عدلیه وزیرلیگینینگ اعلام قیلیشیچه، یوقالگن کیشیلرنینگ منقول و غیرمنقول ملکلرینی تیکشیریش توغریسیدهگی قانون اسلام امیرلیگی رهبری تامانیدن تصدیقلنگچ، رسمی جریدهنینگ ۱۴۹۱ سانیده ترقهتیلگن.
مذکور وزیرلیک، بوگون (۱۱-جوزا، دوشنبه)، بیر بیانیه آرقهلی ایتیشیچه، مذکور قانون بیر مقدمه، تورت باب، تورت فصل و ۳۱ مادهدن عبارت دیر.
کورسهتیلگن معلوماتلر اساسیده، اوشبو قانوننی عملگه آشیریش اوچون مسئول بولیم اسلام امیرلیگی عالی محکمهسینینگ حربی اورینباسرلیک ترکیبیدهگی یوقالگن کیشیلرنینگ منقول و غیرمنقول ملکلرینی تیکشیریش باشقرمهسی تعیینلنگن.
مذکور قانون یوقالگن و لادرک بولگن کیشیلرگه تیگیشلی منقول و غیرمنقول ملکلرنی سقلهش شرایطلری، اولرنینگ اسلام امیرلیگی تامانیدن محافظت قیلینیشی همده مذکور ملکلرنی بیتالمالگه تاپشیریلیش ترتیبی بیللی بولگن.
بو قانون اساسیده، تیگیشلی ریاست لادرک بولگن و یوقالگن کیشیلرنینگ هیچ کیم تصرفیده بولمهگن و غصب بولیشی احتمالی موجود بولگن ملکلرینی سقلهشگه مسئول دیر.
قانوننینگ ۹-مادهسیده کیلیشیچه، محافظت آستیدهگی ملکلرنینگ ایگهسی، وارثی یا-ده شرعی وکیلی کیلیب، ملک تاپشیریلیشینی سورهگنی صورتده، باشقرمه اونی محاکمه قراریگه اساس ایگهسیگه تاپشیریشی شرط.
شونینگدیک اوشبو مادهده «ساعی بالفساد» ملکیتلری یا-ده اولرنینگ درآمدلرینی تاپشیریش یالغیز اسلام امیرلیگی رهبرینینگ قراریگه باغلیق ایکنی انیق بیلگنیلنگن.
قانوننینگ باشقه بیر قسمیده ایسه ایگهسی وفات قیلیب، بیراق هیچ قندهی وارثی بولمهگن ملکلر بیتالمال ملکی حسابلهنیب و اونگه اوتکزییشی کیلگن.
شونینگدیک مذکور قانوننینگ ۲۹-مادهسیده کیلیشیچه: «ریاست، قاضی قراریگه اساس اسلام امیرلیگی قدرت گه ایریشگنیدن کیین یا-ده اوندن آلدین، رسمی و نارسمی ادارهلر همده کیشیلر تامانیدن اوز باشیمچهلیک روشده ایگهلب آلینگن شخصی اویلرنی اصلی ایگهلری یا-ده اونینگ شرعی وکیلیگه تاپشیریلیشی شرط.»
شونینگدیک اوشبو قانون یوقالگن کیشیلر ملکلرینی رویخطگه آلیش، کرایهگه بیریش، منقول ملکلرینی ساتیش، اجارتچیلر ایشلری، اداری ایش یوریتیش جریانی، یوقالگن کیشیلرنینگ شرعی وکیللری شرایطی، خارجی وکالتنامهلرنینگ اعتباری همده ییغیلگن درآمدلرنینگ ایگهلریگه انتقال بیریلیش ترتیبی هم بیللی بولگن.
