ایران و پاکستان دن ۳۵۰۰ دن آرتیق افغانستانلیک چیقریلدی
قاچقینلر قیینچیلیکلرینی حل قیلیش بوییچه عالی کمیسیونینینگ اعلام قیلیشیچه، ایران و پاکستان دن ۳ مینگ ۵۷۴ افغانستانلیک چیقریلگن.
قاچقینلر قیینچیلیکلرینی حل قیلیش بوییچه عالی کمیسیونینینگ اعلام قیلیشیچه، ایران و پاکستان دن ۳ مینگ ۵۷۴ افغانستانلیک چیقریلگن.
پایتخت کابل یشاوچیلریدن ایریملری استقلال کسلخانهسیده کیچه تاماندن طبی خذمتلر جملهدن شفاکار ییتیشمسلیگی، بستر یوقلیگی و اوز وقتیده دوالنمسلیک کبی قیینچیلیکلر بیلن روپهره ایکنلریدن شکایت قیلماقده. اولرنینگ ایتیشیچه، ایریم حالتلرده حتا ایمرجنسی کسللر اوز وقتیده قبول قیلینمهیدی – بو مسئله کابل یشاوچیلرینی تشویشیگه سبب بولگن.
بلخ مرکزی مزارشریف شهریده ۲۷۷ میلیون افغانی مبلغ عوضیگه بلخ-سمنگان یونهلیشیده بیش کیلومتر اوزونلیگی بولگن بیر سرکنینگ اسفالتلش و کینگهیتیریش ایشی باشلندی. مزارشریف شهری بلدیه باشلیغی عبدالرحمان همت گه کوره، بو سرک بیش کیلومتر اوزونلیکده و ۱۶متر کینگلیکده قوریلهدی و ایشی بوگون (۱۴ جوزا/۴ جون، پنجشنبه) باشلنگن.
پروان بگرام تومنی اولسوالی عبدالله قاسم، اوشبو ولایتده بیش کیشی جملهدن اوچ عیال و ایکی ایرکک همهنینگ آلدیده درهلنگنینی بیلدیردی.
هرات ولایتی سوت محصولاتلری اویوشمهسی مسئوللری، بو ولایت ایچکی بازارلر احتیاجلرینی قاندیریشگه قوشیمچه، هر آی ۱۰ تُن قروت و حیوانی یاغ تورکیه گه یوباریشینی معلوم قیلهدیلر.
بیرلشگن ملتلر تشکیلاتی انسان پرورلیک یاردملرینی موافقلشتیرووچی ادارهسی افغانستان بولیمی (اوچا)، آیسلند افغانستان گه ۴۰۲ مینگ دالر یاردم بیرگنینی بیلدیردی.
بیرینچی مرته، هرات سوت محصولاتلری ساتووچیلری اویوشمهسی تامانیدن بو ولایت ایکینچیلیک، سووغاریش و چارواچیلیک ریاستی همکارلیگیده سوت استعمالینینگ اهمیتی و محلی محصولاتلرنی قوللب-قوتلش حقیده خبردارلیکنی آشیریش مقصدیده، خلقارا سوت کونی نشانلندی.
یقین قوشنی دولت اوزبیکستان افغانستان خلقی گه نوبتدهگی امیدبخش و خیرلی کمک قولینی چوزدی. بو مملکت افغانستانده دهقان و محنتکارلیکنی فعال قوللب-قوتلش مقصدیده ایکینچیلیکنینگ اینگ سره و یوقاری صفتلی اوروغلیکلرینی ییتکزیب بیرگن.
فراه ولایتی ایکینچیلیک، سووغاریش وچارواچیلیک ریاستی مسئوللری، اوشبو لایتده ترووز (تربوز) حاصلی بیش فایز آشگنینی معلوم قیلدیلر.
قرغیزستان حکومتی، بو مملکتده ناس ایشلب چیقریش و ساتیشنی منع قیلیش گه قرار قبول قیلگن.
بدخشان ولایتی شغنان تومنی شدوج، سرچشمه و وریزن قیشلاقلرینینگ برقی اوزیلگنیدن قریب بیر ییل اوتماقده ایکن، بو قیشلاقلرنینگ یشاوچیلری برق یوقلیگی سببلی ایریم قیینچیلیکلر بیلن دوچ ایکنلریدن شکایت قیلماقده.
عدلیه وزیرلیگینینگ اعلام قیلیشیچه، یوقالگن کیشیلرنینگ منقول و غیرمنقول ملکلرینی تیکشیریش توغریسیدهگی قانون اسلام امیرلیگی رهبری تامانیدن تصدیقلنگچ، رسمی جریدهنینگ ۱۴۹۱ سانیده ترقهتیلگن.
اسلام امیرلیگی مدافعه وزیری محمدیعقوب مجاهد، روسیه بیلن فنی-حربی شرطنامه امضالنگنی حقیدهگی خواطرلرنی اساسسیز دیب و ایتیشیچه، مذکور شرطنامه هیچ بیر مملکتگه قرشی ایمس. اسلام امیرلیگی سوزلاوچیسی ذبیحالله مجاهد، بوگون ایرتهلب (۱۰-جوزا، یکشنبه)، مدافعه وزیریدن نقل قیلیب و اکس صحیفهسیده یازیشیچه…
اسلام امیرلیگی باش وزیری محمدحسن آخوند، قربان هییت بیرمینی تبریکلب و یشاوچیلردن، هییتده کمبغل کیشیلر اینیقسه مملکت گه قیتگن قاچقینلرگه یاردم کورسهتیشلرینی سورهگن.
تخار ولایتیده ۱۰، ۱۱ و ۱۲ صنف «اوزبیک درسلیکلری» اوشبو ولایتنینگ ایریم مکتبلریده ترقهتیلدی. محلی منبعلر سلاموطندار بیلن صحبتده ایتیشلریچه، ۳۰۰۰ نسخهده چاپ قیلینگن بو کتابلر ۱۰-۱۱ و ۱۲ صنف درسلیگی بولیب تخار ولایتینینگ دشتقلعه، ینگیقلعه، خواجه بهاوالدین، خواجهغار و بهارک تومنلری مکتبلریده ترقهتیلگن.
اوزبیکستان تامانیدن قربان هییتی مناسبتی بیلن همده افغانستاننینگ سوو تاشقینلریدن جبر کورگن اهالیسینی قوللب-قوتلش مقصدیده انسان پرورلیک یاردمی یوباریلگن. اوشبو یاردملر بوگون (۴ جوزا/۲۵ می، دوشنبه) حیرتان بندریگه ییتیب کیلگن و اوزبیکستان جمهور باشلیغی شوکت میرضیایفنینگ تاپشیریغی اساسیده یوباریلگن.