برشنا شرکتی مسئوللری، بوگون (سه‌شنبه، ۳ اسد)، «دولت نینگ ملت گه حساب بیریش» دستوری ده ایتیشلریچه، اوتگن بیر ییل ده برق پولی دن قرضدار کیشی‌لردن ۳۳ میلیارد دن آرتیق افغانی توپلشگن، اوشبو پول نینگ ۱۱۸ میلیونی زوروان‌لر وسابق حکومت سیاستچیلری دن ییغیلگن.
برشنا سوداگرلیک باشلیغی عبدالرحمان رحمانی گه کوره، سابق حکومت ده سیاستچیلر و زوروان‌لر حاضر هم برق پولی دن ۵۰۰ میلیون افغانی قرضدار دیر، اولر باره‌سیده بیر قرار گه کیلیش اوچون حجت‌لری محکمه گه یوباریلگن.
بیزلرنینگ فیسبوک صحیفه‌میزگه باش اورینگ!
او نینگ کوپه‌یتیریشیچه: «حاضرگچه برق پولی دن قرضدار کیشی‌لردن ۳۳ میلیارد ۱۸۷ میلیون افغانی توپلنگن و سابق حکومت سیاستچیلری و زوروان‌لردن ۱۱۸ میلیون افغانی ییغیلگن و شونینگدیک، سابق حکومت سیاستچیلری حاضر هم ۴۳۲ میلیون افغانی و زوروان‌لر ۷۷ میلیون افغانی قرضدار دیر، اوشبو پول‌لرنی توپلش اوچون سعی‌وحرکت قیلماقده‌میز.»
عین‌حالده، برشنا شرکتی سوزلاوچیسی حکمت‌الله میوندی نینگ ایتیشیچه، صناعتی پارک‌لر مسئوللری هردایم برق ییتیشمسلیگیدن شکایت قیلگنلری اوچون، برشنا شرکتی صناعتی پارک‌لر اوچون مستقل برق نظر گه آلیب و برق ییتکیزیش ظرفیتینی آشیرگن.
بیزلرنینگ توییترده هم تعقیب قیلینگ!
اونگه کوره: «بیز افغانستان انجنیرلری یاردمی بیلن کابل و ننگرهار ده صناعتی پارک‌لر اوچون مستقل برق اختصاص بیریب و ظرفیتینی هم آشیردیک.»
برچه‌سی بیلن، برشنا شرکتی مسئوللری نینگ ایتیشلریچه، هوا ایسیق‌لیگی و قورغاقچیلیک باعث برق پرچوی‌سینی کوپه‌یتیریشگن؛ بیراق اوشبو قیینچیلیک تیزلیک بیلن حل ایتیلیشی مقصدیده سعی‌وحرکت قیلماقده‌لر.
