غزه ده اسرائیل و حماس گروهی آره‌سیده اوروش دوام ایتماقده اېکن، آتیش کېسین برقرار ایتیلیشی اوچون مصر، قطر و امریکا واسطه‌چیلیگی بیلن ایکّی تامان وکیل‌لری ایکّی کوندن بیری فرانسه پایتختی پاریس ده مذاکره قیلماقده‌لر.
حماس گروهی نینگ یوقاری مرتبه‌لی اعضالریدن بیری اسامه حمدان، ۴-حوت، جمعه کونی شام پیتی پاریس ده آتیش کېسین برقرار ایتیلیش مذاکره‌لری گه دایر یېتکرمه‌لر گه ایتیشیچه،اسرائیل غزه ده آتیش کېسین برقرار ایتیلیشی اوچون رد جواب قیترگن.
اونینگ کوپه‌یتیریشیچه: «حماس اسیری ده بولگن‌لر نینگ قوییب یوباریش نتانیاهو اوچون مهم اېمس و او مذاکره‌لر گه رد جواب قیترگن بیرینچی مورد باسیم گه چېک قوییش دیر.»
بیزلرنینگ فیسبوک صحیفه‌میزگه باش اورینگ!
حماس گروهی نینگ مذکور اعضاسی گه کوره، بو گروه غزه ده آتیش کېسین برقرار ایتیلیشی و گروگه آلینگنلر المشتیریلیشی خصوصیده واسطه‌چیلر نینگ تکلیف‌لری گه مثبت جواب بیرگن.
شو بیلن بیرگه، اسرائیل‌تایمز عرب تیلی کونده‌لیگی، بوگون موساد باشلیغی دیوید بارنیا ییتکچیلیگی ده اسرائیل هیئتی پاریس مذاکره‌لری گه اسرائیل‌لیک گروگه آلینگنلر نینگ المشتیریش اوچون یومشاق‌لیک کورستگنینی معلوم قیلگن.
عین‌حالده، سیاسی ایش بیلرمان‌لر دن بیرقطاری نینگ ایتیشلریچه، غزه ده آتیش کېسین برقرار ایتیلیشی اوچون بویوک قدرت‌لر کېلیشمه‌گونچه، بوتوغریده مذاکره‌لر نتیجه بیرمه‌یدی.
بیزلرنینگ «ایکس» ترماغی ده هم تعقیب قیلینگ!
خلق‌ارا مناسبت‌لر ایش بیلرمان نوراحمد ثاقب گه کوره: «ایران، روسیه و چین هدف‌لری عملی بولمه‌ی و امریکا نینگ اۉرته شرق و آسیا ده حاکمیتی کمه‌یمه‌گونچه، بو اوروش دوام تاپه‌دی.»
برچه‌سی بیلن، اسرائیل باش وزیری بنیامین نتانیاهو، اوتگن کون اوشبو مملکت سیاسی و خوفسیزلیک کابینه اعضالری گه تصویب اوچون بیر طرح اۉزه‌تگن و بو طرح نینگ اساسی مقصدی غزه نی بوتونلی نظامی‌سیز قیلیب و اسرائیل نینگ اېرکین‌لیگینی سقله‌یدی؛ لېکن بو طرح تېزلیک بیلن فلسطین خودگردان تشکیلاتی عملدارلری تامانیدن رد و موفقیت‌سیز عنوان قیلینگن.
غزه ده حماس و اسرائیل آره‌سیده اۉروش باشلنیشی دن ۱۴۰ کوندن کوپ اۉتگچ، فلسطین‌لیک ۳۰ مینگ کیشی هلاک بولیب و ۷۰ مینگ کیشی یره‌لنگن.
