داعش گروهی پاکستان ده اویوشتیریلگن خودکش هجوم مسئولیتینی تن آلدی
خلقارا میدیالر نینگ معلوماتی اساسیده، داعش گروهی یکشنبه کونی، ۸ اسد/۳۰ جولای، پاکستان ده سیاسی ییغیلیش ده اویوشتیریلگن خودکش هجوم مسئولیتینی تن آلگن.
خلقارا میدیالر نینگ معلوماتی اساسیده، داعش گروهی یکشنبه کونی، ۸ اسد/۳۰ جولای، پاکستان ده سیاسی ییغیلیش ده اویوشتیریلگن خودکش هجوم مسئولیتینی تن آلگن.
طبیعی آفتلرنی باشقریش ایشلری بوییچه دولت وزیرلیگی، حکومت نینگ میدیالر مرکزی ده «دولت نینگ ملت گه حساب بیریش» برنامهسیده اوشبو وزیرلیک نینگ ایش گزارشی و بیر ییللیک یوتوقلرینی شریک قیلیش ده ایتیشلریچه، مذکور وزیرلیک اوتگن بیر ییل ده یوقاری درجه ده سوو تاشقینی تهدیدی بیلن یوزمه یوز ۲۰ ولایت، ییر سیلجیشی خطری بیلن دوچ ۴ ولایت و مملکت نینگ نسبی زلزله یوز بیرهدیگن منطقهلرینی اینقلش گه اولگورگن.
خلقارا میدیالر نینگ معلوماتی اساسیده، دوشنبه کونی، ۸ اسد، پاکستان نینگ خیبرپختونخواه ایالتی باجور منطقهسیده عالملر جمعیتی ییغیلیشیده یوز بیرگن پارتلش ده ۴۴ کیشی هلاک بولیب و باشقه ۲۰۰ کیشی یرهلنگن. اوتگن کون خلقارا میدیالردن بیرقطاری اوشبو پارتلش ده ۱۰۰ دن آرتیق کیشی یرهلنگنینی ایتگن ایدیلر، بیراق پاکستان میدیالری مذکور هجوم طفیلی ۲۰۰ کیشی یرهلنگنیدن خبر بیرگنلر.
افغانستان تیمیر یولی ادارهسی مسئوللری بوگون (شنبه، ۷ اسد)، کابل شهری ده حکومت نینگ اطلاعات و میدیالر مرکزی ده «حکومت نینگ ملت گه حساب بیریش» برنامهسیده ایتیشلریچه، ۱۴۰۱-ییل ده افغانستان نینگ اوچ تیمیر یولی آرقهلی تورت میلیون ۵۰۰ مینگ متریک تُن توار انتقال بیریلگن، ۱۴۰۰-ییل گه نسبتن ۲۵ فایز آشگنینی کورستهدی.
مملکت تشقی ایشلر وزیرلیگی نینگ سرپرستی امیرخان متقی بریتانیادن کیلگن قطار عالملر بیلن اوچرهشگن. تشقی ایشلر وزیرلیگی سوزلاوچیسی نینگ اورین باسری ضیااحمد تکل، بوگون (شنبه، ۷ اسد)، اوز تویتری ده، مملکت تشقی ایشلر وزیرلیگی نینگ سرپرستی سراجالدین حقانی، بریتانیا دن کابل گه تشریف بویرگن بیر قطار عالملر بیلن اوچرهشگنیدن خبر بیرگن.
تورکیه تشقی ایشلر وزیرلیگی پنجشنبه کونی، ۵ اسد/ ۲۷ جولای، ترقهتگن بیانیهسیده، اسرائیل ملی خوفسیزلیک وزیری ایتمار بن گویر نینگ مسجدالاقصی (بیتالمقدس) گه باستیریب کیریشینی قتیق شکلده قاره لهگن.
افغانستان مرکزی بانکی، بوگون (پنجشنبه، ۵ اسد)، بیر بیانیه ترقهتیب ایتیشیچه، معاملهلرده قولیلیک یرهتیش مقصدیده ایسکیرگن ۵۰ و ۱۰۰ افغانیلیک پوللرنی ییغیب و اورنیده ینگی چاپ بولگن ۵۰ و ۱۰۰ افغانیلیک بانکنوتلرنی کیلهسی هفته شنبه کونی، ۷ اسد، توزیع قیلیش جریانینی باشلهیدی.
اوزبیکستان نینگ کابل دهگی ایلچیسی، افغانستان و اوزبیکستان نینگ مناسبتلری حاضرگچه مستحکم و سونگی سیاسی اوزگریشلر بو مناسبتلر اوستیگه تأثیر قیلمهگنینی معلوم قیلدی.
ینگیلیکده، معلومات و مدنیت وزیرلیگی مملکت بویلب اوشبو وزیرلیک تامانیدن خبرچیلر گه کارت توزیع قیلیش جریانی باشلنگنیدن خبر بیرگن. اوشبو کارتلر خبرچیلر گه توزیع بولیشی، خبرچیلر و میدیا ایشلاوچیلری نینگ خواطری گه سبب بولگن.
بلخ امنیتی رسمیلری، عاشورا مراسمی عرفهسیده اوشبو ولایت ده مسجدلر و تکیهخانهلرنی باریب کورگنلر. بلخ ولایتی خوفسیزلیک رسمیلری، مذکور ولایت ده مسجدلر و تکیهخانهلرنی کوریش پیتیده، شیعهلر گه مذهبی مراسملرینی اوتکزیش اوچون خوفسیزلیک تأمین ایتیلیشیدن ایشانچ بیرگنلر.
برشنا شرکتی مسئوللری، بوگون (سهشنبه، ۳ اسد)، «دولت نینگ ملت گه حساب بیریش» دستوری ده ایتیشلریچه، اوتگن بیر ییل ده برق پولی دن قرضدار کیشیلردن ۳۳ میلیارد دن آرتیق افغانی توپلشگن، اوشبو پول نینگ ۱۱۸ میلیونی زوروانلر وسابق حکومت سیاستچیلری دن ییغیلگن.
اسلام امیرلیگی سوزلاوچیسی ذبیحالله مجاهد نینگ ایتیشیچه، پاکستان نینگ افغانستان ایشلری بوییچه مخصوص نمایندهسی آصف درانی کابل گه قیلگن سفری دایرهسیده، ایریم مسئلهلر جمله دن سوداگرلیک، مهاجرلر و خوفسیزلیک مسئلهلرنی بحث گه آلیب و بوتوغریده تامانلر کیلیشگنلر.
امریکا و پاکستان تشقی ایشلر وزیرلری، دوشنبه کونی، ۲ اسد، تیلیفونی ملاقاتلریده افغانستان وضعیتینی بحث گه آلگنلر. امریکا تشقی ایشلر وزیرلیگی گه کوره، اوشبو مملکت تشقی ایشلر وزیری آنتونی بلینکن، پاکستان تشقی ایشلر وزیری بلاول بوتو زرداری بیلن، مذکور مملکت نینگ اقتصادی و افغانستان وضعیتی بارهسیده بحث ایتگنلر.
کابل امنیه قوماندانلیگی، اوشبو ولایت ده محرم کونلری اینیقسه عاشورا مراسمی دن نشانلش کونیده تکیهخانهلر و مسجدلر امنیتی تأمین ایتیلیشیدن ایشانچ بیریب ایتیشلریچه، کابل شهری خوفسیزلیگی تأمین ایتیلیشی اوچون امنیتی ارگانلر و شیعهلر نینگ بویوکلری اورتهسیده قوشمه بیر کمیسیون شکللنگن.
کانلر و پترولیم وزیرلیگی مسئوللری بوگون (دوشنبه، ۲ اسد)، «دولت نینگ ملت گه حساب بیریش» برنامهسیده ایتیشلریچه، حاضر مملکت بویلب ۲۰۰ ته کیچیک کان قازیب چیقریلماقده و اولر دن قریب ۱۰۸ تهسی اوتگن بیر ییل ده قرارداد گه تاپشیریلگن.
افغانستان قیزیل آی جمعیتی باشلیغی مطیعالله خالص تورکیه، قطر، بریتانیا، آسترالیا، کانادا، جرمنی، ناروی، فنلند، دنمارک اولکهلری و ملی جمعیتلر خلقارا فدراسیونی بیلن اوتکزگن قوشمه ییغیلیشی ده، افغانستان گه دنیا همجمعیت نینگ یاردملری کوپهیتیریلیشینی طلب قیلگن.