بلخ تیمیر یول اداره‌سی مسئوللری نینگ ایتیشلریچه، اوشبو یۉنه‌لیش نینگ بوزیلگن ریلی و غیر ریلی قسمت‌لرینی قیته قوریش ایشی باشلنگن. اولر گه کوره، بو یۉنه‌لیش نینگ قیته قوریش اوچون آلتی میلیون ۳۰۰ مینگ دالر صرفلنه‌دی.
بلخ تیمیر یولی حیرتان سوداگرلیک بندرینی مزارشریف گه باغله‌یدی، بوزیلگن قسمت‌لرینی قیته قوریش ایشی ۲-حوت، چهارشنبه کونی عملی طرزده باشلنیب و ایکّی آی‌گچه ایشی یکونلنه‌دی.
بیزلرنینگ فیسبوک صحیفه‌میزگه باش اورینگ!
بلخ تیمیر یول اداره‌سی باشلیغی محمدشفیق نینگ ایتیشیچه، اوشبو تیمیر یول نینگ قیته قوریش خره‌جتی افغانستان تیمیر یول اداره‌سی تامانیدن تۉلنیلیب و اۉزبېکستان‌لیک بیر کمپنیه تامانیدن قیته قوریلهدی.
محمود نینگ کوپه‌یتیریشیچه: «بلخ تیمیر یولی نینگ جیرتان، تازه امید قیشلاق‌لری و مزارشریف هوا قونالغه‌سی منطقه‌سیده استیشن قسمت‌لری بوزیلگندی و بوگون ایشی باشلندی و ایکّی آی گچه فایده‌لنیشگه تاپشیریلیشی ممکن.»
شو بیلن بیرگه، بلخ محلی مسئوللری اقتصاد رواجلنیشی و سوداگرلیک فعالیت‌لر کینگه‌یشی اوچون مذکور ولایت تیمیر یولینی اونیملی دیب و اسلام امیرلیگی تامانیدن بو توغریده بویوک ریجه‌لر عملگه آشیریلیشی اوستیگه تاکید ایته‌دیلر.
بیزلرنینگ «ایکس» ترماغی ده هم تعقیب قیلینگ!
بلخ حاکمی نینگ اورین باسری نورالهادی ابوادریس گه کوره: «اسلام امیرلیگی قولی‌لیک یره‌تیش اوچون تورلی ساحه‌لرده بویوک ریجه‌لرنی عملگه آشیریش گه تلاش قیلماقده.»
عین‌حالده، افغانستان تیمیر یول اداره‌سی نینگ مالی و اداری معینی محمدنعیم محمدی، بلخ تیمیر یولی نینگ قیته قوریش ایشینی قرارداد قیلگن شرکت گه، خۉفسیزلیگی تامین ایتیلیشیدن ایشانچ بیره‌دی.
بلخ تیمیر یولی ۷۵ کیلومتر اۉزون‌لیک ده، اۉزبېکستان دن وارد بولگن سوداگرلیک توارلرنی حیرتان سوداگرلیک شهرچه‌سیدن مزارشریف شهری مولانا جلال‌الدین محمدبلخی هوا قونالغه‌سی گه قدر انتقال بیره‌دی.
