افغانستان عالی محکمهسی، جوزجان ده بیر کیشی گه قصاص حکمی اجرا اېتیلگنیدن خبر بیرگن. اوشبو نهاد ایکس اجتماعی ترماغی ده یازیشیچه، بو حکم بوگون (دوشنبه، ۷-حوت)، اسلام امیرلیگی رهبری هبتالله آخوندزاده نینگ بویروغی بیلن جوزجان مرکزی شبرغان شهری نینگ سپورت میدانی ده اجرا اېتیلگن.
افغانستان مرکزی بانکی بوگون ایکس اجتماعی ترماغیده، مملکت بازارلریده افغانی پول نرخینی ثابت سقلش مقصدیده ایرته ۸-حوت، سهشنبه کونی، ۱۷ میلیون امریکالیک دالرنی داوطلبلیک آرقهلی لیلام قیلیشینی یازگن.
بیرلشگن ملتلر تشکیلاتیده افغانستان نینگ دایمی نمایندهلیک سرپرستی نصیراحمد فایق نینگ سلاموطندار گه ایتیشیچه، خصوصی اوشبو ییغیلیشده بیرلشگن ملتلر تشکیلاتی نینگ باش کاتبی افغانستان اوچون مخصوص وکیل تعیینلنیشی و دوحه سۉنگی ییغیلیشی حقیده معلومات کیریتیشی ممکن.
مملکت ساغلیقنی سقلش وزیرلیگی نینگ (افغانستان ده پولیو نی یوق ایتیش) بولیمی بوگون ایکس اجتماعی ترماغیده، ایرته (دوشنبه) مملکت نینگ ۲۱ ولایتی جمله دن تخار، قندوز، بغلان، نورستان، کنر، لغمان، کاپیسا، پروان، کابل، ننگرهار، خوست، پکتیا، پکتیکا، غزنی، زابل، ارزگان، قندهار، هلمند، نیمروز و فراه ولایتلریده باشلنیشینی معلوم قیلگن.
غزه ده اسرائیل و حماس گروهی آرهسیده اوروش دوام ایتماقده اېکن، آتیش کېسین برقرار ایتیلیشی اوچون مصر، قطر و امریکا واسطهچیلیگی بیلن ایکّی تامان وکیللری ایکّی کوندن بیری فرانسه پایتختی پاریس ده مذاکره قیلماقدهلر.
سرپرست حکومت ترانسپورت و هوا یوللری وزیرلیگی نینگ هواشناسلیک ریاستی ۶ و۷ حوت کونلری مملکت نینگ ۲۴ ولایتیده کوچلی یامغیر و قار یاغیش احتمالیدن آگاهلنتیرگن.
افغانستان ایشلری بوییچه امریکا نینگ مخصوص وکیلی توماس وست، افغانستان وضعیتی گه دایر یقینده بولیب اۉتگن دوحه ییغیلیشی تفصیلاتینی ترقهتیش بیلن ایتیشیچه، اوشبو ییغیلیش ده افغانستان ده عصیانچی گروهلر نینگ قیته ظهور قیلمسلیگی، خاتین قیزلر گه تعلیم و ایش حقی بیریلیشی و انسان پرورلیک یاردملر دوامی بحث گه آلینگن.
صناعت و سوداگرلیک وزیرلیگی بوگون (شنبه، ۵-حوت)، اوشبو وزیرلیک ییتکچیلیگی ده اسلام امیرلیگی نینگ تخنیکی هیئتی ایران گه سفر قیلیشینی ایتگن.
مولانا جلالالدین محمد بلخی قونالغهسی نینگ باجخانه مدیری عبدالله مطئن گه کوره، «بیات پاور» شرکتی گه عاید برقی اوسکونهلردن عبارت اوشبو سوداگرلیک توار ۳-حوت، پنجشنبه کیچه بلخ گه یېتیب کېلگن. مسئوللر گه کوره، اسلام امیرلیگی حاکمیتیدن سۉنگ بو کارگو بیرینچی اۉچیشی بولیب و مولانا جلالالدین محمد بلخی قونالغهسی گه یېتیب کېلگن.
اسلام امیرلیگی تشقی ایشلر وزیرلیگی نینگ سرپرستی امیرخان متقی، دوحه ییغیلیشینی یقیندن کۉزهتیپ و مخصوص نتیجه بیرمهگنینی معلوم قیلگن. متقی بو سۉزلرنی افغانستان ده بیرلشگن ملتلر تشکیلاتی نینگ اۉرین باسرلیک هیئت دفتر باشلیغی روزا اوتونبایوا بیلن اۉچرهشوو ده بیان قیلگن. بو اۉچرهشوو ۳-حوت، پنجشنبه کونی بولیب اۉتگن.
خلقارا ییېتکیرمهلر نینگ معلوماتی اساسیده، غزه ده اسرائیل حربی کوچلری نینگ هوا هجوملری عاقبتیده ۴۸ کیشی هلاک بولیب و باشقه ۱۰۰ دن آرتیق کیشی یرهلنگن. معلوماتلر گه کوره، اسرائیل حربی کوچلری ۳-حوت، پنجشنبه کیچه، غزه ده یشش بیر منطقه ده هجوم اۉیوشتیرگن.
سرپرست حکومت سوزلاوچیسی ذبیحالله مجاهد بوگون (پنجشنبه، ۳-حوت)، توماس نیکلاسون نینگ افغانستان ده عصیانچی گروهلر نینگ فعالیت قیلیشی گه دایر بیاناتی گه مناسبت بیلدیریب، دنیا مملکتلری افغانستان ده دایمی ثبات برقرار ایتیلیشی اوچون خواطرلرینی اسلام امیرلیگی بیلن شریک قیلیشی کېرهک دیگن.
غزنی حاکمی محمدامین جان عمری گه کوره، اوشبو ولایت ده ایکّی کیشی گه قصاص حکمی اجرا اېتیلگن. اونینگ کوپهیتیریشیچه، مذکور ایکّی کیشی گه قصاص حکمی اسلام امیرلیگی ییتکچیسی هبتالله آخوندزاده نینگ بویروغی بیلن بوگون (پنجشنبه، ۳-حوت) توش دن کیین ساعت ۱۲:۳۰ اطرافی ده غزنی شهری «دشت علی لالا» حدودلری گه قرهشلی فوتبال سپورت میدانیده اجرا اېتیلگن.
بیرلشگن ملتلر تشکیلاتی نینگ باش کاتبی آنتونیو گوترش، ېنه بیر مراتبه غزه ده آتیش کېسین برقرار ایتیلیشینی سورهگن.
بلخ تیمیر یول ادارهسی مسئوللری نینگ ایتیشلریچه، اوشبو یۉنهلیش نینگ بوزیلگن ریلی و غیر ریلی قسمتلرینی قیته قوریش ایشی باشلنگن. اولر گه کوره، بو یۉنهلیش نینگ قیته قوریش اوچون آلتی میلیون ۳۰۰ مینگ دالر صرفلنهدی. بلخ تیمیر یولی حیرتان سوداگرلیک بندرینی مزارشریف گه باغلهیدی، بوزیلگن قسمتلرینی قیته قوریش ایشی ۲-حوت، چهارشنبه کونی عملی طرزده باشلنیب و ایکّی آیگچه ایشی یکونلنهدی.
معلومات و مدنیت وزیرلیگی سرپرستی خلقارا آنه تیل کونی مناسبتی بیلن اوتکزیلگن ییغیلیش ده، بو وزیرلیک افغانستان نینگ بومی تیللرینی رواجلنتیریش اوچون سعیوحرکت قیلیشیدن ایشانچ بیردی.
