن.
سلام‌وطندار اوزبیک بولیمی‌نی فیسبوک‌ده تعقیب قیلینگ
یوناما نینگ کوپه‌‌یتیریشیچه، مذهبی اقلیت‌لرگه قرشی هجوم‌لرنینگ کوپهیشی جمله‌دن هزاره‌لرگه قرشی هجوم‌لر قیته باشله‌نیشی خواطرلنترووچی دیر.
بیراق، طالبان گروهی بیر اعلامیه آرقه‌لی، یوناما تامانیدن نشر ایتیلگن گزارش‌گه قرشی واکنش کورستگن و اوشبو گزارش‌نی بیر تامانلمه و حقیقت‌دن اوزاق عنوان قیلگن.
